ನವದೆಹಲಿ :ಭಾರತ ತಂಡದ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ರಿಷಭ್ ಪಂತ್ ಪ್ರಸ್ತುತ ಎಲ್ಲಾ ಮಾದರಿಯ ಕ್ರಿಕೆಟ್ನಲ್ಲೂ ಅತ್ಯುತ್ತಮ ಫಾರ್ಮ್ನಲ್ಲಿದ್ದಾರೆ.
ಟೆಸ್ಟ್ ತಂಡದ ಪ್ರಧಾನ ವಿಕೆಟ್ ಕೀಪರ್ ಆಗಿರುವ ಅವರು ಫಿಟ್ನೆಸ್ ವಿಚಾರದಲ್ಲಿ ಬಹಳ ಕಾಳಜಿವಹಿಸುತ್ತಿದ್ದಾರೆ.
ಬಯೋಬಬಲ್ನಲ್ಲಿ ಕೊರೊನಾ ಕಾಣಿಸಿದ ಹಿನ್ನಲೆ 14ನೇ ಆವೃತ್ತಿಯ ಐಪಿಎಲ್ನ ಬಿಸಿಸಿಐ ತಾತ್ಕಾಲಿಕವಾಗಿ ರದ್ದುಗೊಳಿಸಿದೆ. ಈಗಾಗಲೇ ಭಾರತದ ಆಟಗಾರರೆಲ್ಲರೂ ತಮ್ಮ ತಮ್ಮ ಮನೆಯಲ್ಲಿ ಸುರಕ್ಷಿತವಾಗಿದ್ದಾರೆ.
ಆದರೆ, ದೇಶದಲ್ಲಿ ಕೋವಿಡ್-19 ಎರಡನೇ ಅಲೆಯ ಅಬ್ಬರ ಕಡಿಮೆಯಾಗದಿರುವುದರಿಂದ ಕೆಲವು ಕಡೆ ಲಾಕ್ಡೌನ್ ಮುಂದುವರಿದೆ.
ಹಾಗಾಗಿ, ಆಟಗಾರರೆಲ್ಲರೂ ಫಿಟ್ನೆಸ್ ಕಾಪಾಡಿಕೊಳ್ಳಲು ಮನೆಯಲ್ಲಿ ಹರಸಾಹಸ ಪಡುತ್ತಿದ್ದಾರೆ. ಇದಕ್ಕೆ ರಿಷಭ್ ಪಂತ್ ಕೂಡ ಹೊರೆತಾಗಿಲ್ಲ.
ಅವರು ತಮ್ಮ ಮನೆಯ ಮುಂಭಾಗದ ಪಾರ್ಕ್ನಲ್ಲಿ ಬೆಳೆದಿರುವ ಹುಲ್ಲನ್ನು ಮೂವರ್ ಮೂಲಕ ಕತ್ತರಿಸುವ ಕೆಲಸವನ್ನು ಮಾಡುತ್ತಿದ್ದಾರೆ.
ಈ ವಿಡಿಯೋವನ್ನು ಟ್ವಿಟರ್ನಲ್ಲಿ ಶೇರ್ ಮಾಡಿಕೊಂಡಿರುವ ಪಂತ್, ಬಲವಂತದ ಕ್ವಾರಂಟೈನ್ ಬ್ರೇಕ್ನಲ್ಲಿದ್ದೇನೆ.
ಆದರೂ ಇಂಡೋರ್ನಲ್ಲಿ ಸಕ್ರಿಯವಾಗಿರಲು ಈ ಮೂಲಕ ಸಾಧ್ಯವಾಗಿದೆ. ದಯವಿಟ್ಟು ಎಲ್ಲರೂ ಸುರಕ್ಷಿತವಾಗಿರಿ" ಎಂದು ಬರೆದು ವಿಡಿಯೋ ಶೇರ್ ಮಾಡಿದ್ದಾರೆ.
ಶ್ರೇಯಸ್ ಅಯ್ಯರ್ ಅನುಪಸ್ಥಿತಿಯಲ್ಲಿ ಡೆಲ್ಲಿ ಕ್ಯಾಪಿಟಲ್ ತಂಡದ ನೇತೃತ್ವವಹಿಸಿಕೊಂಡಿದ್ದ ಪಂತ್ ತಂಡವನ್ನು ಅದ್ಭುತವಾಗಿ ಮುನ್ನಡೆಸಿದ್ದರು.
ಡೆಲ್ಲಿ ಆಡಿದ 8 ಪಂದ್ಯಗಳಲ್ಲಿ 6 ಗೆಲುವುಗಳೊಂದಿಗೆ ಅಗ್ರಸ್ಥಾನದಲ್ಲಿತ್ತು. ದುರಾದೃಷ್ಟವಶಾತ್ ಟೂರ್ನಿ ರದ್ದಾಗಿದ್ದರಿಂದ ಡೆಲ್ಲಿ ತಂಡಕ್ಕೆ ನಿರಾಶೆಯುಂಟಾಯಿತು.
ಇದನ್ನು ಓದಿ:ಧೋನಿ ಭಾಯ್ ಮಾರ್ಗದರ್ಶನ ಮಿಸ್ ಮಾಡ್ಕೊಳ್ತಿದೀನಿ: ಕುಲ್ದೀಪ್ ಯಾದವ್
