ಒರ್ಲಿಯನ್ಸ್ ಮಾಸ್ಟರ್ಸ್.. ಫೈನಲ್ ತಲುಪಿದ ಕೃಷ್ಣ ಪ್ರಸಾದ್​-ವಿಷ್ಣು ವರ್ಧನ್ ಜೋಡಿ!

ಅಶ್ವಿನಿ-ಧ್ರುವ್​ ಕಪಿಲಾ ಜೋಡಿ 9-21,23-21-21-7ರ ಅಂತರದಲ್ಲಿ ಡ್ಯಾನೀಸ್ ಜೋಡಿಯ ಮುಂದೆ ಶರಣಾಗತರಾದರು. ಗೆದ್ದ ಸೆಟ್​ನಲ್ಲಿ ಹೊರೆತುಪಡಿಸಿದರೆ, ಉಳಿದ ಎರಡು ಸೆಟ್‌ನಲ್ಲಿ ಭಾರತೀಯ ಜೋಡಿ ಸುಲಭವಾಗಿ ಸೋಲು ಕಂಡಿತು..

ಪ್ಯಾರಿಸ್ :ಭಾರತ ಯುವ ಜೋಡಿ ಕೃಷ್ಣ ಪ್ರಸಾದ್​ ಗರಗ ಮತ್ತು ವಿಷ್ಣುವರ್ಧನ್​ ಗೌಡ್​ ಪಂಜಾಲಾ ಜೋಡಿ ಪ್ಯಾರಿಸ್​ನಲ್ಲಿ ನಡೆಯುತ್ತಿರುವ ಒರ್ಲಿಯನ್ಸ್​ ಮಾಸ್ಟರ್​ ಟೂರ್ನಿಯ ಡಬಲ್ಸ್​ ವಿಭಾಗದಲ್ಲಿ ಫೈನಲ್​ಗೆ ಲಗ್ಗೆಯಿಟ್ಟಿದ್ದಾರೆ.

ಫೈನಲ್ ಪಂದ್ಯದಲ್ಲಿ ಭಾರತದ ಜೋಡಿ ಕೇವಲ 35 ನಿಮಿಷಗಳಲ್ಲಿ ಇಂಗ್ಲೆಂಡ್​ನ ಕಾಲುಮ್ ಹೆಮ್ಮಿಂಗ್ಸ್ ಮತ್ತು ಸ್ಟೆವೆನ್​ ಸ್ಟಾಲ್​ವುಡ್​ ಜೋಡಿಯ ವಿರುದ್ಧ 21-17, 21-17ರಲ್ಲಿ ಅಂತರದಲ್ಲಿ ಗೆಲುವು ಸಾಧಿಸಿ ಫೈನಲ್​ ಪ್ರವೇಶಿಸಿದೆ.

ಈ ಜೋಡಿ ಇದೇ ಮೊದಲ ಬಾರಿಗೆ ಡಬಲ್ಸ್​ನಲ್ಲಿ ಜೊತೆಯಾಗಿ ಆಡುತ್ತಿದೆ. ಟೂರ್ನಿಯುದ್ದಕ್ಕೂ ಅಮೋಘ ಪ್ರದರ್ಶನ ತೋರಿರುವ ಯುವ ಪ್ರತಿಭೆಗಳು ಪ್ರಶಸ್ತಿ ಸುತ್ತಿನಲ್ಲಿ ಇಂಗ್ಲೆಂಡ್​ನ ಸೀನ್ ವೆಂಡಿ ಮತ್ತು ಬೆನ್​ ಲೇನ್ ವಿರುದ್ಧ ಸೆಣಸಾಡಲಿದ್ದಾರೆ.

ಮಿಶ್ರ ಡಬಲ್ಸ್​ನಲ್ಲಿ ಕನ್ನಡತಿ ಅಶ್ವಿನಿ ಪೊನ್ನಪ್ಪ ಜೋಡಿಗೆ ಸೋಲು :ಮಿಶ್ರ ಡಬಲ್ಸ್​ನಲ್ಲಿ ಹೊಸ ಜೊತೆಗಾರನೊಂದಿಗೆ ಕಣಕ್ಕಿಳಿದಿದ್ದ ಕನ್ನಡತಿ ಅಶ್ವಿನಿ ಪೊನ್ನಪ್ಪ ಸೆಮಿಫೈನಲ್​ನಲ್ಲಿ ಡೆನ್ಮಾರ್ಡ್‌ನ ನಿಕ್ಲಾಸ್​ ನೊಹ್ರ್​ ಮತ್ತು ಅಮಾಲಿ ಮ್ಯಾಗ್​ಲಂಡ್​ ವಿರುದ್ಧ ನಡೆದ ರೋಚಕ ಸೆಮಿಫೈನಲ್​ ಕದನದಲ್ಲಿ ಸೋಲುಂಡರು.

ಅಶ್ವಿನಿ-ಧ್ರುವ್​ ಕಪಿಲಾ ಜೋಡಿ 9-21,23-21-21-7ರ ಅಂತರದಲ್ಲಿ ಡ್ಯಾನೀಸ್ ಜೋಡಿಯ ಮುಂದೆ ಶರಣಾಗತರಾದರು. ಗೆದ್ದ ಸೆಟ್​ನಲ್ಲಿ ಹೊರೆತುಪಡಿಸಿದರೆ, ಉಳಿದ ಎರಡು ಸೆಟ್‌ನಲ್ಲಿ ಭಾರತೀಯ ಜೋಡಿ ಸುಲಭವಾಗಿ ಸೋಲು ಕಂಡಿತು.

ಇದನ್ನು ಓದಿ:ಒರ್ಲಿಯನ್ಸ್​ ಮಾಸ್ಟರ್ಸ್.. ಸೈನಾಗೆ ಸೋಲು, ಸಿಂಗಲ್ಸ್​ನಲ್ಲಿ ಭಾರತೀಯರ ಸವಾಲು ಅಂತ್ಯ..