ಭೀಕರ ರಸ್ತೆ ಅಪಘಾತಕ್ಕೀಡಾದ ವಿಶ್ವದ ನಂಬರ್​ ಒನ್​ ಬ್ಯಾಡ್ಮಿಂಟನ್​ ಆಟಗಾರ ಕೆಂಟೊ ಮೊಮೊಟ

ಕೆಂಟೋ ಮೊಮೊಟ ಮಲೇಷ್ಯಾ ಮಾಸ್ಟರ್​​ ಚಾಂಪಿಯನ್​ಶಿಪ್​ ಗೆದ್ದು ಸ್ವದೇಶಕ್ಕೆ ಮರಳಲು ವಿಮಾನ ನಿಲ್ದಾಣಕ್ಕೆ ತೆರಳುತ್ತಿದ್ದ ವೇಳೆ ಭೀಕರ ಅಪಘಾತಕ್ಕೀಡಾಗಿದ್ದಾರೆ.

ಕೌಲಾಲಂಪುರ್​:ಮಲೇಷ್ಯಾ ಮಾಸ್ಟರ್​ ಪ್ರಶಸ್ತಿ ಗೆದ್ದು ಸ್ವದೇಶಕ್ಕೆ ತೆರಳಲು ವಿಮಾನ ನಿಲ್ದಾಣಕ್ಕೆ ಕಾರಿನಲ್ಲಿ ತೆರಳುತ್ತಿದ್ದ ವೇಳೆ ಜಪಾನಿನ ಕೆಂಟೊ ಮೊಮೊಟ ಭೀಕರ ರಸ್ತೆ ಅಪಘಾತಕ್ಕೊಳಗಾಗಿದ್ದಾರೆ.

ಬ್ಯಾಡ್ಮಿಂಟನ್​ ವಿಶ್ವಚಾಂಪಿಯನ್​ ಆಗಿರುವ ನಂಬರ್ ಒನ್​ ಬ್ಯಾಡ್ಮಿಂಟನ್ ತಾರೆ ಕೆಂಟೋ ಮೊಮೊಟ ಇತ್ತೀಚೆಗೆ ಕೌಲಾಲಂಪುರದಲ್ಲಿ ನಡೆದ ಮಲೇಷ್ಯಾ ಮಾಸ್ಟರ್​​ ಚಾಂಪಿಯನ್​ಶಿಪ್​ ಗೆದ್ದಿದ್ದರು. ಸ್ವದೇಶಕ್ಕೆ ಮರಳಲು ವಿಮಾನ ನಿಲ್ದಾಣಕ್ಕೆ ತೆರಳುತ್ತಿದ್ದ ವೇಳೆ ಕೆಂಟೋ ಇದ್ದ ಅವರಿದ್ದ ಕಾರಿಗೆ 30 ಟನ್​ ತೂಕ್ ಟ್ರಕ್​ ಡಿಕ್ಕಿ ಹೊಡೆದಿದೆ ಎಂದು ತಿಳಿದುಬಂದಿದೆ.

ಕೆಂಟೊ ಮೊಮೊಟ

ಈ ಅಪಘಾತದಲ್ಲಿ ಕೆಂಟೋ ಡ್ರೈವರ್​ ಬವನ್​ ನಗೆಸ್ವರವು​ ಎಂಬಾತ ಮೃತಪಟ್ಟಿದ್ದು, ಕೆಂಟೂ ಸೇರಿದಂತೆ ಇತರ ನಾಲ್ಕು ಜನರು ಗಂಭೀರಗಾಯಗೊಂಡಿದ್ದಾರೆ ಎಂದು ತಿಳಿದುಬಂದಿದೆ.

ಮೊಮೊಟ ಅವರ ಮೂಗಿನ ಮೂಳೆ ಮುರಿದಿದ್ದು, ಮುಖದ ಮೇಲೆ ಕೂಡ ಗಾಯಗಳಾಗಿವೆ. ಇವರ ಜೊತೆಗಿದ್ದ ಇಂಗ್ಲೆಂಡ್​ನ ಹಾಕೆಯ್​ ಸಿಸ್ಟಮ್​ ಆಪರೇಟರ್​ ವಿಲಿಯಮ್​ ಥಾಮಸ್​ , ಜಪಾನ್​ ಫಿಸಿಯೋಥೆರೆಫಿಸ್ಟ್​ ಯು ಹರಯಮ ಹಾಗೂ ಅಸಿಸ್ಟಂಟ್​ ಕೋಚ್​ ಅರ್ಕಿಫುಕಿ ಮೊರಿಮೊಟೊ ಅವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ವಿಶ್ವ ಬ್ಯಾಡ್ಮಿಂಟನ್​ ಫಡರೇಷನ್​ ತಿಳಿಸಿದೆ.