ಥಾಯ್ಲೆಂಡ್ ಓಪನ್: ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ಪಿವಿ ಸಿಂಧು, ಸಮೀರ್ ವರ್ಮಾ

2ನೇ ಸುತ್ತಿನ ಪಂದ್ಯದಲ್ಲಿ 21-10, 21-12 ಗೇಮ್​ಗಳ ಅಂತರದಿಂದ ಕೇವಲ 35 ನಿಮಿಷಗಳಲ್ಲಿ ಕಿಸೋನ್​ರನ್ನು ಮಣಿಸಿದರು. ಒಲಿಂಪಿಕ್ಸ್​ ಬೆಳ್ಳಿ ಪದಕ ವಿಜೇತೆ ಕ್ವಾರ್ಟರ್​ ಫೈನಲ್ ಪಂದ್ಯದಲ್ಲಿ ಥಾಯ್ಲೆಂಡ್​ನ ರಚನಾಕ್ ಇಂಟನಾನ್​ ಅವರನ್ನು ಎದುರಿಸಲಿದ್ದಾರೆ. ರಚನಾಕ್ ತಮ್ಮ ಮೊದಲ ಸುತ್ತಿನ ಪಂದ್ಯದಲ್ಲಿ ಭಾರತದ ಸೈನಾ ವಿರುದ್ಧ ಜಯ ಸಾಧಿಸಿದ್ದರು.

ಬ್ಯಾಂಕಾಂಕ್​: ವಿಶ್ವ ಚಾಂಪಿಯನ್​ ಪಿವಿ ಸಿಂಧು ಟೊಯೋಟಾ ಥಾಯ್ಲೆಂಡ್​ ಓಪನ್​ ಸೂಪರ್​ 100 ಟೂರ್ನಮೆಂಟ್​ನಲ್ಲಿ ಮಲೇಷ್ಯಾದ ಕಿಸೋನ್​ ಸೆಲ್ವದುರೈ ಅವರನ್ನು ಮಣಿಸಿ ಕ್ವಾರ್ಟರ್​ ಫೈನಲ್​ ಪ್ರವೇಶಿಸಿದ್ದಾರೆ.

ಗುರುವಾರ ನಡೆದ 2ನೇ ಸುತ್ತಿನ ಪಂದ್ಯದಲ್ಲಿ 21-10, 21-12 ಗೇಮ್​ಗಳ ಅಂತರದಿಂದ ಕೇವಲ 35 ನಿಮಿಷಗಳಲ್ಲಿ ಕಿಸೋನ್​ರನ್ನು ಮಣಿಸಿದರು. ಒಲಿಂಪಿಕ್ಸ್​ ಬೆಳ್ಳಿ ಪದಕ ವಿಜೇತೆ ಕ್ವಾರ್ಟರ್​ ಫೈನಲ್ ಪಂದ್ಯದಲ್ಲಿ ಥಾಯ್ಲೆಂಡ್​ನ ರಚನಾಕ್ ಇಂಟನಾನ್​ ಅವರನ್ನು ಎದುರಿಸಲಿದ್ದಾರೆ. ರಚನಾಕ್ ತಮ್ಮ ಮೊದಲ ಸುತ್ತಿನ ಪಂದ್ಯದಲ್ಲಿ ಭಾರತದ ಸೈನಾ ವಿರುದ್ಧ ಜಯ ಸಾಧಿಸಿದ್ದರು.

ಇಂದು ನಡೆದ ಚಿರಾಗ್ ಶೆಟ್ಟಿ ಮತ್ತು ಸಾತ್ವಿಕ್ ಸಾಯಿರೆಡ್ಡಿ 21-18, 23-21ರಲ್ಲಿ ದಕ್ಷಿಣ ಕೊರಿಯಾದ ಚೋಯ್ ಸೋಲ್ ಗ್ಯು ಮತ್ತು ಸೆಯುಂಗ್ ಜೇ ಸಿಯೊ ವಿರುದ್ಧ ಗೆಲುವು ಸಾಧಿಸಿ ಕ್ವಾರ್ಟರ್​ ಫೈನಲ್​ಗೆ ತೇರ್ಗಡೆಗೊಂಡಿದ್ದಾರೆ.

ಸಮೀರ್​ ವರ್ಮಾ ಪುರುಷರ ಸಿಂಗಲ್ಸ್​ನಲ್ಲಿ ಡೆನ್ಮಾರ್ಕ್​ನ ರಾಸ್ಮಸ್ ಗೆಮ್ಕೆ ವಿರುದ್ಧ 21-12, 21-9 ಜಯಿಸಿ ಕ್ವಾರ್ಟಲ್ ಫೈನಲ್ ಪ್ರವೇಶಿಸಿದ್ದರೆ, ಹೆಚ್​ಎಸ್ ಪ್ರಣಯ್ 17-21, 18-21ರಲ್ಲಿ ಮಲೇಷ್ಯಾದ ಲೀವ್ ಡಾರೆನ್​ ವಿರುದ್ಧ ಸೋಲು ಕಂಡು ನಿರಾಶೆಯನುಭವಿಸಿದ್ದಾರೆ.