ಫುಜೋ(ಚೀನಾ): ಭಾರತದ ಸ್ಟಾರ್ ಬ್ಯಾಡ್ಮಿಂಟನ್ ತಾರೆಗಳಾದ ಪಿ. ವಿ. ಸಿಂಧು, ಸೈನಾ ಹಾಗೂ ಶ್ರೀಕಾಂತ್ ನಂತರ ಉದಯೋನ್ಮುಖ ಆಟಗಾರ ಸಮೀರ್ ವರ್ಮಾ ಕೂಡ ಮೊದಲ ಸುತ್ತಿನಲ್ಲೇ ಸೋಲು ಕಂಡಿದ್ದಾರೆ.
ಹಾಂಗ್ಕಾಂಗ್ನ ಲೀ ಚೆಕ್ ಯಿವ್ ಅವರ ವಿರುದ್ಧ 18-21, 18-21ರಿಂದ ಸೋಲು ಕಂಡರು. ಎರಡು ಗೇಮ್ಗಳನಲ್ಲೂ ಕಠಿಣ ಪೈಪೋಟಿ ನೀಡಿದ ಸಮೀರ್ ನಿರಾಶೆಯ ಅನುಭವಿಸಿದರು.
ಇಂದು ನಡೆದ ಮತ್ತೊಂದು ಪುರುಷರ ಪಂದ್ಯದಲ್ಲಿ ಪರುಪಳ್ಳಿ ಕಶ್ಯಪ್ ಥಾಯ್ಲೆಂಡ್ನ ಸಿತ್ತಿಕೊಮ್ ಥಮ್ಮಸಿನ್ ವಿರುದ್ಧ 21-14, 21-13 ರ ನೇರ ಗೇಮ್ಗಳಲ್ಲಿ ಗೆಲುವು ಪಡೆದು ಎರಡನೇ ಸುತ್ತಿಗೆ ಪ್ರವೇಶಿಸಿದರು.
ಆದರೆ ಇವರ ಪತ್ನಿ ಸೈನಾ ನೆಹ್ವಾಲ್ ತಮ್ಮ ಮೊದಲ ಸುತ್ತಿನ ಪಂದ್ಯದಲ್ಲಿ ಚೀನಾದ ಚಾಯ್ ಯಾನ್ ಯಾನ್ ವಿರುದ್ಧ 9-21, 12-21 ರಿಂದ ಸೋಲು ಕಂಡಿದ್ದರು. ಇನ್ನು ಭಾರತದ ಸಿಂಗಲ್ಸ್ ಆಟಗಾರರಾದ ಪಿ ವಿ ಸಿಂಧು, ಕಿಡಂಬಿ ಶ್ರೀಕಾಂತ್, ಹೆಚ್ ಎಸ್ ಪ್ರಣಯ್ ರಾವ್, ತಮ್ಮ ಮೊದಲ ಸುತ್ತಿನ ಪಂದ್ಯದಲ್ಲೇ ಸೋತು ಚೀನಾ ಓಪನ್ನಿಂದ ನಿರ್ಗಮಿಸಿದ್ದಾರೆ.
