ಬರ್ಮಿಂಗ್ಹ್ಯಾಮ್: ವಿಶ್ವ ಚಾಂಪಿಯನ್ ಪಿ ವಿ ಸಿಂಧು ಮಾರ್ಚ್ 17ರಿಂದ ಪ್ರಾರಂಭವಾಗುವ ಪ್ರತಿಷ್ಠಿತ ಆಲ್ ಇಂಗ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಚಾಂಪಿಯನ್‌ಶಿಪ್‌ನಲ್ಲಿ ಭಾಗವಹಿಸಲಿದ್ದಾರೆ. ಈ ಪಂದ್ಯದಲ್ಲಿ ಸ್ವಿಸ್ ಓಪನ್ ಅಂತಿಮ ಹಂತದಲ್ಲಿ ಸೋಲಲು ಕಾರಣವಾದ ಅಂಶಗಳನ್ನು ಗಣನೆಗೆ ತೆಗೆದುಕೊಂಡು ತಯಾರಿ ನಡೆಸಿದ್ದಾರೆ.
ಸ್ಪೇನ್‌ನ ಮೂರು ಬಾರಿ ವಿಶ್ವ ಚಾಂಪಿಯನ್ ಆಗಿರುವ ಕೆರೊಲಿನಾ ವಿರುದ್ಧ ಸಿಂಧು ಸ್ವಿಸ್ ಓಪನ್ನಲ್ಲಿ ಸೋಲುಂಡಿದ್ದರು. ಮಾಜಿ ವಿಶ್ವ ನಂಬರ್ ಒನ್ ಸೈನಾ ನೆಹ್ವಾಲ್ ಅವರು 2015ರಲ್ಲಿ ಆಲ್ ಇಂಗ್ಲೆಂಡ್ ಓಪನ್ ರನ್ನರ್ ಅಪ್ ಆಗಿದ್ದರು.
ಬಳಿಕ, ಸಿಂಧು ಅವರ ಅತ್ಯುತ್ತಮ ಆಟದಿಂದ 2018ರಲ್ಲಿ ಸೆಮಿಫೈನಲ್ ಪ್ರವೇಶ ಪಡೆದಿದ್ದರು. ಆದರೆ, ಇತರ ಭಾರತದ ಶಟ್ಲರ್‌ಗಳು ಯಾರೂ ಈವರೆಗೆ ಪಂದ್ಯಾವಳಿಯಲ್ಲಿ ಮುಂದಕ್ಕೆ ಹೋಗಿಲ್ಲ. ಒಲಿಂಪಿಕ್ ಬೆಳ್ಳಿ ಪದಕ ವಿಜೇತ ಸಿಂಧು ಮತ್ತೆ ಅಗ್ರ ಸ್ಪರ್ಧಿಗಳಲ್ಲಿ ಒಬ್ಬರಾಗಲಿದ್ದಾರೆ. ಆದರೆ, ಕಳೆದ ಎರಡು ವರ್ಷಗಳಲ್ಲಿ ಕೇವಲ ಎರಡು ಕ್ವಾರ್ಟರ್ ಫೈನಲ್ ಪ್ರವೇಶ ಮಾಡಿರುವ ಸೈನಾ ಉತ್ತಮ ಪ್ರದರ್ಶನ ನೀಡಿಲ್ಲ.