ಬ್ಯಾಂಕಾಕ್ :ಭಾರತ ತಂಡದ ಅಗ್ರಮಾನ್ಯ ಶಟ್ಲರ್ ಪಿವಿ ಸಿಂಧು ಬ್ಯಾಂಕಾಕ್ನಲ್ಲಿ ನಡೆಯುತ್ತಿರುವ ವರ್ಲ್ಡ್ ಟೂರ್ ಫೈನಲ್ಸ್ನಲ್ಲಿ ಮೊದಲ ಪಂದ್ಯದಲ್ಲಿ ಸೋಲು ಕಂಡಿದ್ದಾರೆ.
ಬುಧವಾರ ವಿಶ್ವದ ನಂ.1 ಆಗಿರುವ ತೈವಾನ್ ತಾಯ್ ಜು ಯಿಂಗ್ ವಿರುದ್ಧ ನಡೆದ ಪಂದ್ಯದಲ್ಲಿ ವಿಶ್ವ ಚಾಂಪಿಯನ್ ಸಿಂಧು 21-19, 12-21, 17-21ರಲ್ಲಿ ಸೋಲು ಕಂಡು ಟೂರ್ನಿಯಲ್ಲಿ ನೀರಸ ಆರಂಭ ಪಡೆದರು.
ಈ ಮೂಲಕ ಬ್ಯಾಂಕಾಕ್ನಲ್ಲಿ ನಡೆದ ಸತತ ಮೂರು ಟೂರ್ನಿಗಳಲ್ಲೂ ಯಾವುದೇ ಫೈನಲ್ ತಲುಪುವಲ್ಲಿ ಕೂಡ ಒಲಿಂಪಿಕ್ ಬೆಳ್ಳಿಪದಕ ವಿಜೇತೆ ವಿಫಲರಾಗಿದ್ದಾರೆ.
ಮೊದಲ ಗೇಮ್ನಲ್ಲಿ ಅದ್ಭುತ ಪ್ರದರ್ಶನ ತೋರಿದ ಭಾರತೀಯ ಶಟ್ಲರ್ 21-19ರ ಅಂತರದಲ್ಲಿ ರೋಚಕ ಜಯ ಸಾಧಿಸಿ ಉತ್ತಮ ಆರಂಭ ಪಡೆದರು. ಆದರೆ, ಎರಡನೇ ಗೇಮ್ನಲ್ಲಿ ಸಂಪೂರ್ಣ ಪ್ರಾಬಲ್ಯ ಸಾಧಿಸಿದ ಜು ಯಿಂಗ್ ಭಾರತೀಯ ಆಟಗಾರ್ತಿಗೆ ತಿರುಗಿ ಬೀಳಲು ಕೂಡ ಅವಕಾಶ ನೀಡದೆ 21-12ರಲ್ಲಿ ಗೆಲುವು ಸಾಧಿಸಿದರು.
ನಿರ್ಣಾಯಕವಾಗಿದ್ದ 3ನೇ ಗೇಮ್ನಲ್ಲಿ ಸಿಂಧು ಪ್ರಬಲ ಪೈಪೋಟಿ ನೀಡಿದರಾದರು ಜು ಯಿಂಗ್ರನ್ನು ಹಿಮ್ಮೆಟ್ಟಿಸಲಾಗದೆ 17-21ರಲ್ಲಿ ಸೋಲು ಕಂಡರು.
ಮುಂದಿನ ಸುತ್ತಿನಲ್ಲಿ ಒಲಿಂಪಿಕ್ಸ್ನಲ್ಲಿ ಪದಕ ಭರವಸೆಯ ಆಟಗಾರ್ತಿಯಾಗಿರುವ ಸಿಂಧು ಥಾಯ್ಲೆಂಡ್ ಓಪನ್ ಕ್ವಾರ್ಟರ್ ಫೈನಲ್ಸ್ನಲ್ಲಿ ಸೋಲು ಕಂಡಿದ್ದ ರಾಚನೊಕ್ ಇಂಟಾನನ್ ವಿರುದ್ಧ ಸೆಣಸಾಡಲಿದ್ದಾರೆ.
ಇದನ್ನು ಓದಿ:14ನೇ ಐಪಿಎಲ್ ಮಿನಿ ಹರಾಜಿಗೆ ದಿನಾಂಕ ಫಿಕ್ಸ್ ಮಾಡಿದ ಬಿಸಿಸಿಐ
