ಏಷ್ಯಾ ಕಪ್​: ಟಾಸ್​ ಗೆದ್ದ ಆಫ್ಘನ್​ ಬೌಲಿಂಗ್​ ಆಯ್ಕೆ.. ರೋಹಿತ್​ ಔಟ್,​​ ರಾಹುಲ್ ನಾಯಕ

ಏಷ್ಯಾ ಕಪ್​ ಟೂರ್ನಿಯ ಸೂಪರ್​ 4 ಹಂತದ ಕೊನೆಯ ಪಂದ್ಯದಲ್ಲಿ ಭಾರತ ವಿರುದ್ಧ ಆಫ್ಘಾನಿಸ್ತಾನ ಟಾಸ್​ ಗೆದ್ದು, ಬೌಲಿಂಗ್​ ಆಯ್ದುಕೊಂಡಿದೆ.

ದುಬೈ:ಏಷ್ಯಾ ಕಪ್​ ಟೂರ್ನಿಯ ಸೂಪರ್​ 4 ಹಂತದ ಕೊನೆಯ ಪಂದ್ಯದಲ್ಲಿ ಭಾರತ ವಿರುದ್ಧದ ಪಂದ್ಯದಲ್ಲಿ ಅಫ್ಘಾನಿಸ್ತಾನ ಟಾಸ್​ ಗೆದ್ದು ಬೌಲಿಂಗ್​ ಆಯ್ದುಕೊಂಡಿದೆ. ದುಬೈ ಕ್ರೀಡಾಂಗಣದಲ್ಲಿ ನಡೆಯುವ ಈ ಪಂದ್ಯ ಉಭಯ ತಂಡಗಳಿಗೆ ಔಪಚಾರಿಕವಾಗಿದೆ.

ಟೂರ್ನಿಯಿಂದ ಈಗಾಗಲೇ ಆಫ್ಘನ್​ ಮತ್ತು ಭಾರತ ಹೊರಬಿದ್ದಿದ್ದು, ಇಲ್ಲಿ ಯಾರೇ ಗೆದ್ದರೂ ಹೆಚ್ಚಿನ ಮಹತ್ವವಿಲ್ಲ. ಸೆಪ್ಟೆಂಬರ್​ನಲ್ಲಿ ನಡೆಯುವ ವಿಶ್ವಕಪ್​ಗೆ ಪೂರ್ವ ತಯಾರಿ ಎಂಬಂತೆ ಈ ಪಂದ್ಯವನ್ನು ಉಭಯ ತಂಡಗಳು ಪರಿಗಣಿಸಿವೆ.

ತಂಡದಲ್ಲಿ ಮೂರು ಬದಲಾವಣೆ:ಆಫ್ಘನ್​ ವಿರುದ್ಧದ ಪಂದ್ಯದಲ್ಲಿ ನಾಯಕ ರೋಹಿತ್​ ಶರ್ಮಾಗೆ ವಿಶ್ರಾಂತಿ ನೀಡಿದ್ದು, ಕನ್ನಡಿಗ ಕೆ.ಎಲ್. ರಾಹುಲ್​ಗೆ ಕ್ಯಾಪ್ಟನ್​ ಹೊಣೆ ನೀಡಲಾಗಿದೆ. ಇದಲ್ಲದೇ, ಆಲ್​ರೌಂಡರ್​ ಹಾರ್ದಿಕ್​ ಪಾಂಡ್ಯಾ, ಸ್ಪಿನ್ನರ್​ ಯಜುವೇಂದ್ರ ಚಹಲ್​ಗೂ ವಿಶ್ರಾಂತಿ ನೀಡಲಾಗಿದ್ದು, ಬೆಂಚ್​ ಕಾದಿದ್ದ ದಿನೇಶ್​ ಕಾರ್ತಿಕ್​, ದೀಪಕ್​ ಚಹರ್​ಗೆ ಅವಕಾಶ ನೀಡಲಾಗಿದೆ. ವೇಗಿ ದೀಪಕ್​ ಚಹರ್​, ಅನಾರೋಗ್ಯಕ್ಕೀಡಾದ ಆವೇಶ್​ ಖಾನ್ ಟೂರ್ನಿಯಿಂದ ಹೊರಬಿದ್ದ ಕಾರಣ ತಂಡಕ್ಕೆ ಸೇರಿಸಿಕೊಳ್ಳಲಾಗಿತ್ತು.

ತಂಡಗಳು ಇಂತಿವೆ- ಭಾರತ:ಕೆಎಲ್ ರಾಹುಲ್ (ನಾಯಕ), ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ರಿಷಬ್ ಪಂತ್, ದೀಪಕ್ ಹೂಡಾ, ದಿನೇಶ್ ಕಾರ್ತಿಕ್, ಅಕ್ಸರ್ ಪಟೇಲ್, ರವಿಚಂದ್ರನ್ ಅಶ್ವಿನ್, ದೀಪಕ್ ಚಹರ್, ಭುವನೇಶ್ವರ್ ಕುಮಾರ್, ಅರ್ಷದೀಪ್ ಸಿಂಗ್.

ಅಫ್ಘಾನಿಸ್ತಾನ: ಹಜರತುಲ್ಲಾ ಝಜೈ, ರಹಮಾನುಲ್ಲಾ ಗುರ್ಬಾಜ್, ಇಬ್ರಾಹಿಂ ಝದ್ರಾನ್, ನಜಿಬುಲ್ಲಾ ಝದ್ರಾನ್, ಮೊಹಮ್ಮದ್ ನಬಿ (ನಾಯಕ), ಕರೀಮ್ ಜನತ್, ರಶೀದ್ ಖಾನ್, ಅಜ್ಮತುಲ್ಲಾ ಒಮರ್ಜಾಯ್, ಮುಜೀಬ್ ಉರ್ ರಹಮಾನ್, ಫರೀದ್ ಅಹ್ಮದ್ ಮಲಿಕ್, ಫಾರೂಕಿ.

ಓದಿ:ಏಷ್ಯಾ ಕಪ್​ ತಂಡದಲ್ಲಿ ವೇಗಿ ಮೊಹಮದ್​ ಶಮಿ ಯಾಕಿಲ್ಲ.. ತಂಡದ ಆಯ್ಕೆ ಬಗ್ಗೆ ರವಿಶಾಸ್ತ್ರಿ ಟೀಕೆ