ಅಡಿಲೇಡ್ :ಮೊದಲ ಪಂದ್ಯದಲ್ಲಿ ಸೋಲುಂಡರೂ ಮತ್ತೆ ತಿರುಗಿಬಿದ್ದು 2-1ರಲ್ಲಿ ಬಾರ್ಡರ್ ಗವಾಸ್ಕರ್ ಟ್ರೋಫಿ ಗೆದ್ದದ್ದನ್ನು ಉದಾಹರಣೆಯನ್ನಾಗಿ ನೀಡಿರುವ ಇಂಗ್ಲೆಂಡ್ ವೇಗಿ ಜೇಮ್ಸ್ ಆ್ಯಂಡರ್ಸನ್, ತಮ್ಮ ತಂಡ ಕೂಡ ತಿರುಗಿ ಬೀಳಬೇಕು ಎಂದು ಅಡಿಲೇಡ್ನಲ್ಲಿ ನಡೆಯಲಿರುವ 2ನೇ ಟೆಸ್ಟ್ಗೂ ಮುನ್ನ ಹೇಳಿದ್ದಾರೆ.
ಪ್ರಸ್ತುತ ಇಂಗ್ಲೆಂಡ್ ತಂಡ ಬ್ರಿಸ್ಬೇನ್ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ 9 ವಿಕೆಟ್‌ಗಳಿಂದ ಸೋಲು ಕಾಣುವ ಮೂಲಕ 0-1ರಲ್ಲಿ ಹಿನ್ನಡೆ ಅನುಭವಿಸಿದೆ. ಗುರುವಾರದಿಂದ ಅಡಿಲೇಡ್ನಲ್ಲಿ 2ನೇ ಪಂದ್ಯವನ್ನು ಆಡಲಿದೆ. ಈ ಪಂದ್ಯ ಡೇ ಅಂಡ್ ನೈಟ್ ಟೆಸ್ಟ್ ಪಂದ್ಯವಾಗಿದೆ.
ಭಾರತ 36 ರನ್ಗಳಿಗೆ ಆಲೌಟ್ ಆಗಿ ಸೋಲುಂಡಿತ್ತು. ಆದರೆ, ಅದ್ಭುತವಾಗಿ ಕಮ್ಬ್ಯಾಕ್ ಮಾಡಿ ಸರಣಿ ಗೆದ್ದಿತ್ತು. ಆದ್ದರಿಂದ ನಮ್ಮಿಂದಲೂ ಇದು ಸಾಧ್ಯವಿದೆ. ಇದೀಗ ನಾವು ಕಠಿಣ ಪರಿಶ್ರಮ ಪಟ್ಟು ನಮ್ಮ ಸುತ್ತವಿರುವ ವಿಷಯಗಳನ್ನು ತಿಳಿಯಬೇಕಿದೆ ಮತ್ತು ಬ್ಯಾಟಿಂಗ್ನಲ್ಲಿ ನಾವು ಮಾಡಿರುವ ತಪ್ಪುಗಳನ್ನು ತಿದ್ದಿಕೊಳ್ಳಬೇಕಿದೆ ಎಂದು ದಿ ಟೆಲಿಗ್ರಾಫ್ಗೆ ಬರೆದಿರುವ ಲೇಖನದಲ್ಲಿ ಆ್ಯಂಡರ್ಸನ್ ಉಲ್ಲೇಖಿಸಿದ್ದಾರೆ.