ಲಂಡನ್: ಕ್ರಿಕೆಟ್ ವೃತ್ತಿಜೀವನದ ಅಂತಿಮ ಇನ್ನಿಂಗ್ಸ್ನಲ್ಲಿ ಇಂಗ್ಲೆಂಡ್ ವೇಗಿ ಸ್ಟುವರ್ಟ್ ಬ್ರಾಡ್ ಎರಡು ವಿಕೆಟ್ಗಳನ್ನು ಪಡೆದು ದಾಖಲೆ ನಿರ್ಮಿಸಿದರೆ, ಅತ್ತ ಆ್ಯಶಸ್ ಐದನೇ ಪಂದ್ಯವನ್ನು ಇಂಗ್ಲೆಂಡ್ 49 ರನ್ನಿಂದ ಗೆದ್ದು ಸರಣಿ ಸಮಬಲ ಸಾಧಿಸಿದ ತೃಪ್ತಿಯನ್ನು ಪಡೆದುಕೊಂಡಿತು.
ನಾಲ್ಕನೇ ದಿನದಾಟದ ಅಂತ್ಯಕ್ಕೆ ಆಸ್ಟ್ರೇಲಿಯಾ ವಿಕೆಟ್ ನಷ್ಟವಿಲ್ಲದೇ 135 ರನ್ ಗಳಿಸಿತ್ತು. ಐದನೇ ದಿನದ ಆಟ ಮಳೆಯಿಂದಾಗಿ ಕೊಂಚ ತಡವಾಗಿ ಆರಂಭವಾದರೂ ಆಸಿಸ್ ಆಟಗಾರರು ಉತ್ತಮ ಲಯದಲ್ಲಿ ಬ್ಯಾಟ್ ಬೀಸಿದರು. ಆರಂಭಿಕರು 140 ರನ್ ಜೊತೆಯಾಟಮಾಡುತ್ತಿದ್ದಾಗ ಇಂಗ್ಲೆಂಡ್ ನೂತನ ಬಾಲ್ ಪ್ರಯೋಗಿಸಿ ಮೂರು ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಯಿತು.
ಸ್ಟೀವ್ ಸ್ಮಿತ್ ಮತ್ತು ಟ್ರಾವಿಸ್ ಹೆಡ್ ಮಳೆ ಬರುವ ಮೊದಲು ಆಸ್ಟ್ರೇಲಿಯಾದ ಚೇತರಿಕೆಗೆ ಕಾರಣರಾದರು. ಎರಡು ಗಂಟೆಗಳ ಮಳೆ ವಿರಾಮದ ನಂತರ, ಕ್ರಿಸ್ ವೋಕ್ಸ್ ಮತ್ತು ಮೊಯಿನ್ ಅಲಿ ಆಸ್ಟ್ರೇಲಿಯಾಕ್ಕೆ ಮುಳುವಾದರು. ಮಧ್ಯಮ ಕ್ರಮಾಂಕವನ್ನು ಔಟ್ ಮಾಡಿದ್ದ ಇಂಗ್ಲೆಂಡ್ಗೆ ಟಾಡ್ ಮರ್ಫಿ ಮತ್ತು ಅಲೆಕ್ಸ್ ಕ್ಯಾರಿ ಸ್ವಲ್ಪ ಸಮಯದವರೆಗೆ ನಿರಾಶೆಗೊಳಿಸಿದರು. ಪಂದ್ಯವನ್ನು ಡ್ರಾದತ್ತ ಕೊಂಡೊಯ್ಯಲು ಪ್ರಯತ್ನಿಸಿದರು. ತಮ್ಮ ಕೊನೆಯ ಇನ್ನಿಂಗ್ಸ್ ಸ್ಟುವರ್ಟ್ ಬ್ರಾಡ್ ಇಂಗ್ಲೆಂಡ್ನ್ನು ಕಾಡುತ್ತಿದ್ದ ಟಾಡ್ ಮರ್ಫಿ ಮತ್ತು ಅಲೆಕ್ಸ್ ಕ್ಯಾರಿ ವಿಕೆಟ್ ಪಡೆದು ಗೆಲುವಿಗೆ ಕಾರಣರಾದರು. ಇದರಿಂದ ಆಸ್ಟ್ರೇಲಿಯ 334 ರನ್‌ಗಳಿಗೆ ಆಲೌಟ್ ಆಯಿತು. ದಿ ಓವಲ್‌ನಲ್ಲಿ ಜಯಗಳಿಸುವ ಮೂಲಕ, ಆಸ್ಟ್ರೇಲಿಯವು ಈಗಾಗಲೇ ಆಶಸ್ ಅನ್ನು ಉಳಿಸಿಕೊಂಡಿದ್ದರೂ, ಇಂಗ್ಲೆಂಡ್ 2-2 ಅಂತರದ ನಂತರ ಸರಣಿ ಸಮಬಲಗೊಳಿಸಿಕೊಂಡಿತು.
ಐದನೇ ದಿನದಾಟ: ಆಸ್ಟ್ರೇಲಿಯಾ ಗೆಲುವಿಗೆ ಇನ್ನೂ 249 ರನ್‌ಗಳ ಅಗತ್ಯವಿದ್ದು, ಐದನೇ ದಿನದಾಟವನ್ನು ಅರ್ಧಶತಕ ದಾಟಿ ಆಡುತ್ತಿದ್ದ ಉಸ್ಮಾನ್ ಖವಾಜಾ ಮತ್ತು ಡೇವಿಡ್ ವಾರ್ನರ್ ಮುಂದುವರೆಸಿದರು. ಆದರೆ, ಮಾರ್ಕ್ ವುಡ್ 37 ನೇ ಓವರ್‌ನ ಮೊದಲ ಎಸೆತದಲ್ಲಿ ಬೌನ್ಸರ್‌ನಿಂದ ಹೆಲ್ಮೆಟ್‌ನಲ್ಲಿ ಖವಾಜಾಗೆ ಹೊಡೆದ ನಂತರ ಚೆಂಡನ್ನು ಬದಲಿಸಲಾಯಿತು. ಇದು ಪಂದ್ಯದಲ್ಲಿ ಮಹತ್ವದ ಬೆಳವಣಿಗೆಗೆ ಕಾರಣವಾಯಿತು. ಪಂದ್ಯ ಕೈ ತಪ್ಪಿಹೋಗುವ ಸಾಧ್ಯತೆ ಇದೆ ಎಂಬಂತಿದ್ದ ಇಂಗ್ಲೆಂಡ್ಗೆ ಹೊಸ ಬಾಲ್ನಿಂದ ಗೆಲುವಿನ ಭರವಸೆ ಮೂಡಿತು.