ಪಿವಿ ಸಿಂಧುಗೆ ಮತ್ತೆ ನಿರಾಶೆ... ವಿಶ್ವ ಚಾಂಪಿಯನ್​ಗೆ ಅಘಾತ ನೀಡಿದ ಥಾಯ್ಲೆಂಡ್​ ಆಟಗಾರ್ತಿ

ವಿಶ್ವ ಚಾಂಪಿಯನ್ 6ನೇ ಶ್ರೇಯಾಂಕದ ಸಿಂಧು ಥಾಯ್ಲೆಂಡ್​ನ 18 ಶ್ರೇಯಾಂಕದ ಬುಸನಾನ್‌ ಆಂಗ್‌ಬುಮ್ರುಂಗ್‌ಫಾನ್‌ ವಿರುದ್ಧ18-21, 21-11, 16-21 ಗೇಮ್​​ಗಳಲ್ಲಿ ಸೋಲನುಭವಿಸಿದ್ದಾರೆ.

ಹಾಂಗ್​ಕಾಂಗ್​: ಭಾರತದ ಭರವಸೆಯ ಆಟಗಾರ್ತಿ ಪಿವಿ ಸಿಂಧು ಹಾಂಕ್​ ಕಾಂಗ್​ ಓಪನ್​ನಲ್ಲಿ ವಿಶ್ವ ಚಾಂಪಿಯನ್ ಸಿಂಧು ಥಾಯ್ಲೆಂಡ್​ನ ಆಟಗಾರ್ತಿಗೆ ಶರಣಾಗುವ ಮೂಲಕ ಟೂರ್ನಿಯಿಂದ ಹೊರಬಿದ್ದಿದ್ದಾರೆ.

ವಿಶ್ವ ಚಾಂಪಿಯನ್ 6ನೇ ಶ್ರೇಯಾಂಕದ ಸಿಂಧು ಥಾಯ್ಲೆಂಡ್​ನ 18 ಶ್ರೇಯಾಂಕದ ಬುಸನಾನ್‌ ಆಂಗ್‌ಬುಮ್ರುಂಗ್‌ಫಾನ್‌ ವಿರುದ್ಧ 2-1 ಸೆಟ್​ಗಳಲ್ಲಿ ಸೋಲನುಭವಿಸಿದ್ದಾರೆ.

ಮೊದಲ ಗೇಮ್​ನಲ್ಲಿ 21-18ರಲ್ಲಿ ಸೋಲನುಭವಿಸಿದ ಸಿಂಧು ಎರಡನೇ ಗೇಮ್​ನಲ್ಲಿ ತಿರುಗಿ ಬಿದ್ದು 21-11ರಲ್ಲಿ ಗೆದ್ದುಕೊಂಡರು. ಆದರೆ ರೋಚಕವಾಗಿ ಕೂಡಿದ್ದ ಮೂರನೇ ಗೇಮ್​ನಲ್ಲಿ ಸಿಂಧು ವಿರುದ್ಧ 21-16ರಲ್ಲಿ ಸೋಲುಕಂಡರು.

ವಿಶ್ವಚಾಂಪಿಯನ್​ಶಿಪ್​ನಲ್ಲಿ ಚಿನ್ನ ಗೆದ್ದನಂತರ ಮಂಕಾದಂತೆ ಕಾಣುತ್ತಿರುವ ಸಿಂಧು ಸತತವಾಗಿ ಪ್ರೆಂಚ್​ ಓಪನ್​, ಚೀನಾ ಓಪನ್​, ಡೆನ್ಮಾರ್ಕ್​ ಓಪನ್, ಕೊರಿಯಾ ಇಂಡೋನೇಷ್ಯನ್​ ಓಪನ್​ನಲ್ಲಿ ಕನಿಷ್ಠ ಕ್ವಾರ್ಟರ್​ ಫೈನಲ್​ ತಲುಪಲೂ ಕೂಡ ವಿಫಲರಾಗಿದ್ದಾರೆ.​

ಹಾಂಗ್​ಕಾಂಗ್​ ಓಪನ್​ನಲ್ಲಿ ಕಿಡಂಬಿ ಶ್ರಿಕಾಂತ್​ ಮಾತ್ರ ಕ್ವಾರ್ಟರ್​ ಫೈನಲ್​ ತಲುಪಿದ್ದು, ಉಳಿದೆಲ್ಲಾ ಪ್ಲೇಯರ್​ಗಳು ಟೂರ್ನಿಯಿಂದ ಹೊರಬಿದ್ದಂತಾಗಿದೆ.