ವಿಶ್ವಚಾಂಪಿಯನ್​ ಪಿ ವಿ ಸಿಂಧುಗೆ ಆಘಾತ ನೀಡಿದ 17 ವರ್ಷದ ಕೊರಿಯನ್​ ಆಟಗಾರ್ತಿ!

ಗುರುವಾರ ನಡೆದ ಪಂದ್ಯಲ್ಲಿ ದಕ್ಷಿಣ ಕೊರಿಯಾದ 17 ವರ್ಷದ ಅನ್​ ಸೆ ಯಂಗ್​ ವಿರುದ್ಧ 14-21, 17-21 ರಲ್ಲಿ ಸೋಲುಕಾಣುವ ಮೂಲಕ ವಿಶ್ವ ಚಾಂಪಿಯನ್​ ಪಿ ವಿ ಸಿಂಧು ಟೂರ್ನಿಯಿಂದ ಹೊರಬಿದ್ದಿದ್ದಾರೆ. ವಿಶ್ವದ 5ನೇ ಶ್ರೇಯಾಂಕದ ಸಿಂಧು ವಿರುದ್ಧ 28 ನೇ ಶ್ರೇಯಾಂಕದ ಕೊರಿಯನ್​ ಯುವ ಆಟಗಾರ್ತಿ ಏಕಪಕ್ಷೀಯ ಗೆಲುವು ದಾಖಲಿಸಿದ್ದಾರೆ.

ಆಡೆನ್ಸ್​(ಡೆನ್ಮಾರ್ಕ್​): ವಿಶ್ವ ಚಾಂಪಿಯನ್​ಶಿಪ್​ನಲ್ಲಿ ಚಿನ್ನದ ಪದಕ ಗೆದ್ದಿದ್ದ ಭಾರತದ ಬ್ಯಾಡ್ಮಿಂಟನ್​ ತಾರೆ ಪಿ ವಿ ಸಿಂಧು ಸತತ ಮೂರನೇ ಟೂರ್ನಿಯಲ್ಲಿ ಗುಂಪು ಹಂತದಲ್ಲೇ ನಿರ್ಗಮಿಸಿ ಅಭಿಮಾನಿಗಳಿಗೆ ನಿರಾಶೆ ಮೂಡಿಸಿದ್ದಾರೆ.

ಗುರುವಾರ ನಡೆದ ಪಂದ್ಯದಲ್ಲಿ ದಕ್ಷಿಣ ಕೊರಿಯಾದ 17 ವರ್ಷದ ಅನ್​ ಸೆ ಯಂಗ್​ ವಿರುದ್ಧ 14-21, 17-21 ರಲ್ಲಿ ಸೋಲುಕಾಣುವ ಮೂಲಕ ಟೂರ್ನಿಯಿಂದ ಹೊರಬಿದ್ದಿದ್ದಾರೆ. ವಿಶ್ವದ 5ನೇ ಶ್ರೇಯಾಂಕದ ಸಿಂಧು ವಿರುದ್ಧ 28 ನೇ ಶ್ರೇಯಾಂಕದ ಕೊರಿಯನ್​ ಯುವ ಆಟಗಾರ್ತಿ ಏಕಪಕ್ಷೀಯ ಗೆಲುವು ದಾಖಲಿಸಿದ್ದಾರೆ.

ಇನ್ನು, ಪುರುಷರ ವಿಭಾಗದಲ್ಲೂ ಭಾರತದ ಸವಾಲು ಸಾಯಿ ಪ್ರಣೀತ್​ ಅವರ ಸೋಲಿನೊಂದಿಗೆ ಅಂತ್ಯಗೊಂಡಿತು. ಸಾಯಿ ಪ್ರಣೀತ್ ನಂಬರ್ ಶ್ರೇಯಾಂಕದ ಜಪಾನ್​ನ ಕೆಂಟೋ ಮೊಮೊಟ ವಿರುದ್ಧ 6-21, 14-21 ರ ನೇರ ಸೆಟ್​ಗಳಿಂದ ಸೋಲುಂಡರು.

ಇದಕ್ಕೂ ಮೊದಲು ನಡೆದಿದ್ದ ಸಿಂಗಲ್ಸ್​ನ ಮತ್ತೊಂದು ಪಂದ್ಯದಲ್ಲಿ ಸಮೀರ್​ ವರ್ಮಾ ಚೀನಾದ 5ನೇ ಶ್ರೇಯಾಂಕದ ಲಂಗ್​ ಚೆನ್​ ವಿರುದ್ಧ 10-21, 12-21 ರಿಂದ ಸೋಲುಕಂಡರು.

ಒಟ್ಟಾರೆ 7 ಆಟಗಾರರು ಸಿಂಗಲ್ಸ್​ ವಿಭಾಗದಲ್ಲಿ ಭಾಗವಹಿಸಿದ್ದು, ಎಲ್ಲರೂ ಗುಂಪು ಹಂತದಲ್ಲೇ ನಿರ್ಗಮಿಸಿದಂತಾಗಿದೆ.