ಸಿಕ್ಸರ್​​​​ನಲ್ಲಿ ಮೆಕಲಮ್​ ದಾಖಲೆ ಮುರಿದ ಸ್ಟೋಕ್ಸ್​ : 1002 ವಿಕೆಟ್​ ಪಡೆದ ಆಂಡರ್ಸನ್ ಮತ್ತು ಬ್ರಾಡ್ ಜೋಡಿ

ಮೆಕಲಮ್​​ ಸಿಕ್ಸರ್​ ದಾಖಲೆ ಮುರಿದ ಬೆನ್​ ಸ್ಟೋಕ್ಸ್​ - 1002 ವಿಕೆಟ್​ ಪಡೆದು ವಾರ್ನ್ ಮತ್ತು ಮೆಕ್‌ಗ್ರಾತ್‌ ದಾಖಲೆ ಮುರಿದ ಆಂಡರ್ಸನ್ ಮತ್ತು ಬ್ರಾಡ್ ಜೋಡಿ - ಕಿವೀಸ್​ ಗೆಲುವಿಗೆ 394 ರನ್​ ಗುರಿ

ಮೌಂಟ್ ಮೌಂಗನುಯಿ (ನ್ಯೂಜಿಲ್ಯಾಂಡ್​ ):ಇಂಗ್ಲೆಂಡ್ ತಂಡದ ಆಲ್‌ರೌಂಡರ್ ಮತ್ತು ಟೆಸ್ಟ್ ನಾಯಕ ಬೆನ್ ಸ್ಟೋಕ್ಸ್ ಟೆಸ್ಟ್ ಕ್ರಿಕೆಟ್ ಹೊಸ ದಾಖಲೆ ನಿರ್ಮಿಸಿದ್ದಾರೆ. ತಮ್ಮ ಕೋಚ್​ ಎದುರೇ ಅವರ ದಾಖಲೆ ಮುರಿದು ಪ್ರಶಂಸೆ ಗಿಟ್ಟಿಸಿಕೊಂಡಿದ್ದಾರೆ. ನ್ಯೂಜಿಲ್ಯಾಂಡ್​​ನ ಬ್ರೆಂಡನ್ ಮೆಕಲಮ್ ಅವರು ಸದ್ಯ ಇಂಗ್ಲೆಂಡ್​ ಕೋಚ್​ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಮೆಕಲಮ್​ ಟೆಸ್ಟ್​ನಲ್ಲಿ ಗಳಿಸಿದ್ದ 107 ಸಿಕ್ಸ್​ನ ದಾಖಲೆಯನ್ನು ನ್ಯೂಜಿಲ್ಯಾಂಡ್​​​ ವಿರುದ್ಧದ ಪಂದ್ಯದಲ್ಲಿ ಬೆನ್​ ಸ್ಟೋಕ್ಸ್ ಮುರಿದ್ದಿದ್ದಾರೆ. ಮೌಂಟ್ ಮೌಂಗನುಯಿಯಲ್ಲಿ ನ್ಯೂಜಿಲ್ಯಾಂಡ್​ ಮತ್ತು ಇಂಗ್ಲೆಂಡ್​ ನಡುವೆ ಪಂದ್ಯ ನಡೆಯುತ್ತಿದ್ದು, ಮ್ಯಾಚ್​ನ ಎರಡನೇ ಇನ್ನಿಂಗ್ಸ್​ನಲ್ಲಿ ಸ್ಟೋಕ್ಸ್​ 2 ಸಿಕ್ಸ್​ ಬಾರಿಸುವ ಮೂಲಕ ಈ ದಾಖಲೆ ಬರೆದಿದ್ದಾರೆ. ಮೂರನೇ ದಿನದಾಟದಲ್ಲಿ ಪಂದ್ಯದಲ್ಲಿ ಸ್ಕಾಟ್ ಕುಗ್ಗೆಲೆಯ್ನ್ ಬೌಲಿಂಗ್​ನಲ್ಲಿ ಫೈನ್ ಲೆಗ್ ಕಡೆಗೆ ಸಿಕ್ಸ್​ ಹೊಡೆಯುವ ಮೂಲಕ ಈ ದಾಖಲೆ ಬರೆದರು. ಈ ವೇಳೆ, ಇಂಗ್ಲೆಂಡ್​ ಕೋಚ್​ ಆಗಿರುವ ಬ್ರೆಂಡನ್ ಮೆಕಲಮ್ ಚಪ್ಪಾಳೆ ತಟ್ಟಿ ಪ್ರಶಂಸೆ ವ್ಯಕ್ತಪಡಿಸಿದರು. ಸ್ಟೋಕ್ಸ್ 33 ಎಸೆತಗಳಲ್ಲಿ ಮೂರು ಬೌಂಡರಿ ಮತ್ತು ಎರಡು ಸಿಕ್ಸರ್‌ನಿಂದ 31 ರನ್ ಗಳಿಸಿದರು.

ಇದುವರೆಗೂ 90 ಟೆಸ್ಟ್​ನಲ್ಲಿ 169 ಇನ್ನಿಂಗ್ಸ್​ ಆಡಿರುವ ಸ್ಟೋಕ್ಸ್ 109 ಸಿಕ್ಸರ್‌ಗಳನ್ನು ಹೊಡೆದಿದ್ದಾರೆ. 36.00 ಸರಾಸರಿಯಲ್ಲಿ 12 ಶತಕ ಮತ್ತು 28 ಅರ್ಧಶತಕಗಳೊಂದಿಗೆ ಒಟ್ಟು 5,652 ರನ್ ಗಳಿಸಿದ್ದಾರೆ. ಟೆಸ್ಟ್​ ಮಾಡರಿಯಲ್ಲಿ 258 ಅವರ ಅತ್ಯುತ್ತಮ ಸ್ಕೋರ್ ಆಗಿದೆ. ನ್ಯೂಜಿಲ್ಯಾಂಡ್​​​ನ ಬ್ರೆಂಡನ್ ಮೆಕಲಮ್ 101 ಟೆಸ್ಟ್‌ಗಳಲ್ಲಿ 107 ಸಿಕ್ಸರ್‌ಗಳನ್ನು ಗಳಿಸಿ ಟೆಸ್ಟ್​ನಲ್ಲಿ ಅತೀ ಹೆಚ್ಚು ಸಿಕ್ಸ್​ ಗಳಿಸಿದ ದಾಖಲೆ ಹೊಂದಿದ್ದರು. ಮೆಕಲಮ್ 38.64 ರ ಸರಾಸರಿಯಲ್ಲಿ 6,453 ರನ್ ಗಳಿಸಿದ್ದು, 302 ಅವರ ಅತ್ಯುತ್ತಮ ಸ್ಕೋರ್​ ಆಗಿದೆ. ಟೆಸ್ಟ್​ನಲ್ಲಿ 12 ಶತಕಗಳು ಮತ್ತು 31 ಅರ್ಧಶತಕಗಳನ್ನು ಮೆಕಲಮ್ ಗಳಿಸಿದ್ದಾರೆ.

ಮೂರನೇ ದಿನದಾಟ ಆಗುತ್ತಿದ್ದು, ಇಂಗ್ಲೆಂಡ್ ಎರಡನೇ ಇನ್ನಿಂಗ್ಸ್​ನಲ್ಲಿ 374ಕ್ಕೆ ಆಲ್​ಔಟ್​ ಆಗಿದೆ. ನ್ಯೂಜಿಲ್ಯಾಂಡ್​​​ ಬ್ಯಾಟಿಂಗ್​ ಆರಂಭಿಸಿದ್ದು ಮೂರು ವಿಕೆಟ್​ ಕಳೆದುಕೊಂಡಿದೆ. ಎರಡೂ ವಿಕೆಟ್​ಗಳನ್ನು ಬ್ರಾಡ್​ ಗಳಿಸದ್ದಾರೆ. ಪಂದ್ಯ ಗೆಲ್ಲಲು ನ್ಯೂಜಿಲ್ಯಾಂಡ್​​​​ಗೆ 394 ರನ್​ಗಳ ಅವಶ್ಯಕತೆ ಇದೆ. ಇನ್ನು ಎರಡು ದಿನ ವಿಕಟ್​ ಕಾಯ್ದು ಕೊಂಡರೆ ಕಿವೀಸ್​ಗೆ ಪಂದ್ಯ ಗೆಲ್ಲುವ ಅವಕಾಶ ಇದೆ.

ಆಂಡರ್ಸನ್ ಮತ್ತು ಬ್ರಾಡ್ ಜೋಡಿಯಿಂದ ವಿಕೆಟ್​ ದಾಖಲೆ ಗಳಿಕೆ:ಆಂಡರ್ಸನ್ ಮತ್ತು ಬ್ರಾಡ್ ಅವರು ವಾರ್ನ್ ಮತ್ತು ಮೆಕ್‌ಗ್ರಾತ್‌ ಜೋಡಿಯ ವಿಕೆಟ್​ ಗಳಿಕೆಯ ದಾಖಲೆಯನ್ನು ಮುರಿದಿದ್ದಾರೆ. ಎರಡನೇ ಇನ್ನಿಂಗ್ಸ್​ ಆರಂಭಿಸಿದ ನ್ಯೂಜಿಲ್ಯಾಂಡ್​ಗೆ ಬ್ರಾಡ್ ಆರಂಭಿಕ ಆಘಾತ ನೀಡುವ ಮೂಲಕ ಜೊತೆಯಾಗಿ 1002 ವಿಕೆಟ್​ ಪಡೆದ ದಾಖಲೆ ನಿರ್ಮಾಣ ಮಾಡಿದ್ದಾರೆ.

ಪಂದ್ಯ:ಟಾಸ್​ ಗೆದ್ದ ಕಿವೀಸ್​ ಫೀಲ್ಡ್​ ಆಯ್ದುಕೊಂಡಿತು. ಬ್ಯಾಟಿಂಗ್​ಗೆ ಇಳಿದ ಆಂಗ್ಲರ ಪಡೆ 325ಕ್ಕೆ 9 ವಿಕೆಟ್ ಕಳೆದುಕೊಂಡು ಡಿಕ್ಲೆರ್​ ಘೋಷಿಸಿತು. ಡಕೆಟ್ 84 ಮತ್ತು ಹ್ಯಾರಿ ಬ್ರೂಕ್ 89 ರನ್​ಗಳಿಸಿ ತಂಡ ತ್ರಿಶತಕ ತಲುಪಲು ಸಹಕಾರಿಯಾದರು. ನೀಲ್ ವ್ಯಾಗ್ನರ್ 4 ವಿಕೆಟ್​ ಪಡೆದರು. ಮೊದಲ ಇನ್ನಿಂಗ್ಸ್​ನಲ್ಲಿ ಕಿವೀಸ್​ ಡೆವೊನ್ ಕಾನ್ವೇ (77) ಮತ್ತು ಟಾಮ್ ಬ್ಲಂಡೆಲ್ (138) ಬ್ಯಾಟಿಂಗ್​ ನೆರವಿನಿಂದ 306ರನ್​ ಗಳಿಸಿತು. 19 ರನ್​ನ ಮುನ್ನಡೆಯಿಂದ ಬ್ಯಾಟಿಂಗ್​ ಆರಂಭಿಸಿದ ಇಂಗ್ಲೆಂಡ್​ ಜೋ ರೂಟ್, ಹ್ಯಾರಿ ಬ್ರೂಕ್ ಮತ್ತು ಬೆನ್ ಫೋಕ್ಸ್ ಅವರ ಅರ್ಧ ಶತಕದ ನೆರವಿನಿಂದ 374 ರನ್​ಗಳಿಸಿತು. ಎರಡನೇ ಇನ್ನಿಂಗ್ಸ್​ ಆರಂಭಿಸಿರುವ ಕಿವೀಸ್​ಗೆ ಆರಂಭಿಕ ಆಘಾತ ಆಗಿದ್ದು, 9 ಓವರ್​ಗೆ 24ಕ್ಕೆ 3 ವಿಕೆಟ್​ ಕಳೆದುಕೊಂಡಿದೆ.

ಇದನ್ನೂ ಓದಿ:ಬಾರ್ಡರ್ ಗವಾಸ್ಕರ್ ಟ್ರೋಫಿ: ಎರಡನೇ ಟೆಸ್ಟ್​ನಿಂದ ವಾರ್ನರ್​ ಹೊರಕ್ಕೆ