ಹೈದರಾಬಾದ್: ಹೈದರಾಬಾದ್ ಕ್ರಿಕೆಟ್ ಅಸೋಸಿಯೇಶನ್‌ನ (ಹೆಚ್ಸಿಎ) ಅಪೆಕ್ಸ್ ಕೌನ್ಸಿಲ್ ಅಜರುದ್ದೀನ್ ಅವರನ್ನು ಹೆಚ್ಸಿಎ ಅಧ್ಯಕ್ಷ ಹುದ್ದೆಯಿಂದ ತೆಗೆದು ಹಾಕಿದೆ. ಅಜರ್ ವಿರುದ್ಧ ಬಾಕಿ ಇರುವ ಪ್ರಕರಣಗಳು ಇತ್ಯರ್ಥವಾಗುವವರೆಗೂ ಅವರನ್ನು ಹೊರಗಿಡುವುದಾಗಿ ಹೆಚ್ಸಿಎ ಹೇಳಿದೆ. ಸದಸ್ಯರ ದೂರುಗಳನ್ನು ಪರಿಗಣಿಸಿ ಅಜರ್ ವಿರುದ್ಧ ಕ್ರಮಕೈಗೊಳ್ಳಲಾಗಿದೆ ಎಂದು ಅದು ತಿಳಿಸಿದೆ.
ಅಜರ್ ಮೇಲಿರುವ ಆರೋಪ ಏನು?
ಅಜರ್ ಹೆಚ್ಸಿಎ ನಿಯಮಗಳಿಗೆ ವಿರುದ್ಧವಾಗಿ ವರ್ತಿಸಿದ್ದಾರೆ ಎಂದು ಈ ತಿಂಗಳ ಅಪೆಕ್ಸ್ ಕೌನ್ಸಿಲ್ ಸಭೆಯಲ್ಲಿ ಶೋಕಾಸ್ ನೋಟಿಸ್ ನೀಡಲು ನಿರ್ಧರಿಸಲಾಗಿತ್ತು ಎಂದು ಅಪೆಕ್ಸ್ ಕೌನ್ಸಿಲ್ ತಿಳಿಸಿದೆ. ಅಲ್ಲದೆ, ಕೌನ್ಸಿಲ್ ಅಜರುದ್ದೀನ್ ಅವರ ಹೆಚ್ಸಿಎ ಸದಸ್ಯತ್ವವನ್ನು ರದ್ದುಗೊಳಿಸಿದೆ. ಇತರ ರಾಜ್ಯ ಕ್ರಿಕೆಟ್ ಸಂಘಗಳ ಮುಂದೆ ಹೆಚ್ಸಿಎ ಘನತೆಯನ್ನು ಕಡಿಮೆ ಮಾಡಿದ ಮತ್ತು ಸಂಸ್ಥೆಯ ನಿಯಮಗಳ ವಿರುದ್ಧ ನಿರ್ಧಾರಗಳನ್ನು ತೆಗೆದುಕೊಂಡ ಆರೋಪ ಅಜರ್ ಮೇಲಿದೆ.
ಅಜರ್ಗೆ ಶೋಕಾಸ್ ನೋಟಿಸ್ ನೀಡಿದ ಸುಪ್ರೀಂ ಕೌನ್ಸಿಲ್, ಅವರ ಹೆಚ್ಸಿಎ ಸದಸ್ಯತ್ವ ರದ್ದುಗೊಳಿಸುವುದಾಗಿ ಘೋಷಿಸಿತ್ತು. ಸೆಪ್ಟೆಂಬರ್ 27 2019 ರಂದು ಅಜರುದ್ದೀನ್ ಹೆಚ್ಸಿಎ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದರು.
ಹೆಚ್‌ಸಿಎಯ ಕಾರ್ಯ ಚಟುವಟಿಕೆಗಳಿಗೆ ತಡೆಯೊಡ್ಡಲು ಅಜರ್ ಪ್ರಯತ್ನಿಸಿದ್ದಾರೆ. ಹೈದರಾಬಾದ್ನ ದಿಲ್ಸುಖ್ ನಗರ ಕೆನರಾ ಬ್ಯಾಂಕ್ ಶಾಖೆಯಲ್ಲಿದ್ದ ಸಂಸ್ಥೆಯ ಖಾತೆಯ ವಹಿವಾಟುಗಳನ್ನು ಉದ್ದೇಶಪೂರ್ವಕವಾಗಿ ನಿಲ್ಲಿಸಿದ್ದಾರೆ. ಈ ಮೂಲಕ ಅಪೆಕ್ಸ್ ಕೌನ್ಸಿಲ್ನ ಹಣಕಾಸಿನ ವಹಿವಾಟುಗಳಿಗೆ ತಡೆಯೊಡ್ಡಲು ಪ್ರಯತ್ನಿಸಿದ್ದಾರೆ.
ಅಜರ್ ದುಬೈನ ಖಾಸಗಿ ಕ್ರಿಕೆಟ್ ಕ್ಲಬ್ನ ಮುಖ್ಯಸ್ಥರಾಗಿದ್ದು, ಈ ಕ್ಲಬ್ ಟಿ20 ಯಲ್ಲಿ ಪಂದ್ಯಾವಳಿಯಲ್ಲಿ ಭಾಗವಹಿಸಿತ್ತು. ಆದರೆ, ಇದು ಬಿಸಿಸಿಐನಿಂದ ಮಾನ್ಯತೆ ಪಡೆದಿಲ್ಲ ಎಂಬ ಆರೋಪವನ್ನು ಹೆಚ್ಸಿಎ ಅಜರ್ ವಿರುದ್ಧ ಮಾಡಿದೆ.
ಇದನ್ನೂಓದಿ : ಕರ್ನಾಟಕದ ಮಾಜಿ ಕ್ರಿಕೆಟಿಗ ಬಿ.ವಿಜಯಕೃಷ್ಣ ನಿಧನ... ಸಿಎಂ ಬಿಎಸ್ವೈ ಸಂತಾಪ
