ಕೊಲಂಬೊ: 2009ರಲ್ಲಿ ಪಾಕ್ ಪ್ರವಾಸದಲ್ಲಿದ್ದ ಶ್ರೀಲಂಕಾ ಕ್ರಿಕೆಟ್ ತಂಡದ ಮೇಲೆ ಅಲ್ಲಿನ ಭಯೋತ್ಪಾದಕರು ದಾಳಿ ನಡೆಸಿದರು. ದಾಳಿಯಲ್ಲಿ ಆರು ಭದ್ರತಾ ಸಿಬ್ಬಂದಿ ಹಾಗೂ ಇಬ್ಬರು ಸ್ಥಳೀಯರು ಸಾವನ್ನಪ್ಪಿದ್ರೆ, ಕೆಲ ಲಂಕಾ ಪ್ಲೇಯರ್ಸ್ ಕೂಡ ಗಾಯಗೊಂಡಿದ್ದರು.
ಘಟನೆ ನಡೆದ ಬಳಿಕ ಶ್ರೀಲಂಕಾ ಇದೀಗ ಮತ್ತೊಮ್ಮೆ ಪಾಕ್ಗೆ ಪ್ರಯಾಣ ಬೆಳೆಸಲು ಸಜ್ಜಾಗಿತ್ತು. ಇದರ ಮಧ್ಯೆ ಲಂಕಾ ಕ್ರಿಕೆಟ್ ತಂಡಕ್ಕೆ ಆಯ್ಕೆಗೊಂಡಿದ್ದ 10 ಪ್ಲೇಯರ್ಸ್ ತಾವು ಪಾಕ್ ಪ್ರಯಾಣ ಬೆಳೆಸುವುದಿಲ್ಲ ಎಂದಿದ್ದಾರೆ. ಅಲ್ಲಿನ ಭದ್ರತಾ ವ್ಯವಸ್ಥೆ ಬಗ್ಗೆ ಆತಂಕ ವ್ಯಕ್ತಪಡಿಸಿರುವ ಪ್ಲೇಯರ್ ಯಾವುದೇ ಕಾರಣಕ್ಕೂ ತಾವು ಪಾಕ್ಗೆ ಪ್ರಯಾಣ ಬೆಳೆಸುವುದಿಲ್ಲ ಎಂದು ಹೇಳಿಕೆ ನೀಡಿದ್ದಾರೆ.
ಶ್ರೀಲಂಕಾ ತಂಡದ ಮುಖ್ಯ ಪ್ಲೇಯರ್ ಆದ ನಿರೋಷನ್ ಡಿಕ್ವೆಲ್ಲಾ,ಕುಸಲ್ ಜಾನಿತ್ ಪೆರೆರಾ,ಧನಂಜಯ ಡಿ ಸಿಲ್ವಾ,ಥಿಸರಾ ಪೆರೆರಾ,ಅಕಿಲಾ ಧನಂಜಯ,ಲಸಿತ್ ಮಾಲಿಂಗ,ಏಂಜೆಲೊ ಮ್ಯಾಥ್ಯೂಸ್,ಸುರಂಗ ಲಕ್ಮಲ್, ದಿನೇಶ್ ಚಂಡಿಮಾಲ್ ಹಾಗೂ ದಿಮುತ್ ಕರುಣರತ್ನ ಪ್ರವಾಸಿದಿಂದ ಹೊರಗೆ ಉಳಿಯಲು ನಿರ್ಧರಿಸಿದ್ದಾರೆ.
ಪಾಕ್ ವಿರುದ್ಧ ಮೂರು ಏಕದಿನ ಪಂದ್ಯ ಹಾಗೂ ಕೆಲ ಟಿ-20 ಪಂದ್ಯಗಳಲ್ಲಿ ಭಾಗಿಯಾಗಲು ಶ್ರೀಲಂಕಾ ಕ್ರಿಕೆಟ್ ತಂಡ ಪಾಕ್ಗೆ ಇದೇ ತಿಂಗಳು ಪ್ರಯಾಣ ಬೆಳೆಸಬೇಕಾಗಿತ್ತು. ಸೆಪ್ಟೆಂಬರ್ 27ರಂದು ಮೊದಲ ಏಕದಿನ, ಸೆಪ್ಟಂಬರ್ 29ರಂದು ಎರಡನೇ ಏಕದಿನ ಹಾಗೂ ಅಕ್ಟೋಬರ್ 2ರಂದು ಮೂರನೇ ಏಕದಿನ ಹಾಗೂ ಅಕ್ಟೋಬರ್ 5ರಂದು ಮೊದಲ ಟಿ-20 ಪಂದ್ಯದಲ್ಲಿ ಲಂಕಾ ತಂಡ ಭಾಗಿಯಾಗಬೇಕಾಗಿತ್ತು. ಎಲ್ಲ ಪಂದ್ಯಗಳು ಕರಾಚಿ ಹಾಗೂ ಲಾಹೋರ್ನಲ್ಲಿ ನಡೆಯಲು ವೇಳಾಪಟ್ಟಿ ಸಹ ಫೈನಲ್ ಆಗಿದೆ.
ಒಂದು ಬಾರಿ ಉಗ್ರರ ದಾಳಿಯಾದ್ರೂ ಡೋಂಟ್ ಕೇರ್... ಮತ್ತೆ ಪಾಕ್ ಅಂಗಳದಲ್ಲಿ ಕ್ರಿಕೆಟ್ ಆಡಲಿದೆ ಲಂಕಾ ತಂಡ
2009ರಲ್ಲಿ ಶ್ರೀಲಂಕಾ ತಂಡದ ಮೇಲೆ ಲಾಹೋರ್ನ ಗಡಾಫಿ ಕ್ರೀಡಾಂಗಣದ ಹೊರಗೆ ದಾಳಿ ನಡೆದಿತ್ತು. ಇದಾದ ಬಳಿಕ ಪಾಕ್ ತನ್ನ ನೆಲದಲ್ಲಿ ಕ್ರಿಕೆಟ್ ನಡೆಸಲು ಅನೇಕ ಸಲ ಹರಸಾಹಸ ಪಟ್ಟಿದೆ. 2015ರಲ್ಲಿ ಜಿಂಬಾಬ್ವೆ,2017ರಲ್ಲಿ ವಿಶ್ವ XI, 2017ರಲ್ಲೇ ಶ್ರೀಲಂಕಾ ಹಾಗೂ 2018ರಲ್ಲಿ ವೆಸ್ಟ್ ಇಂಡೀಸ್ ತಂಡ ಪಾಕ್ಗೆ ಪ್ರಯಾಣ ಬೆಳೆಸಿ ಕ್ರಿಕೆಟ್ ಆಡಿವೆ. ಆದರೆ ಭಾರತ,ದಕ್ಷಿಣ ಆಫ್ರಿಕಾ,ಆಸ್ಟ್ರೇಲಿಯಾ,ನ್ಯೂಜಿಲ್ಯಾಂಡ್,ಇಂಗ್ಲೆಂಡ್ನಂತಹ ಬಲಿಷ್ಠ ತಂಡಗಳು ಇಲ್ಲಿಗೆ ಪ್ರಯಾಣ ಬೆಳೆಸಿಲ್ಲ.
