ಜಕಾರ್ತ(ಇಂಡೋನೇಷಿಯಾ):2 ಬಾರಿಯ ಒಲಿಂಪಿಕ್ ಮೆಡಲಿಸ್ಟ್ ಭಾರತದ ಪಿ.ವಿ.ಸಿಂಧು ಗುರುವಾರ ತಮ್ಮ 2ನೇ ಸುತ್ತಿನ ಪಂದ್ಯದಲ್ಲಿ ಜರ್ಮನಿಯ ಇವೋನ್ ಲೀ ವಿರುದ್ಧ ಗೆಲುವು ಸಾಧಿಸುವ ಮೂಲಕ ಇಂಡೋನೇಷಿಯಾ ಓಪನ್ನಲ್ಲಿ ಕ್ವಾರ್ಟರ್ ಫೈನಲ್ಗೆ ಲಗ್ಗೆಯಿಟ್ಟರು.
26ನೇ ಶ್ರೇಯಾಂಕದ ಜರ್ಮನ್ ಯುವ ಆಟಗಾರ್ತಿಯ ವಿರುದ್ಧ ಇದೇ ಮೊದಲ ಬಾರಿಗೆ ಮುಖಾಮುಖಿಯಾಗಿದ್ದ ವಿಶ್ವಚಾಂಪಿಯನ್ ಸಿಂಧು, ಕೇವಲ 37 ನಿಮಿಷಗಳಲ್ಲಿ ಪಂದ್ಯವನ್ನು 21-12, 21-18ರಲ್ಲಿ ಮುಗಿಸಿ 8ರ ಘಟ್ಟ ತಲುಪಿದರು.
ಆಕ್ರಮಣಕಾರಿ ಆಟದ ಮೊರೆ ಹೋದ ಸಿಂಧು, ಆರಂಭದ ಗೇಮ್ ಅನ್ನು 21-12ರಲ್ಲಿ ನಿರಾಯಾಸವಾಗಿ ಗೆದ್ದರು. ಇದೇ ಆತ್ಮವಿಶ್ವಾಸದಲ್ಲಿ 2ನೇ ಗೇಮ್ನಲ್ಲಿ 7-4ರಲ್ಲಿ ಮುನ್ನಡೆ ಪಡೆದುಕೊಂಡರು. 2ನೇ ಗೇಮ್ನ ಮಧ್ಯದಲ್ಲಿ ಸಿಂಧುಗೆ ಲೀ ಪ್ರತಿರೋಧ ತೋರಿದರಾದರೂ ಅಂತಿಮವಾಗಿ 21-18ರಲ್ಲಿ ಶರಣಾದರು.
ಬುಧವಾರ ನಡೆದಿದ್ದ ಮೊದಲ ಸುತ್ತಿನ ಪಂದ್ಯದಲ್ಲಿ ಜಪಾನ್ನ ಆಯಾ ಒಹೋರಿ ವಿರುದ್ದ 7ನೇ ಶ್ರೇಯಾಂಕದ ಭಾರತೀಯ ಸ್ಟಾರ್ ಶಟ್ಲರ್‌ ಕಠಿಣ ಹೋರಾಟದಿಂದ 17-21, 21-17,21-17 ರಲ್ಲಿ ಗೆಲುವು ಸಾಧಿಸಿದ್ದರು. ಈ ಪಂದ್ಯ ಒಂದು ಗಂಟೆ 10 ನಿಮಿಷಗಳ ಕಾಲ ನಡೆದಿತ್ತು.
ಪುರುಷರ ವಿಭಾಗದಲ್ಲಿ ಸಾಯಿ ಪ್ರಣೀತ್ ಮತ್ತು ಕಿಡಂಬಿ ಶ್ರೀಕಾಂತ್ ಕೂಡ ಫ್ರೀ ಕ್ವಾರ್ಟರ್ ಫೈನಲ್ ತಲುಪಿತ್ತು. ಇಂದು ತಮ್ಮ 2ನೇ ಸುತ್ತನಲ್ಲಿ ಪ್ರತ್ಯೇಕವಾಗಿ ಕಾದಾಡಲಿದ್ದಾರೆ. ಡಬಲ್ಸ್ನಲ್ಲಿ ಸಾತ್ವಿಕ್ ಮತ್ತು ಚಿರಾಗ್ ಶೆಟ್ಟಿ ತಮ್ಮ ಮೊದಲ ಸುತ್ತಿನ ಪಂದ್ಯವನ್ನಾಡಲಿದ್ದಾರೆ.
