ದುಬೈ:ಕೋಟ್ಯಂತರ ಮಂದಿ ಉತ್ಸಾಹಭರಿತರಾಗಿ ಕಾಯುತ್ತ ಕುಳಿತಿರುವ 13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಆರಂಭಗೊಳ್ಳಲು ಕೇವಲ 5 ದಿನಗಳು ಬಾಕಿಯುಳಿದಿದೆ. ಈ ಮಿಲಿಯನ್ ಡಾಲರ್ ಟೂರ್ನಿ ಸುಮಾರು 120 ದೇಶಗಳಲ್ಲಿ ಪ್ರಸಾರವಾಗಲಿದೆ ಎಂದು ತಿಳಿದುಬಂದಿದೆ.
ಸೆಪ್ಟೆಂಬರ್ 19ರಿಂದ ಐಪಿಎಲ್ ಆರಂಭಗೊಳ್ಳಲಿದ್ದು ಮೊದಲ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್ಕಿಂಗ್ಸ್ ತಂಡಗಳು ಸೆಣೆಸಾಡಲಿವೆ. ಟೂರ್ನಿಯ ಅಧಿಕೃತ ಪ್ರಸಾರ ಹಕ್ಕನ್ನು ಪಡೆದಿರುವ ಸ್ಟಾರ್ ಸ್ಪೋರ್ಟ್ಸ್ ವಿವಿಧ ದೇಶಗಳ ಚಾನೆಲ್ಗಳೊಂದಿಗೆ ನೇರ ಪ್ರಸಾರವನ್ನು ಹಂಚಿಕೊಳ್ಳಲಿದೆ ಎಂದು ತಿಳಿದುಬಂದಿದೆ.
ಕೋವಿಡ್ 19 ಭೀತಿಯಿಂದ ಮುಚ್ಚಿದ ಕ್ರೀಡಾಂಗಣದಲ್ಲಿ ಈ ಬಾರಿ ಟೂರ್ನಿ ಅಯೋಜನೆಗೊಳ್ಳುತ್ತಿರುವುದಿರಿಂದ ಟಿವಿಯಲ್ಲೇ ಬೌಂಡರಿ ಸಿಕ್ಸರ್ಗಳ ಹಬ್ಬನ್ನು ಕಣ್ತುಂಬಿಕೊಳ್ಳಬೇಕಿದೆ. ಆಶ್ಚರ್ಯವೆಂದರೆ 120 ದೇಶಗಳಲ್ಲಿ ನೇರಪ್ರಸಾರವಾಗುವ ವಿಶ್ವದ ನಂಬರ್ ಒನ್ ಟಿ20 ಟೂರ್ನಿ ನೆರೆಯ ರಾಷ್ಟ್ರಗಳಾದ ಚೀನಾ ಮತ್ತು ಪಾಕಿಸ್ತಾನದಲ್ಲಿ ಮಾತ್ರ ಪ್ರಸಾರವಾಗುತ್ತಿಲ್ಲ. ಇದುವರೆಗೂ ಅಲ್ಲಿನ ಯಾವುದೇ ಚಾನೆಲ್ಗಳು ನೇರಪ್ರಸಾರದ ಹಕ್ಕನ್ನು ಪಡೆಯಲು ಮುಂದೆ ಬಂದಿಲ್ಲ ಎಂದು ತಿಳಿದುಬಂದಿದೆ.
ವರದಿಗಳ ಪ್ರಕಾರ ಭಾರತದಲ್ಲಿ ಸ್ಟಾರ್ ಸ್ಫೋರ್ಟ್ಸ್ ಮತ್ತು ಹಾಟ್ ಸ್ಟಾರ್ ಐಪಿಎಲ್ ಪ್ರಸಾರ ಮಾಡಲಿದೆ. ಕನ್ನಡ, ತಮಿಳು,ತೆಲುಗು, ಹಿಂದಿ, ಮಲೆಯಾಳಂ, ಮರಾಠಿ ಹಾಗೂ ಬೆಂಗಾಲಿ ಭಾಷೆಗಳಲ್ಲಿ ಸ್ಟಾರ್ ಸ್ಪೋರ್ಟ್ಸ್ ಪ್ರಸಾರ ಮಾಡಲಿದೆ.
ವಿವಿಧ ದೇಶಗಳಲ್ಲಿ ಐಪಿಎಲ್ ಪ್ರಸಾರ ಮಾಡುವ ಚಾನೆಲ್ಗಳ ವಿವರ
- ಇಂಗ್ಲೆಂಡ್ ಮತ್ತು ಐರ್ಲೆಂಡ್ನಲ್ಲಿ: ಸ್ಕೈ ಸ್ಪೋರ್ಟ್ಸ್
- ಅಮೆರಿಕ ಮತ್ತು ಕೆನಡಾದಲ್ಲಿ:ವಿಲ್ಲೋ ಟಿವಿ
- ದಕ್ಷಿಣ ಆಫ್ರಿಕಾ : ಸೂಪರ್ ಸ್ಫೋರ್ಟ್ಸ್
- ಮಧ್ಯ-ಪ್ರಾಚ್ಯ ಮತ್ತು ಉತ್ತರ ಆಫ್ರಿಕಾಗಳಲ್ಲಿ : ಬೈನ್ ಸ್ಫೋರ್ಟ್
- ಉತ್ತರ ಅಮೇರಿಕ, ಯುರೋಪ್, ಮಲೇಷ್ಯಾ, ಸಿಂಗಾಪುರ ಒಳಗೊಂಡ ಆಗ್ನೇಯ ಏಷ್ಯಾ ರಾಷ್ಟ್ರಗಳು: ಯುಪ್ ಟಿವಿ
- ಆಸ್ಟ್ರೇಲಿಯಾದ: ಫಾಕ್ಸ್ ಸ್ಫೋರ್ಟ್ಸ್ ,ಕಯೊ ಸ್ಪೋರ್ಟ್ಸ್
- ನ್ಯೂಜಿಲ್ಯಾಂಡ್: ಸ್ಕೈ ಸ್ಫೊರ್ಟ್ಸ್
- ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನ: ಸ್ಟಾರ್ ಸ್ಫೊರ್ಟ್ಸ್