ಲಂಡನ್ :ಜೋ ರೂಟ್ ಟೆಸ್ಟ್ ತಂಡದ ನಾಯಕತ್ವದಿಂದ ಕೆಳಗಿಳಿದ ನಂತರ ಆ ಜವಾಬ್ದಾರಿ ಆಲ್ರೌಂಡರ್ ಬೆನ್ ಸ್ಟೋಕ್ಸ್ ಹೆಗಲಿಗೆ ಬಿದ್ದಿದೆ. ಇದರ ಬೆನ್ನಲ್ಲೇ ಕೌಂಟಿ ಕ್ರಿಕೆಟ್ನಲ್ಲಿ ಅಬ್ಬರಿಸಿರುವ ಈ ಪ್ಲೇಯರ್ ದಾಖಲೆಯ 17 ಸಿಕ್ಸರ್ ಸಮೇತವಾಗಿ ಕೇವಲ 88 ಎಸೆತಗಳಲ್ಲಿ 161 ರನ್ಗಳಿಕೆ ಮಾಡಿದ್ದಾರೆ. ವಿಶೇಷವೆಂದರೆ ಒಂದೇ ಓವರ್ನಲ್ಲಿ 34 ರನ್ಗಳಿಸಿದ್ದಾರೆ.
ವೋರ್ಸೆಸ್ಟರ್‌ಶೈರ್‌ ವಿರುದ್ಧ ನಡೆಯುತ್ತಿರುವ ಕೌಂಟಿ ಕ್ರಿಕೆಟ್ ಪಂದ್ಯದಲ್ಲಿ ಬೆನ್ ಸ್ಟೋಕ್ಸ್ ಅಬ್ಬರಿಸಿದ್ದಾರೆ. 8 ಬೌಂಡರಿ, 17 ಸಿಕ್ಸರ್ ಸೇರಿದಂತೆ 161 ರನ್ಗಳಿಸಿದ್ದಾರೆ. ಇದರ ಜೊತೆಗೆ ಕೌಂಟಿ ಪಂದ್ಯವೊಂದರ ಇನ್ನಿಂಗ್ಸ್ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಬಾರಿಸಿರುವ ದಾಖಲೆಗೆ ಪಾತ್ರರಾಗಿದ್ದಾರೆ.