ಹೈದರಾಬಾದ್​, ಪಂಜಾಬ್​ ತಂಡಕ್ಕೆ ಕೈಕೊಟ್ಟ ವಿದೇಶಿ ಪ್ಲೇಯರ್ಸ್​.. ಬೈರ್​​ಸ್ಟೋವ್​​, ಮಲನ್​ IPLನಿಂದ ಹೊರಕ್ಕೆ!

ಇಂಡಿಯನ್​ ಪ್ರೀಮಿಯರ್ ಲೀಗ್ ಟೂರ್ನಿ ಆರಂಭಗೊಳ್ಳಲು ಕೇವಲ 8 ದಿನಗಳ ಕಾಲ ಬಾಕಿ ಉಳಿದಿದ್ದು, ಇದರ ಬೆನ್ನಲ್ಲೇ ಇಂಗ್ಲೆಂಡ್​ನ ಇಬ್ಬರು ಪ್ಲೇಯರ್ಸ್​ ಟೂರ್ನಿಯಿಂದ ಹೊರಗುಳಿಯುವುದಾಗಿ ಘೋಷಣೆ ಮಾಡಿದ್ದಾರೆ.

ದುಬೈ:ಸೆಪ್ಟೆಂಬರ್​ 19ರಿಂದ ಇಂಡಿಯನ್​ ಪ್ರೀಮಿಯರ್ ಲೀಗ್​ನ ಉಳಿದ ಪಂದ್ಯಗಳು ಆರಂಭಗೊಳ್ಳಲಿದ್ದು, ಬಹುತೇಕ ಎಲ್ಲ ಪ್ಲೇಯರ್ಸ್​ ಈಗಾಗಲೇ ದುಬೈನಲ್ಲಿ ಬೀಡು ಬಿಟ್ಟಿದ್ದು, ಅಭ್ಯಾಸದಲ್ಲಿ ನಿರತರಾಗಿದ್ದಾರೆ. ಇದರ ಬೆನ್ನಲ್ಲೇ ಇಬ್ಬರು ವಿದೇಶಿ ಪ್ಲೇಯರ್ಸ್​​ ಟೂರ್ನಿಯಿಂದ ಹಿಂದೆ ಸರಿಯುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ.

ಸನ್​​ರೈಸರ್ಸ್​ ಹೈದರಾಬಾದ್​ ತಂಡದ ಜಾನಿ ಬೈರ್​ಸ್ಟೋವ್​​ ಹಾಗೂ ಪಂಜಾಬ್​ ಕಿಂಗ್ಸ್​​ ತಂಡದ ಬ್ಯಾಟ್ಸ್​ಮನ್​ ಡೇವಿಡ್ ಮಲನ್​ ಐಪಿಎಲ್​ನಿಂದ ಹೊರಗುಳಿಯುತ್ತಿರುವುದಾಗಿ ಘೋಷಣೆ ಮಾಡಿದ್ದಾರೆ. ವೈಯಕ್ತಿಕ ಕಾರಣ ನೀಡಿ, ಉಳಿದ ಐಪಿಎಲ್​ ಪಂದ್ಯಗಳಿಂದ ಹೊರಗೆ ಉಳಿಯುತ್ತಿರುವುದಾಗಿ ಇಬ್ಬರು ಪ್ಲೇಯರ್ಸ್​ ಘೋಷಣೆ ಮಾಡಿದ್ದಾರೆ. ಡೆಲ್ಲಿ ಕ್ಯಾಪಿಟಲ್​​ ತಂಡದ ಆಲ್​ರೌಂಡರ್​​ ಕ್ರಿಸ್​ ವೋಕ್ಸ್​ ಕೂಡ ಇಂಡಿಯನ್​ ಪ್ರೀಮಿಯರ್ ಲೀಗ್​ನಿಂದ ಹೊರ ಸರಿದಿದ್ದಾರೆ

ಈ ಇಬ್ಬರು ಪ್ಲೇಯರ್ಸ್​ ಟೀಂ ಇಂಡಿಯಾ ವಿರುದ್ಧದ ಟೆಸ್ಟ್​​ ಸರಣಿಯಲ್ಲಿ ಭಾಗಿಯಾಗಿದ್ದ ಕಾರಣ, ಇಂದು ಮ್ಯಾಂಚೆಸ್ಟರ್​ನಿಂದ ದುಬೈಗೆ ಪ್ರಯಾಣ ಬೆಳೆಸಬೇಕಾಗಿತ್ತು. ಆದರೆ, ವೈಯಕ್ತಿಕ ಕಾರಣ ನೀಡಿ, ಟೂರ್ನಿಯಿಂದ ಹೊರಗುಳಿಯುವುದಾಗಿ ಹೇಳಿಕೊಂಡಿದ್ದಾರೆ. ಈ ಹಿಂದಿನಿಂದಲೂ ಸನ್​ರೈಸರ್ಸ್​ ಹೈದರಾಬಾದ್​ ತಂಡದಲ್ಲಿದ್ದ ಬೈರ್​ಸ್ಟೋವ್ ಹಾಗೂ ಕಳೆದ ಆವೃತ್ತಿಯಿಂದ ಪಂಜಾಬ್ ತಂಡ ಸೇರಿಕೊಂಡಿರುವ ಟಿ-20 ನಂಬರ್​​ 1 ಬ್ಯಾಟ್ಸ್​ಮನ್​ ಮಲನ್​ ಇದೀಗ ದಿಢೀರ್​ ಆಗಿ ಈ ನಿರ್ಧಾರ ಕೈಗೊಂಡಿದ್ದಾರೆ.

ಮರ್ಕ್ರಾಮ್​ಗೆ ಚಾನ್ಸ್​ ನೀಡಿದ ಪಂಜಾಬ್​

ಮರ್ಕ್ರಾಮ್​ಗೆ ಚಾನ್ಸ್​ ನೀಡಿದ ಪಂಜಾಬ್​

ತಂಡದಿಂದ ಡೇವಿಡ್​ ಮಲನ್​ ಹೊರಗುಳಿಯುತ್ತಿದ್ದಂತೆ ದಕ್ಷಿಣ ಆಫ್ರಿಕಾದ ಬ್ಯಾಟ್ಸ್​ಮನ್​​ ಮರ್ಕ್ರಾಮ್​ಗೆ ಪಂಜಾಬ್​ ತಂಡ ಮಣೆ ಹಾಕಿದೆ. ಇದಕ್ಕೆ ಸಂಬಂಧಿಸಿದಂತೆ ಟ್ವೀಟ್ ಮಾಡಿರುವ ಪಂಜಾಬ್ ಮಾಹಿತಿ ಹಂಚಿಕೊಂಡಿದೆ.