ಪ್ರಥಮ ಪಂದ್ಯದಲ್ಲಿ ಮುಗ್ಗರಿಸಿದ ಪಿ.ವಿ.ಸಿಂಧು... ಸೆಮೀಸ್​​​​​​​​​ ಹಾದಿ ಕೊಂಚ ಕಠಿಣ

ಮೊದಲ ಪಂದ್ಯ ಸೋತಿರುವ ಕಾರಣ ಸಿಂಧು ಮುಂದಿನ ಎರಡೂ ಪಂದ್ಯ ಗೆದ್ದಲ್ಲಿ ಮಾತ್ರವೇ ಸೆಮೀಸ್​ಗೆ ಲಗ್ಗೆ ಇಡಬಹುದು.

ಗ್ಯಾಂಗ್ಝು(ಹಾಂಕಾಂಗ್​):ಬಿಡಬ್ಲ್ಯು ವರ್ಲ್ಡ್​ ಟೂರ್ ಫೈನಲ್ಸ್​ನ ಪ್ರಥಮ ಪಂದ್ಯದಲ್ಲೇ ಭಾರತೀಯ ಬ್ಯಾಡ್ಮಿಂಟನ್ ತಾರೆ ಪಿ.ವಿ.ಸಿಂಧು ಪರಾಭವಗೊಂಡಿದ್ದಾರೆ.

68 ನಿಮಿಷ ನಡೆದ ಪಂದ್ಯದಲ್ಲಿ 21-18, 18-21 ಹಾಗೂ 8-21 ಸೆಟ್​ಗಳಿಂದ ಜಪಾನ್​​ನ ಅಕನೆ ಯಮಗುಚಿಗೆ ಶರಣಾಗಿದ್ದಾರೆ. ಮೊದಲ ಸೆಟ್ ಗೆದ್ದು ನಿರೀಕ್ಷೆ ಮೂಡಿಸಿದ್ದ ಸಿಂಧು ಎರಡನೇ ಸೆಟ್​​ನಲ್ಲೂ ಉತ್ತಮ ಪೈಪೋಟಿ ನೀಡಿದ್ದರು. ಆದರೆ ನಿರ್ಣಾಯಕ ಸೆಟ್​​ನಲ್ಲಿ ನೀರಸ ಪ್ರದರ್ಶನದ ಪರಿಣಾಮ ಸೋಲೊಪ್ಪಿಕೊಳ್ಳಬೇಕಾಯಿತು.

ಮೊದಲ ಪಂದ್ಯ ಸೋತಿರುವ ಕಾರಣ ಸಿಂಧು ಮುಂದಿನ ಎರಡೂ ಪಂದ್ಯ ಗೆದ್ದಲ್ಲಿ ಮಾತ್ರವೇ ಸೆಮೀಸ್​ಗೆ ಲಗ್ಗೆ ಇಡಬಹುದು.

ಮುಂದಿನ ಪಂದ್ಯದಲ್ಲಿ ಭಾರತೀಯ ಬ್ಯಾಡ್ಮಿಂಟನ್ ಆಟಗಾರ್ತಿ ವಿಶ್ವದ ಎರಡನೇ ಶ್ರೇಯಾಂಕಿತೆ ಚೆನ್ ಯುಫೈ ಹಾಗೂ ಮೂರನೇ ಪಂದ್ಯದಲ್ಲಿ ಕೆಳ ಶ್ರೇಯಾಂಕದ ಬಿಂಗ್​ಜಿಯಾವೋರನ್ನು ಎದುರಿಸಲಿದ್ದಾರೆ.