ಕ್ವೀನ್ಸ್ಲ್ಯಾಂಡ್:ಭಾರತ ಮಹಿಳಾ ತಂಡ ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರವ ಮೊದಲ ಟಿ-20 ಪಂದ್ಯದಲ್ಲಿ ಉತ್ತಮ ಮೊತ್ತದತ್ತ ಸಾಗುತ್ತಿದ್ದು, 15.2 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 131ರನ್ಗಳಿಸಿದೆ. ತುಂತುರು ಮಳೆ ಆರಂಭವಾಗಿರುವುದರಿಂದ ಪಂದ್ಯ ಸ್ಥಗಿತಗೊಂಡಿದೆ.
ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಏಕದಿನ ಸರಣಿಯಲ್ಲಿ ಆಸ್ಟ್ರೇಲಿಯಾ ಮಹಿಳೆಯರಿಗೆ ಪ್ರಬಲ ಹೋರಾಟ ನೀಡಿದ್ದ ಭಾರತೀಯ ಪಡೆ 1-2ರಲ್ಲಿ ಸರಣಿ ಕಳೆದುಕೊಂಡಿತ್ತು. ಇನ್ನು ಟೆಸ್ಟ್ ಪಂದ್ಯ ಡ್ರಾ ಗೊಂಡರೂ ಬೌಲಿಂಗ್ ಮತ್ತು ಬ್ಯಾಟಿಂಗ್ ಎರಡರಲ್ಲೂ ಭಾರತೀಯ ವನಿತೆಯರು ಆತಿಥೇಯರ ವಿರುದ್ಧ ಪ್ರಾಬಲ್ಯ ಸಾಧಿಸಿದ್ದರು. ಇದೀಗ ಟಿ-20ಯಲ್ಲಿ ಅದೇ ಉತ್ಸಾಹದಿಂದ ಕಣಕ್ಕಿಳಿದಿದ್ದು, ಮೊದಲ ಪಂದ್ಯದಲ್ಲೇ ಉತ್ತಮ ಪ್ರದರ್ಶನ ತೋರಿದೆ.
ಟಾಸ್ ಸೋತು ಬ್ಯಾಟಿಂಗ್ ಇಳಿದ ಕೌರ್ ಪಡೆ ಆರಂಭದಲ್ಲೇ ಅಬ್ಬರದ ಬ್ಯಾಟಿಂಗ್ಗೆ ಮುಂದಾಗಿ ಕೈ ಸುಟ್ಟುಕೊಂಡಿತು. ಸ್ಮೃತಿ ಮಂದಾನ 10 ಎಸೆತಗಳಲ್ಲಿ 17 ಮತ್ತು ಶೆಫಾಲಿ ವರ್ಮಾ 14 ಎಸೆತಗಳಲ್ಲಿ 3 ಸಿಕ್ಸರ್ಗಳ ಸಹಿತ 18 ರನ್ಗಳಿಸಿ ವಿಕೆಟ್ ಒಪ್ಪಿಸಿದರು.
ಇವರಿಬ್ಬರ ನಂತರ ಬಂದ ನಾಯಕಿ ಹರ್ಮನ್ಪ್ರೀತ್ ಕೌರ್(12) ಕೂಡ ಹೆಚ್ಚು ಹೊತ್ತು ನಿಲ್ಲಲಿಲ್ಲ. ಆದರೆ, 4ನೇ ವಿಕೆಟ್ಗೆ ಜೊತೆಯಾದ ಯಸ್ತಿಕಾ ಭಾಟಿಯಾ ಮತ್ತು ಜಮೀಮಾ ರೋಡ್ರಿಗಸ್ 51 ರನ್ಗಳ ಜೊತೆಯಾಟ ನಡೆಸಿದರು. ಈ ಸಂದರ್ಭದಲ್ಲಿ ಜಾರ್ಜಿಯಾ ವೇರಮ್ ಭಾಟಿಯಾ(15) ವಿಕೆಟ್ ಪಡೆದು ಜೊತೆಯಾಟ ಬ್ರೇಕ್ ಮಾಡಿದರು.
ಪ್ರಸ್ತುತ ಭಾರತ ತಂಡ 15.2 ಓವರ್ಗಳಲ್ಲಿ 134 ರನ್ಗಳಿಸಿದೆ. ಜಮೀಮಾ 36 ಎಸೆಗಳಲ್ಲಿ 49 ರನ್ಗಳಿಸಿ ಅಜೇಯರಾಗಿ ಉಳಿದಿದ್ದಾರೆ. ರಿಚಾ ಘೋಷ್ ಅಜೇಯ 17 ರನ್ಗಳಿಸಿದ್ದಾರೆ.
