ಗೆಲುವಿನ ಸಂಭ್ರಮಾಚರಣೆಯಲ್ಲಿ ಆಸ್ಟ್ರೇಲಿಯಾ ಆಟಗಾರರು; ಶೂದಿಂದ ತಂಪು ಪಾನೀಯ ಕುಡಿದ ವಿಡಿಯೋ ವೈರಲ್

ಟಿ-20 ವಿಶ್ವಕಪ್​​ (T20 World Cup 2021) ಸೆಣಸಾಟದಲ್ಲಿ ಕಿವೀಸ್ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿದ ಆಸ್ಟ್ರೇಲಿಯಾ ತಂಡದ (Australia Celebration T20) ಆಟಗಾರರು ಇದೀಗ ವಿಜಯೋತ್ಸವದಲ್ಲಿ ತೇಲಾಡುತ್ತಿದ್ದಾರೆ. ಅವರ ಈ ವಿಭಿನ್ನ ಸಂಭ್ರಮಾಚರಣೆ ಅಚ್ಚರಿ ಮೂಡಿಸಿದೆ. ಅಲ್ಲದೇ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗುತ್ತಿದೆ.

ದುಬೈ :ಮೊದಲ ಬಾರಿಗೆ ಟಿ-20 ವಿಶ್ವಕಪ್​​ಗೆ ಮುತ್ತಿಕ್ಕಿರುವ ಆಸ್ಟ್ರೇಲಿಯಾ ಆಟಗಾರರು (Australia Celebration T-20) ದುಬೈ ಮೈದಾನದಲ್ಲಿ ವಿಜಯೋತ್ಸವ ಆಚರಿಸಿದರು. ಇವರ ಈ ವಿಭಿನ್ನ ಸಂಭ್ರಮಾಚರಣೆ ವಿಡಿಯೋವನ್ನು ಐಸಿಸಿ ಹಂಚಿಕೊಂಡಿದೆ. ಶೂಗಳಲ್ಲಿ ಕೂಲ್ ಡ್ರಿಂಕ್ (Cool Drink) ಸುರಿದುಕೊಂಡು ಸೇವಿಸಿದ ಆಟಗಾರರು ಅಚ್ಚರಿ ಮೂಡಿಸಿದ್ದಾರೆ.

ಡ್ರೆಸ್ಸಿಂಗ್ ಕೋಣೆಯನ್ನು ಆಸ್ಟ್ರೇಲಿಯಾ ತಂಡದ ಆಟಗಾರರು (Australian men's team) ಸುತ್ತುವರೆದರು. ಈ ವೇಳೆ, ಆಸೀಸ್​ ವಿಕೆಟ್​​ ಕೀಪರ್ ಮ್ಯಾಥ್ಯೂ ವೇಡ್​ ಮತ್ತು ಆಲ್​​ರೌಂಡರ್​​ ಸ್ಟೊಯಿನಿಸ್ ಶೂಗೆ ತಂಪು ಪಾನೀಯವನ್ನು ಸುರಿದು ಕುಡಿಯುವ ಮೂಲಕ ಅಚ್ಚರಿಗೆ ಗುರಿಯಾದರು. ವಿಡಿಯೋ ಸಾಮಾಜಿಕ ಜಾಲತಾಣ (Social network) ದಲ್ಲಿ ವೈರಲ್​ ಆಗುತ್ತಿದೆ.

ಕಿವೀಸ್​ ನೀಡಿದ್ದ 173 ರನ್​ಗಳ ಟಾರ್ಗೆಟ್ ಬೆನ್ನುಹತ್ತಿದ ಆಸ್ಟ್ರೇಲಿಯಾ ತಂಡ 18.5 ಓವರ್​​ಗಳಲ್ಲಿ 2 ವಿಕೆಟ್‌ ಕಳೆದುಕೊಂಡು 173 ರನ್​ ಸಿಡಿಸಿ ಪಂದ್ಯ ಗೆದ್ದುಕೊಂಡಿತು. ಮೊದಲ ಬಾರಿಗೆ ಟಿ-20 ವಿಶ್ವಕಪ್ ಅನ್ನು ಎತ್ತಿ ಹಿಡಿದ ಆಸೀಸ್​ ಆಟಗಾರರು ಈ ಸಂಭ್ರಮಾಚರಣೆಗೂ ಮುನ್ನ ಮೈದಾನದಲ್ಲಿ ಒಬ್ಬರನ್ನೊಬ್ಬರು ತಬ್ಬಿಕೊಳ್ಳುತ್ತಾ ಕುಣಿದು ಕುಪ್ಪಳಿಸಿದರು.

ಇದನ್ನೂ ಓದಿ: India vs New Zealand: ಟೆಸ್ಟ್‌ ಸರಣಿಗೆ ಆಯ್ಕೆಯಾಗದ ಹನುಮ ವಿಹಾರಿ; ಕಾರಣ ತಿಳಿಸಿದ ಸುನಿಲ್ ಗವಾಸ್ಕರ್