ಢಾಕಾ: ಅತಿಥೇಯ ಬಾಂಗ್ಲದೇಶ ತಂಡ ಮೊದಲ ಟಿ-20 ಪಂದ್ಯದಲ್ಲಿ ಪ್ರವಾಸಿ ಆಸ್ಟ್ರೇಲಿಯಾ ತಂಡಕ್ಕೆ ಕೇವಲ 132 ರನ್ಗಳ ಗುರಿ ನೀಡಿಯೂ 23 ರನ್ಗಳ ರೋಚಕ ಜಯ ಸಾಧಿಸಿದೆ. ಇದು ಟಿ-20 ಕ್ರಿಕೆಟ್ನಲ್ಲಿ ಆಸೀಸ್ ವಿರುದ್ಧ ಮೊದಲ ಜಯ ಆಗಿದೆ.
ಮೊದಲು ಬ್ಯಾಟಿಂಗ್ ಮಾಡಿದ ಬಾಂಗ್ಲಾದೇಶ ತಂಡ ಆಸೀಸ್ ಬೌಲರ್ಗಳ ದಾಳಿಗೆ ಕಂಗೆಟ್ಟು 20 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 131 ರನ್ಗಳಿಸಿತ್ತು. ಮೊಹಮ್ಮದ್ ನಯೀಮ್ 30, ಶಕಿಬ್ ಅಲ್ ಹಸನ್ 36, ಮೊಹಮ್ಮದುಲ್ಲಾ 20 ಅಫೀಫ್ ಹುಸೇನ್ 23 ರನ್ಗಳಿಸಿದ್ದರು.
ಮಿಚೆಲ್ ಸ್ಟಾರ್ಕ್ 33ಕ್ಕೆ 2, ಹೆಜಲ್ವುಡ್ 24ಕ್ಕೆ 3, ಜಂಪಾ ಮತ್ತು ಆ್ಯಂಡ್ರ್ಯೂ ಟೈ ತಲಾ ಒಂದು ವಿಕೆಟ್ ಪಡೆದಿದ್ದರು.
132 ರನ್ಗಳ ಗುರಿ ಪಡೆದ ಆಸ್ಟ್ರೇಲಿಯಾ ತಂಡ 20 ಓವರ್ಗಳಲ್ಲಿ 108 ರನ್ಗಳಿಗೆ ಆಲೌಟ್ ಆಗುವ ಮೂಲಕ 23 ರನ್ಗಳ ಸೋಲು ಕಂಡಿತು. ಮಿಚೆಲ್ ಮಾರ್ಷ್ 45 ಎಸೆತಗಳಲ್ಲಿ 45 ರನ್ಗಳಿಸಿ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಉಳಿದ ಯಾವುದೇ ಬ್ಯಾಟ್ಸ್ಮನ್ 20ರ ಗಡಿ ದಾಟಲಿಲ್ಲ. ಮಿಚೆಲ್ ಸ್ಟಾರ್ಕ್ (14) ಮತ್ತು ವೇಡ್ (13) ಮಾತ್ರ ಮಾರ್ಷ್ ಹೊರತುಪಡಿಸಿ ಎರಡಂಕಿ ಮೊತ್ತ ದಾಖಲಿಸಿದರು.
ನಸುಮ್ ಅಹ್ಮದ್ 19ಕ್ಕೆ 4 ವಿಕೆಟ್, ಮುಷ್ತಫಿಜುರ್ ರಹಮಾನ್ ,ಶೋರಿಫುಲ್ ಹಕ್ ತಲಾ 2 ವಿಕೆಟ್ ಮತ್ತು ಮೆಹಿದಿ ಹಸನ್ ಮತ್ತು ಶಕಿಬ್ ಅಲ್ ಹಸನ್ ತಲಾ ಒಂದು ವಿಕೆಟ್ ಪಡೆದು ಬಾಂಗ್ಲಾದೇಶಕ್ಕೆ ಕಾಂಗರೂಗಳ ವಿರುದ್ಧ ಮೊದಲ ಜಯ ಸಾಧಿಸಲು ನೆರವಾದರು.
ಇದನ್ನು ಓದಿ:ಆತನ ಸಾಮರ್ಥ್ಯ ಏನೆಂದು ನಮಗೆ ಗೊತ್ತು, ಟೀಕೆಗೆ ತಲೆಕೆಡಿಸಿಕೊಳಲ್ಲ : ಪೂಜಾರ ಬೆನ್ನಿಗೆ ನಿಂತ ಕೊಹ್ಲಿ
