ದಕ್ಷಿಣ ಆಫ್ರಿಕಾ ಸರಣಿಯಲ್ಲಿ 7 ವಿಕೆಟ್ ಪಡೆದರೆ ಕಪಿಲ್​ ದೇವ್​ ದಾಖಲೆ ಪುಡಿಗಟ್ಟಲಿದ್ದಾರೆ ಅಶ್ವಿನ್

ಪ್ರಸ್ತುತ ಅಶ್ವಿನ್ 81 ಟೆಸ್ಟ್​ ಪಂದ್ಯಗಳಿಂದ 427 ವಿಕೆಟ್ ಪಡೆದಿದ್ದಾರೆ. ಭಾರತ ತಂಡದ ಮಾಜಿ ನಾಯಕ ಕಪಿಲ್​ ದೇವ್​ 131 ಟೆಸ್ಟ್​ ಪಂದ್ಯಗಳಿಂದ 434 ವಿಕೆಟ್ ಪಡೆದಿದ್ದು ಗರಿಷ್ಠ ವಿಕೆಟ್ ಪಡೆದ ವೇಗಿ ಮತ್ತು ಭಾರತದ ಪರ ಹೆಚ್ಚು ವಿಕೆಟ್ ಪಡೆದ ಪಟ್ಟಿಯಲ್ಲಿ ಅನಿಲ್​ ಕುಂಬ್ಳೆ(619) ನಂತರದ ಸ್ಥಾನದಲ್ಲಿದ್ದಾರೆ.

ಹೈದರಾಬಾದ್(ಸ್ಪೋರ್ಟ್ಸ್ ಡೆಸ್ಕ್​): ಭಾರತ ತಂಡದ ಹಿರಿಯ ಸ್ಪಿನ್ನರ್ ರವಿಚಂದ್ರನ್​ ಅಶ್ವಿನ್​ ದಕ್ಷಿಣ ಆಫ್ರಿಕಾ ವಿರುದ್ಧ 3 ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ 7 ವಿಕೆಟ್ ಪಡೆದರೆ ಭಾರತದ ಪರ ಹೆಚ್ಚು ಟೆಸ್ಟ್​ ವಿಕೆಟ್ ಪಡೆದ 2ನೇ ಬೌಲರ್​ ಎಂಬ ದಾಖಲೆಗೆ ಪಾತ್ರರಾಗಲಿದ್ದಾರೆ.

ಪ್ರಸ್ತುತ ಅಶ್ವಿನ್ 81 ಟೆಸ್ಟ್​ ಪಂದ್ಯಗಳಿಂದ 427 ವಿಕೆಟ್ ಪಡೆದಿದ್ದಾರೆ. ಭಾರತ ತಂಡದ ಮಾಜಿ ನಾಯಕ ಕಪಿಲ್​ ದೇವ್​ 131 ಟೆಸ್ಟ್​ ಪಂದ್ಯಗಳಿಂದ 434 ವಿಕೆಟ್ ಪಡೆದಿದ್ದು ಗರಿಷ್ಠ ವಿಕೆಟ್ ಪಡೆದ ವೇಗಿ ಮತ್ತು ಭಾರತದ ಪರ ಹೆಚ್ಚು ವಿಕೆಟ್ ಪಡೆದ ಪಟ್ಟಿಯಲ್ಲಿ ಅನಿಲ್​ ಕುಂಬ್ಳೆ(619) ನಂತರದ ಸ್ಥಾನದಲ್ಲಿದ್ದಾರೆ.

ಒಟ್ಟಾರೆ ಟೆಸ್ಟ್​ ಕ್ರಿಕೆಟ್​ನಲ್ಲಿ ಗರಿಷ್ಠ ವಿಕೆಟ್​ ಪಡೆದ ಪಟ್ಟಿಯಲ್ಲಿ 12ನೇ ಸ್ಥಾನದಲ್ಲಿದ್ದಾರೆ. ಮುರಳೀಧರನ್​(800), ಶೇನ್ ವಾರ್ನ್​(708), ಜೇಮ್ಸ್ ಆ್ಯಂಡರ್ಸನ್​(635), ಅನಿಲ್ ಕುಂಬ್ಳೆ(619), ಗ್ಲೇನ್ ಮೆಗ್​ಗ್ರಾತ್(563), ಸ್ಟುವರ್ಟ್ ಬ್ರಾಡ್​(526) ಕರ್ಟ್ನಿ ವಾಲ್ಶ್​(519), ಡೇಲ್ ಸ್ಟೇನ್(439), ಕಪಿಲ್ ದೇವ್​(434) ರಂಗನಾ ಹೆರಾತ್(433) ಅಶ್ವಿನ್ ಗಿಂತ ಮೇಲಿನ ಸ್ಥಾನದಲ್ಲಿದ್ದಾರೆ. ಈ ಸರಣಿಯಲ್ಲಿ 12 ವಿಕೆಟ್​ ಪಡೆದರೆ 8ನೇ ಸ್ಥಾನಕ್ಕೇರಲಿದ್ದಾರೆ.

ಇದನ್ನೂ ಓದಿ: South Africa vs India: ಕೋಚ್​ ರಾಹುಲ್ ದ್ರಾವಿಡ್ ದಾಖಲೆ ಮೇಲೆ ವಿರಾಟ್​ ಕೊಹ್ಲಿ ಕಣ್ಣು