ಮುಂಬೈ :ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ 3 ವಿಕೆಟ್ ಪಡೆಯುವ ಮೂಲಕ ಮಿಂಚಿದ ಸನ್ರೈಸರ್ಸ್ ಹೈದರಾಬಾದ್ ತಂಡ ಸ್ವಿಂಗ್ ಮಾಸ್ಟರ್ ಭುವನೇಶ್ವರ್ ಕುಮಾರ್, ಐಪಿಎಲ್ ಇತಿಹಾಸದಲ್ಲಿ 150 ವಿಕೆಟ್ ಪಡೆದ ಮೊದಲ ಭಾರತೀಯ ವೇಗಿ ಎನಿಸಿಕೊಂಡಿದ್ದಾರೆ. ಮುಂಬೈನ ಡಿವೈ ಪಾಟೀಲ್ ಸ್ಫೋರ್ಟ್ಸ್ ಅಕಾಡೆಮಿಯಲ್ಲಿ ನಡೆದ ಪಂದ್ಯದಲ್ಲಿ ಭುವನೇಶ್ವರ್ ಕುಮಾರ್, ಶಿಖರ್ ಧವನ್(8), ಲಿಯಾಮ್ ಲಿವಿಂಗ್ ಸ್ಟೋನ್(60) ಮತ್ತು ಶಾರುಖ್ ಖಾನ್(26) ವಿಕೆಟ್ ಪಡೆಯುವ ಮೂಲಕ ಐಪಿಎಲ್ನಲ್ಲಿ 150 ವಿಕೆಟ್ ಪೂರೈಸಿದರು.
ಭುವನೇಶ್ವರ್ ಐಪಿಎಲ್ ಇತಿಹಾಸದಲ್ಲಿ 150 ವಿಕೆಟ್ ಪಡೆದ ಮೊದಲ ಭಾರತೀಯ ವೇಗಿ ಹಾಗೂ ಒಟ್ಟಾರೆ 6ನೇ ಬೌಲರ್ ಎನಿಸಿಕೊಂಡರು. ಭುವಿಗೂ ಮೊದಲು ಡ್ವೇನ್ ಬ್ರಾವೋ(174), ಲಿಸಿತ್ ಮಾಲಿಂಗ(170),ಅಮಿತ್ ಮಿಶ್ರಾ(166), ಪಿಯುಷ್ ಚಾವ್ಲಾ(157), ಯುಜ್ವೇಂದ್ರ ಚಹಲ್(151), ಹರ್ಭಜನ್ ಸಿಂಗ್ (150) ಈ ಮೈಲುಗಲ್ಲು ನಿರ್ಮಿಸಿದ್ದರು.