ಸಾರ್ವಕಾಲಿಕ ಏಕದಿನ ಶ್ರೇಯಾಂಕ ಪಟ್ಟಿ: ಸಚಿನ್​ ಹಿಂದಿಕ್ಕಿದ ಬಾಬರ್ ಅಜಮ್ ​​

ಅಗ್ರಸ್ಥಾನದಲ್ಲಿರುವ ಬಾಬರ್, ಆಸೀಸ್​ ವಿರುದ್ಧದ ಸರಣಿಯ ಕೊನೆಯ 2 ಪಂದ್ಯಗಳಲ್ಲಿ ಕ್ರಮವಾಗಿ 105 ಮತ್ತು 115 ರನ್​ಗಳಿಸಿದ್ದರು​. ಇದು ಅವರ ಏಕದಿನ ಶ್ರೇಯಾಂಕದ ರೇಟಿಂಗ್​ ಅಂಕವನ್ನು 891ಕ್ಕೆ ಏರಿಕೆಯಾಗಲು ನೆರವಾಗಿತ್ತು. ಈ ಮೂಲಕ ಸಾರ್ವಕಾಲಿಕ ಏಕದಿನ ಶ್ರೇಯಾಂಕ ಪಟ್ಟಿಯಲ್ಲಿ 15ನೇ ಸ್ಥಾನಕ್ಕೇರಿದ್ದು, ಭಾರತದ ಬ್ಯಾಟಿಂಗ್ ದಂತಕತೆ ಸಚಿನ್​ ತೆಂಡೂಲ್ಕರ್​(887) ಅವರನ್ನು ಹಿಂದಿಕ್ಕಿದರು.

ದುಬೈ: ಇತ್ತೀಚೆಗೆ ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಸರಣಿಯಲ್ಲಿ ಅದ್ಭುತ ಪ್ರದರ್ಶನ ತೋರಿದ ಪಾಕಿಸ್ತಾನ ತಂಡದ ನಾಯಕ ಬಾಬರ್ ಅಜಮ್ 3 ಪಂದ್ಯಗಳನ್ನು ಸರಣಿಯನ್ನು 2-1ರಲ್ಲಿ ಗೆಲ್ಲುವುದಕ್ಕೆ ನೆರವಾಗಿದ್ದರು. ಈ ಸರಣಿಯಲ್ಲಿ ಅದ್ಭುತ ಪ್ರದರ್ಶನ ಶ್ರೇಯಾಂಕ ಪಟ್ಟಿಯಲ್ಲಿ ಅವರ ಅಗ್ರಸ್ಥಾನವನ್ನು ಮತ್ತಷ್ಟು ಗಟ್ಟಿಗೊಳಿಸಿದೆ.

ಈಗಾಗಲೇ ಅಗ್ರಸ್ಥಾನದಲ್ಲಿರುವ ಬಾಬರ್, ಆಸೀಸ್​ ವಿರುದ್ಧದ ಸರಣಿಯ ಕೊನೆಯ 2 ಪಂದ್ಯಗಳಲ್ಲಿ ಕ್ರಮವಾಗಿ 105 ಮತ್ತು 115 ರನ್​ಗಳಿಸಿದ್ದರು​. ಇದು ಅವರ ಏಕದಿನ ಶ್ರೇಯಾಂಕದ ರೇಟಿಂಗ್​ ಅಂಕವನ್ನು 891ಕ್ಕೆ ಏರಿಕೆಯಾಗಲು ನೆರವಾಗಿತ್ತು. ಈ ಮೂಲಕ ಸಾರ್ವಕಾಲಿಕ ಏಕದಿನ ಶ್ರೇಯಾಂಕ ಪಟ್ಟಿಯಲ್ಲಿ 15ನೇ ಸ್ಥಾನಕ್ಕೇರಿದ್ದು, ಭಾರತದ ಬ್ಯಾಟಿಂಗ್ ದಂತಕತೆ ಸಚಿನ್​ ತೆಂಡೂಲ್ಕರ್​(887) ಅವರನ್ನು ಹಿಂದಿಕ್ಕಿದರು.

ವೆಸ್ಟ್​ ಇಂಡೀಸ್​ ತಂಡದ ಮಾಜಿ ನಾಯಕ ಸರ್​ ವಿವಿಯನ್ ರಿಚರ್ಡ್ಸ್ 935 ರೇಟಿಂಗ್ ಅಂಕ ಹೊಂದಿದ್ದು ಸಾರ್ವಕಾಲಿಕ ಏಕದಿನ ಶ್ರೇಯಾಂಕ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಪ್ರಸ್ತುತ ಸಕ್ರಿಯ ಕ್ರಿಕೆಟಿಗರಲ್ಲಿ ಭಾರತ ತಂಡದ ಮಾಜಿ ನಾಯಕ ವಿರಾಟ್​ ಕೊಹ್ಲಿ 6 (911) , ಬಾಬರ್​ ಅಜಮ್​ 15(891) ಮತ್ತು ರೋಹಿತ್ ಶರ್ಮಾ 18(885) ಹಾಗೂ ಡೇವಿಡ್ ವಾರ್ನರ್​ 19(880) ನೇ ಸ್ಥಾನದಲ್ಲಿದ್ದಾರೆ.

ಇದನ್ನೂ ಓದಿ:'ಪಾಕ್ ವಿರುದ್ಧ ಆ​ ಪಂದ್ಯದಲ್ಲಿ ಧೋನಿ ನನಗೆ ಚೆಂಡು ನೀಡಿದಾಗ ನಡುಕ ಶುರುವಾಗಿತ್ತು! ಆದರೆ...'