ಬಾಂಗ್ಲಾದೇಶದ ವೇಗದ ಬೌಲರ್ ಶೋಹಿದುಲ್ ಇಸ್ಲಾಂ ಐಸಿಸಿಯ ಡೋಪಿಂಗ್ ನಿಯಮ ಮೀರಿದ್ದರಿಂದ 10 ತಿಂಗಳು ಕಾಲ ಎಲ್ಲ ಮಾದರಿಯ ಕ್ರಿಕೆಟ್ನಿಂದ ನಿಷೇಧ ಹೇರಲಾಗಿದೆ. ಡೋಪಿಂಗ್ ಸಂಹಿತೆಯ ಆರ್ಟಿಕಲ್ 2.1 ಅನ್ನು ಉಲ್ಲಂಘಿಸಿದ್ದಾಗಿ ತಪ್ಪೊಪ್ಪಿಕೊಂಡ ನಂತರ ಶೋಹಿದುಲ್ರನ್ನು ಅಮಾನತುಗೊಳಿಸಲಾಗಿದೆ.
ಬಾಂಗ್ಲಾದೇಶ ಪರವಾಗಿ ಏಕೈಕ ಟಿ-20 ಪಂದ್ಯವನ್ನಾಡಿರುವ ಶೋಹಿದುಲ್ ಐಸಿಸಿಯ ಔಟ್ ಆಫ್ ಸ್ಪೋರ್ಟ್ ಪರೀಕ್ಷೆಯಲ್ಲಿ ಭಾಗಿಯಾಗಿ ಮೂತ್ರದ ಮಾದರಿಯನ್ನು ಒದಗಿಸಿದ್ದರು. ಈ ವೇಳೆ, ಅವರ ದೇಹದಲ್ಲಿ ನಿಷೇಧಿತ 'ಕ್ಲೋಮಿಫೆನ್' ಅಂಶ ಇರುವಿಕೆ ಪತ್ತೆಯಾಗಿತ್ತು. ಇದು ವಿಶ್ವ ಡೋಪಿಂಗ್ ವಿರೋಧಿ ಸಂಸ್ಥೆ(ವಾಡಾ)ದ ನಿಷೇಧಿತ ಪಟ್ಟಿಯಲ್ಲಿದೆ. ಹೀಗಾಗಿ ಇಸ್ಲಾಂ ಡೋಪಿಂಗ್ ನಿಯಮವನ್ನು ಉಲ್ಲಂಘಿಸಿದಂತಾಗಿದೆ.