ಮೊದಲ ಏಕದಿನ ಪಂದ್ಯ : ಬಾಂಗ್ಲಾದೇಶಕ್ಕೆ ಶರಣಾದ ಸಿಂಹಳೀಯರು

ಮೆಹಿದಿ ಹಸನ್ ಮುಸ್ತಫಿಜುರ್ ರೆಹಮಾನ್ 34 ರನ್​ ನೀಡಿ 3 ವಿಕೆಟ್​ ಮತ್ತು ಸೈಫುದ್ದೀನ್ 49 ರನ್​ ನೀಡಿ 2 ವಿಕೆಟ್ ಪಡೆದು ಗೆಲುವಿನ ರೂವಾರಿಯಾದರು..

ಢಾಕಾ :ಮುಶ್ಫೀಕರ್​ ರಹೀಮ್ ಬ್ಯಾಟಿಂಗ್ ಮತ್ತು ಮೆಹಿದಿ ಹಸನ್ ಅದ್ಭುತ ಬೌಲಿಂಗ್ ನೆರವಿನಿಂದ ಪ್ರವಾಸಿ ಶ್ರೀಲಂಕಾ ವಿರುದ್ಧ ಬಾಂಗ್ಲಾದೇಶ 33 ರನ್​ಗಳ ಜಯ ಸಾಧಿಸಿ 1-0ಯಲ್ಲಿ ಸರಣಿ ಮುನ್ನಡೆ ಸಾಧಿಸಿದೆ.

ಢಾಕಾದ ಶೇರ್​ ಎ ಬಾಂಗ್ಲಾ ರಾಷ್ಟ್ರೀಯ ಸ್ಟೇಡಿಯಂನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಬಾಂಗ್ಲಾದೇಶ ತಂಡ, ನಾಯಕ ತಮೀಮ್ ಇಕ್ಬಾಲ್(52) ಮುಶ್ಫೀಕರ್ ರಹೀಮ್ (84) ಮತ್ತು ಮೊಹ್ಮದುಲ್ಲಾ (54) ಅರ್ಧಶತಕಗಳ ನೆರವಿನಿಂದ 50 ಓವರ್​ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 257 ರನ್​ಗಳಿಸಿತ್ತು. ಹುಸೇನ್ ಕೊನೆಯಲ್ಲಿ ಅಬ್ಬರಿಸಿ 27 ರನ್​ಗಳಿಸಿದ್ದರು.

258 ರನ್​ಗಳ ಗುರಿ ಪಡೆದ ಶ್ರೀಲಂಕಾ ಆರಂಭದಿಂದಲೂ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿ 48.1 ಓವರ್​ಗಲ್ಲಿ 224 ರನ್​ಗಳಿಗೆ ಸರ್ವಪತನ ಕಂಡು 33 ರನ್​ಗಳಿಂದ ಸೋಲುಂಡಿತು.

ಏಕಾಂಗಿ ಹೋರಾಟ ನಡೆಸಿದ ಆಲ್​ರೌಂಡರ್​ ವನಿಂಡು ಹಸರಂಗ 60 ಎಸೆತಗಳಲ್ಲಿ 3 ಬೌಂಡರಿ ಹಾಗೂ 5 ಸಿಕ್ಸರ್​ಗಳ ಸಹಿತ 74 ರನ್​ಗಳಿಸಿ ಗೆಲುವಿಗಾಗಿ ನಡೆಸಿದ ಹೋರಾಟ ವಿಫಲವಾಯಿತು.

ಮೆಹಿದಿ ಹಸನ್ ಮುಸ್ತಫಿಜುರ್ ರೆಹಮಾನ್ 34 ರನ್​ ನೀಡಿ 3 ವಿಕೆಟ್​ ಮತ್ತು ಸೈಫುದ್ದೀನ್ 49 ರನ್​ ನೀಡಿ 2 ವಿಕೆಟ್ ಪಡೆದು ಗೆಲುವಿನ ರೂವಾರಿಯಾದರು.

ಇದನ್ನು ಓದಿ:ವರದಿಗಳ ಬೆನ್ನಲ್ಲೇ ಎಚ್ಚೆತ್ತ ಬಿಸಿಸಿಐ.. ಈ ವಾರವೇ ಮಹಿಳಾ ಕ್ರಿಕೆಟಿಗರಿಗೆ ಬಹುಮಾನದ ಮೊತ್ತ ವಿತರಣೆ!