ಇಂಟರ್​ ಕ್ಲಬ್ ಬ್ಯಾಡ್ಮಿಂಟನ್​​ ಟೂರ್ನಿ ಗೆದ್ದ ಕೆಎಸ್​ಸಿಎ ತಂಡ

ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ತಂಡವನ್ನ ಸೋಲಿಸಿದ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ ತಂಡ 2019ನೇ ಇಂಟರ್ ಕ್ಲಬ್ ಬ್ಯಾಡ್ಮಿಂಟನ್ ಟೂರ್ನಿ ಜಯ ಗಳಿಸಿದೆ.

ಬೆಂಗಳೂರು:ಇಲ್ಲಿ ನಡೆದ 2019ನೇ ಇಂಟರ್ ಕ್ಲಬ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಕರ್ನಾಟಕ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ ತಂಡ ಜಯ ಗಳಿಸಿದೆ.

ಕರ್ನಾಟಕ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ ತಂಡ

ಕೆಎಸ್​ಸಿಎ ಆಯೋಜನೆ ಮಾಡಿದ್ದ 2019ನೇ ಇಂಟರ್ ಕ್ಲಬ್ ಬ್ಯಾಡ್ಮಿಂಟನ್ ಟೂರ್ನಿಯನ್ನ ಕ್ರಿಕೆಟಿಗ ಮಯಾಂಕ್​ ಅಗರ್ವಾಲ್ ಉದ್ಘಾಟನೆ ಮಾಡಿದ್ದರು. ಒಟ್ಟು 12 ತಂಡಗಳು ಪಾಲ್ಗೊಂಡಿದ್ದ ಈ ಟೂರ್ನಿಯಲ್ಲಿ ಅಂತಿಮವಾಗಿ ಕರ್ನಾಟಕ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ ಮತ್ತು ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್​ ಫೈನಲ್​ ಪ್ರವೆಶಿಸಿದ್ದವು.

ಫೈನಲ್​ ಪಂದ್ಯದಲ್ಲಿ​ ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ತಂಡವನ್ನ 3-0 ಅಂಕಗಳ ಅಂತರದಿಂದ ಸೋಲಿಸಿದ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ ತಂಡ ಚಾಂಪಿಯನ್​ ಪಟ್ಟ ಅಲಂಕರಿಸಿದೆ. ಗೆದ್ದ ತಂಡಕ್ಕೆ ನಟಿ ರಾಗಿಣಿ ದ್ವಿವೇದಿ ಟ್ರೋಫಿ ವಿತರಿಸಿದ್ರು.

ಪ್ರತಿಯೊಂದು ತಂಡದಲ್ಲಿ 35 ವರ್ಷ ವಯಸ್ಸಿನ ಇಬ್ಬರು, 40, 50, 60 ವಯಸ್ಸಿನ ಒರ್ವ ಆಟಗಾರರು ಇರಬೇಕೆಂದು ಷರತ್ತು ವಿಧಿಸಲಾಗಿತ್ತು.