U-19 World Cup: ಲಂಕಾ ತಂಡಕ್ಕೆ ಸೋಲಿನ ರುಚಿ ತೋರಿಸಿ ಸೆಮೀಸ್​ಗೆ ಕ್ರಿಕೆಟ್​ ಶಿಶು ಅಫ್ಘಾನ್​ ಲಗ್ಗೆ

ಅಂಡರ್​​-19 ವಿಶ್ವಕಪ್​ನ ಕ್ವಾರ್ಟರ್​ಫೈನಲ್ ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ರೋಚಕ ಗೆಲುವು ದಾಖಲು ಮಾಡಿರುವ ಅಫ್ಘಾನಿಸ್ತಾನ ಚೊಚ್ಚಲ ಸಲ ಸೆಮಿಫೈನಲ್​ಗೆ ಲಗ್ಗೆ ಹಾಕಿದ್ದು, ಇದೀಗ ಇಂಗ್ಲೆಂಡ್ ವಿರುದ್ಧ ಸೆಣಸಾಟ ನಡೆಸಲಿದೆ.

ಆ್ಯಂಟಿಗುವಾ(ವೆಸ್ಟ್ ಇಂಡೀಸ್​):ಅಂಡರ್​-19 ವಿಶ್ವಕಪ್​​ ಕ್ವಾರ್ಟರ್​ಫೈನಲ್ ಪಂದ್ಯದಲ್ಲಿ ಬಲಿಷ್ಠ ಶ್ರೀಲಂಕಾ ತಂಡಕ್ಕೆ ಸೋಲಿನ ರುಚಿ ತೋರಿಸಿರುವ ಕ್ರಿಕೆಟ್ ಶಿಶು ಆಫ್ಘಾನಿಸ್ತಾನ ಚೊಚ್ಚಲ ಬಾರಿಗೆ ಸೆಮಿಫೈನಲ್​ಗೆ ಲಗ್ಗೆ ಹಾಕಿದೆ. ನಿನ್ನೆ ಆ್ಯಂಟಿಗುವಾ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ರೋಚಕ ಗೆಲುವು ದಾಖಲು ಮಾಡುವ ಮೂಲಕ ಎರಡನೇ ತಂಡವಾಗಿ ಸೆಮಿಫೈನಲ್​ ಪ್ರವೇಶ ಮಾಡಿದೆ.

ಲಂಕಾ ತಂಡಕ್ಕೆ ಸೋಲಿನ ರುಚಿ ತೋರಿಸಿ ಸೆಮೀಸ್​ಗೆ ಕ್ರಿಕೆಟ್​ ಶಿಶು ಅಫ್ಘಾನ್​ ಲಗ್ಗೆ

ಮೊದಲು ಬ್ಯಾಟಿಂಗ್​ ನಡೆಸಿದ ಅಫ್ಘಾನಿಸ್ತಾನ ತಂಡ 47.1 ಓವರ್​ಗಳಲ್ಲಿ 134ರನ್​​ಗಳಿಗೆ ಆಲೌಟ್​ ಆಯಿತು. ಈ ರನ್​ ಗುರಿ ಬೆನ್ನತ್ತಿದ ಲಂಕಾ ತಂಡ 46 ಓವರ್​ಗಳಲ್ಲಿ ಕೇವಲ 130ರನ್​ಗಳಿಕೆ ಮಾಡುವಷ್ಟರಲ್ಲಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡು 4 ರನ್​ಗಳ ಸೋಲು ಕಂಡಿತ್ತು.

ಅಫ್ಘಾನ್ ತಂಡದ ಪರ ಅಬ್ದುಲ್​​ 37ರನ್​, ನೂರ್​ ಅಹ್ಮದ್​​ 30ರನ್​​ ಹಾಗೂ ಅಲ್ಲಾಹ್​ ನೂರ್ 25ರನ್​ಗಳಿಕೆ ಮಾಡಿದ್ರೆ, ಲಂಕಾ ಪರ ರಾನ್ಪುಲ್ 10ರನ್ ನೀಡಿ ಪ್ರಮುಖ 5 ವಿಕೆಟ್​ ಕಿತ್ತರು. ಲಂಕಾ ತಂಡದ ಪರ ನಾಯಕ ದುನಿತ್​ ವೆಲ್ಲಲಗೆ 34ರನ್​ಗಳಿಕೆ ಮಾಡಿದ್ರೆ, ಉಳಿದೆಲ್ಲ ಪ್ಲೇಯರ್ಸ್ ನಿರಾಸೆ ಮೂಡಿಸಿದರು. ಈಗಾಗಲೇ ಸಮಿಫೈನಲ್​ಗೆ ಲಗ್ಗೆ ಹಾಕಿರುವ ಇಂಗ್ಲೆಂಡ್ ವಿರುದ್ಧ ಅಫ್ಘಾನಿಸ್ತಾನ ಮುಂದಿನ ಪಂದ್ಯದಲ್ಲಿ ಸೆಣಸಾಟ ನಡೆಸಲಿದೆ.

ಜಾಹೀರಾತು : ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ