ಹಾಂಕಾಂಗ್​​​​​ ​ಓಪನ್: ಸೆಮಿಫೈನಲ್​ನಲ್ಲಿ ಮುಗ್ಗರಿಸಿದ ಕಿಡಂಬಿ ಶ್ರೀಕಾಂತ್

ಸೆಮಿಫೈನಲ್​ ಪಂದ್ಯದಲ್ಲಿ ಹಾಂಕಾಂಗ್​​​ ಆಟಗಾರ ಲೀ ಚೆವುಕ್​ ಯಿಯು ವಿರುದ್ಧ ಭಾರತದ ಕಿಡಿಂಬಿ ಶ್ರೀಕಾಂತ್​ 21-8, 25-23 ರಲ್ಲಿ ಸೋಲು ಕಂಡು ನಿರಾಶೆ ಅನುಭವಿಸಿದರು.

ಹಾಂಗ್​​ಕಾಂಗ್​:ಭಾರತದ ಸ್ಟಾರ್​ ಬ್ಯಾಡ್ಮಿಂಟನ್ ಆಟಗಾರ ಕಿಡಿಂಬಿ ಶ್ರೀಕಾಂತ್​ ಹಾಂಕಾಂಗ್​ ಸೆಮಿಫೈನಲ್​ನಲ್ಲಿ ಸೋಲು ಕಾಣುವ ಮೂಲಕ ಭಾರತದ ಸವಾಲು ಅಂತ್ಯಗೊಂಡಿದೆ.

ಸೆಮಿಫೈನಲ್​ ಪಂದ್ಯದಲ್ಲಿ ಹಾಂಕಾಂಗ್​ನ ಆಟಗಾರ ಲೀ ಚೆವುಕ್​ ಯಿಯು ವಿರುದ್ಧ ಶ್ರೀಕಾಂತ್​ 21-8, 25-23 ರಲ್ಲಿ ಸೋಲು ಕಂಡು ನಿರಾಶೆ ಅನುಭವಿಸಿದರು.

ಮೊದಲ ಸೆಟ್​ನಲ್ಲಿ ಹಾಂಕಾಂಗ್​​​ ಆಟಗಾರನ ಮುಂದೆ ಮಂಕಾದ ಶ್ರೀಕಾಂತ್​ 21-8ರಲ್ಲಿ ಸುಲಭವಾಗಿ ಸೋಲನುಭವಿಸಿದರು. ಆದರೆ, ಎರಡನೇ ಸೆಟ್​ನಲ್ಲಿ ಆರಂಭದಲ್ಲಿ ಮುನ್ನಡೆ ಸಾಧಿಸಿ ತಮ್ಮ ಅಂಕ 20ರ ತನಕ ಬಂದರೂ ಇನ್ನೊಂದು ಅಂಕ ಗಳಿಸುವಲ್ಲಿ ವಿಫಲಾದರು. ಈ ವೇಳೆ ಬಹಳ ಚುರುಕಾಗಿ ಆಡಿದ ಲೀ ಚಿವುಕ್​ 25-23ರಲ್ಲಿ ಗೆಲುವು ಸಾಧಿಸಿ ಫೈನಲ್​ ಪ್ರವೇಶಿಸಿದರು.

ಕೆ.ಶ್ರೀಕಾಂತ್‌ ಮೊದಲ ಸುತ್ತಿನ ಪಂದ್ಯದಲ್ಲಿ ಅಗ್ರ ಶ್ರೇಯಾಂಕದ ಕೆಂಟೋ ಮೊಮೆಟೋ ಟೂರ್ನಿಗೆ ಭಾಗವಹಿಸದ ಹಿನ್ನೆಲೆಯಲ್ಲಿ ವಾಕ್​ ಓವರ್ ಪಡೆದಿದ್ದರು. ನಂತರ ಪ್ರೀ ಕ್ವಾರ್ಟರ್​ ಫೈನಲ್​ನಲ್ಲಿ ಭಾರತದವರೇ ಆದ ಸೌರಭ್​ ವರ್ಮಾರನ್ನು ಮಣಿಸಿ ಕ್ವಾರ್ಟರ್​ ಫೈನಲ್​ ಪ್ರವೇಶಿಸಿದ್ದರು. ಕ್ವಾರ್ಟರ್​ ಫೈನಲ್​ನಲ್ಲಿ ಚೀನಾದ ಚೆನ್‌ ಲಾಂಗ್‌ ಒಂದೇ ಗೇಮ್​ ಆಡಿ ಗಾಯದಿಂದ ಹಿಂದೆ ಸರಿದಿದ್ದರಿಂದ ಶ್ರೀಕಾಂತ್​ ಸೆಮಿಫೈನಲ್​ ಪ್ರವೇಶಿಸಿದ್ದರು.