ಮಹಿಳಾ ಕ್ರಿಕೆಟ್ ಬಲಪಡಿಸುವ ಮತ್ತು ಯುವ ಪ್ರತಿಭೆಗಳನ್ನು ಪೋಷಿಸುವ ಮಹತ್ವದ ಕ್ರಮದಲ್ಲಿ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಮಹಿಳಾ ಆಯ್ಕೆ ಸಮಿತಿ ಮತ್ತು ಜೂನಿಯರ್ ಕ್ರಿಕೆಟ್ ಸಮಿತಿಯ ನೇಮಕಾತಿಗಳನ್ನು ಪ್ರಕಟಿಸಿದೆ. ಆಯ್ಕೆ ಪ್ರಕ್ರಿಯೆಯನ್ನು ಕ್ರಿಕೆಟ್ ಸಲಹಾ ಸಮಿತಿ (ಸಿಎಸಿ) ಮೇಲ್ವಿಚಾರಣೆ ಮಾಡಿದೆ. ಇದರಲ್ಲಿ ಸುಲಕ್ಷಣಾ ನಾಯಕ್, ಅಶೋಕ್ ಮಲ್ಹೋತ್ರಾ ಮತ್ತು ಜತಿನ್ ಪರಾಂಜಪೆ ಇದ್ದರು. ಕ್ರಿಕೆಟ್ ಸಲಹಾ ಸಮಿತಿ ಶ್ಯಾಮ ಡೇ ಶಾ ಮತ್ತು ವಿ.ಎಸ್. ತಿಲಕ್ ನಾಯ್ಡು ಅವರನ್ನು ನೇರವಾಗಿ ಆಯ್ಕೆ ಮಾಡಿಕೊಂಡಿದೆ.
ಹೊಸದಾಗಿ ನೇಮಕಗೊಂಡ ಸಮಿತಿಗಳೊಂದಿಗೆ ಬಿಸಿಸಿಐ ಮಹಿಳಾ ಕ್ರಿಕೆಟ್ ಮತ್ತು ಜೂನಿಯರ್ ಕ್ರಿಕೆಟ್ಗೆ ಸುವ್ಯವಸ್ಥಿತ ಆಯ್ಕೆ ಪ್ರಕ್ರಿಯೆಯ ಮಾಡಲು ಮುಂದಾಗಿದೆ. ಮಹಿಳಾ ಆಯ್ಕೆ ಸಮಿತಿಯ ಅಧ್ಯಕ್ಷರಾಗಿ ನೀತು ಡೇವಿಡ್, ರೇಣು ಮಾರ್ಗರೇಟ್, ಆರತಿ ವೈದ್ಯ, ಕಲ್ಪನಾ ವೆಂಕಟಾಚ ಮತ್ತು ಶ್ಯಾಮ ಡೇ ಶಾ ಇತರ ಸದಸ್ಯರಾಗಿರುತ್ತಾರೆ. ಜೂನಿಯರ್ ಕ್ರಿಕೆಟ್ ಸಮಿತಿಯನ್ನು ವಿ.ಎಸ್. ತಿಲಕ್ ನಾಯ್ಡು ನೇತೃತ್ವ ವಹಿಸಲಿದ್ದು ರಣದೇಬ್ ಬೋಸ್, ಹರ್ವಿಂದರ್ ಸಿಂಗ್ ಸೋಧಿ, ಪಥಿಕ್ ಪಟೇಲ್ ಮತ್ತು ಕ್ರಿಶೇನ್ ಮೋಹನ್ ಇತರ ಸದಸ್ಯರಾಗಿರುತ್ತಾರೆ.
ಶ್ಯಾಮ ಡೇ ಶಾ ಅವರು ಎಡಗೈ ಬ್ಯಾಟರ್ ಮತ್ತು ಮಧ್ಯಮ ವೇಗದ ಬೌಲರ್. ಮೂರು ಟೆಸ್ಟ್ ಮತ್ತು ಐದು ಏಕದಿನ ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದಾರೆ. ದೇಶಿ ಮಟ್ಟದಲ್ಲಿ ಅವರು ಆರಂಭದಲ್ಲಿ 1985 ರಿಂದ 1997 ರವರೆಗೆ ರೈಲ್ವೇಸ್‌ಗೆ ಸೇರುವ ಮೊದಲು 1998 ರಿಂದ 2002 ರವರೆಗೆ ಬೆಂಗಾಲ್‌ಗಾಗಿ ಆಡಿದರು. ಆಟದ ವೃತ್ತಿಜೀವನದ ನಂತರ ಶಾ ಎರಡು ಅವಧಿಗೆ ಬಂಗಾಳದ ಆಯ್ಕೆಗಾರರಾಗಿ ಸೇವೆ ಸಲ್ಲಿಸಿದ್ದಾರೆ.