ಹೋಟೆಲ್​​ನಲ್ಲಿ ವೆಯ್ಟರ್​​​​​​​​​​​​​​​​​​​​​​​​​​​​​​​​​ ಮೇಲೆ ಕಿಚ್ಚ ಸುದೀಪ್ ಕೋಪಗೊಂಡಿದ್ದೇಕೆ?

ಕಲರ್ಸ್​ ಕನ್ನಡ ಬಿಗ್​ಬಾಸ್ ಹೊಸ ಪ್ರೋಮೋವನ್ನು ಬಿಡುಗಡೆ ಮಾಡಿದ್ದು ತನ್ನ ಅಧಿಕೃತ ಇನ್ಸ್​​​ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದೆ. ಸುದೀಪ್​ ಹೋಟೆಲ್​​​​ ಒಂದರಲ್ಲಿ ಕಾಫಿ ಕುಡಿಯಲು ಹೋದಾಗ ವೆಯ್ಟರ್ ಜೊತೆ ನಡೆಯುವ ಮಾತುಕತೆಯ ಸನ್ನಿವೇಶವನ್ನು ಈ ಪ್ರೋಮೋದಲ್ಲಿ ತೋರಿಸಲಾಗಿದೆ.

ಅಕ್ಟೋಬರ್ 13 ಅಂದರೆ ಇದೇ ಭಾನುವಾರದಿಂದ ಕಿರುತೆರೆಗೆ ಲಗ್ಗೆ ಇಡುತ್ತಿರುವ ಖ್ಯಾತ ರಿಯಾಲಿಟಿ ಶೋ ಬಿಗ್​ಬಾಸ್​ ಸೀಸನ್​ 7 ರತ್ತ ಎಲ್ಲರ ದೃಷ್ಟಿ ಇದೆ. ಎಲ್ಲಿ ಹೋದರೂ ಈ ಬಾರಿ ಬಿಗ್​ಬಾಸ್​ ಮನೆ ಕದ ತಟ್ಟುವವರು ಯಾರು ಎಂಬುದೇ ಚರ್ಚೆ.

ಸುದೀಪ್ ಹೋಟೆಲ್​​​​​​ ಒಂದಕ್ಕೆ ಕಾಫಿ ಕುಡಿಯಲು ಹೋದಾಗ ಸಪ್ಲೈಯರ್ ಮೇಲೆ ಕೋಪಗೊಂಡು 'ಅಕ್ಟೋಬರ್ 13 ರಂದು ಶುರು ಆಗ್ತಿದೆ, ಈ ಬಾರಿ ಎಲ್ಲರೂ ಸೆಲಬ್ರಿಟಿಗಳೇ ಇರ್ತಾರೆ. ಸೀರಿಯಲ್​ನೋರು ಇರ್ತಾರೆ, ಸಿನಿಮಾದೋರೂ ಇರ್ತಾರೆ, ಹುಡುಗಿಯರೂ ಇರ್ತಾರೆ, ಹುಡುಗರೂ ಇರ್ತಾರೆ, ಸೀಕ್ರೇಟ್ ರೂಮ್ ಇದೆ, ಸ್ಟೋರ್ ರೂಮ್ ಇದೆ, ನಡೆಸಿಕೊಡುತ್ತಿರುವುದೂ ನಾನೇ, ಇದು ಸಾಕಾ ಇನ್ನೇನಾದ್ರೂ ಬೇಕಾ ಎಂದು ಒಂದೇ ಉಸಿರಿಗೆ ಹೇಳಿದ್ದಾರೆ. ಅಷ್ಟಕ್ಕೂ ಈ ಡೈಲಾಗ್ ಇರುವುದು ಕಲರ್ಸ್ ಕನ್ನಡ ಬಿಡುಗಡೆ ಮಾಡಿರುವ ಬಿಗ್​​ಬಾಸ್ ಹೊಸ ಪ್ರೋಮೋದಲ್ಲಿ. ಸಾರ್ವಜನಿಕರ ಪ್ರಶ್ನೆಗಳಿಗೆ ಹೈರಾಣಾಗಿರುವ ಕಿಚ್ಚ ಪ್ರಶ್ನೆ ಕೇಳುವ ಮುನ್ನವೇ ಎಲ್ಲವನ್ನೂ ಹೇಳಿ ನಿಟ್ಟುಸಿರು ಬಿಡುವ ಸನ್ನಿವೇಶವನ್ನು ಹೊಸದಾಗಿ ಬಿಡುಗಡೆಯಾಗಿರುವ ಪ್ರೋಮೋದಲ್ಲಿ ಸೃಷ್ಟಿಸಲಾಗಿದೆ.

ಪ್ರೋಮೋದಲ್ಲಿರುವಂತೆ ಹೋಟೆಲ್​ನಲ್ಲಿ ಸ್ನೇಹಿತನೊಂದಿಗೆ ಸುದೀಪ್​ ಕುಳಿತಿದ್ದಾಗ, ಅವರ ಬಳಿ ಬರುವ ವೆಯ್ಟರ್​​​​​,​ ಸರ್...​ ಎಂದು ಹೇಳಿ ಮಾತು ಮುಂದುವರಿಸುವ ಮುನ್ನವೇ ಬಿಗ್​ಬಾಸ್​ ಬಗ್ಗೆಯೇ ಕೇಳುತ್ತಿದ್ದಾರೆ ಎಂದು ಭಾವಿಸಿ ಕಿಚ್ಚ ಮೇಲಿನ ಡೈಲಾಗ್ ಹೇಳುತ್ತಾರೆ. ಅದಕ್ಕೆ ಪ್ರತಿಕ್ರಿಯಿಸುವ ವೆಯ್ಟರ್​​​​, ಅಲ್ಲಾ ಸಾರ್​ ಏನ್​ ತೆಗೆದುಕೊಳ್ಳುತ್ತೀರಾ ಎಂದು ಕೇಳಲು ಬಂದೆ ಎಂದಾಗ ಸುದೀಪ್​ ಸಮಾಧಾನ ಮಾಡಿಕೊಂಡು ನಗುತ್ತಾ, ಎರಡು ಕಾಫಿ ಸಾಕಪ್ಪ ಎನ್ನುತ್ತಾರೆ. ಮತ್ತೆ ಮಾತನಾಡುವ ವೆಯ್ಟರ್​, ಅದೆಲ್ಲಾ ಸರಿ ಸರ್​ ಲಕ್ಷುರಿ ಬಜೆಟ್​ನಲ್ಲಿ ಬಿಯರ್​ ಯಾಕೆ ಕೊಡಲ್ಲ ಎಂದು ಸುದೀಪ್​ಗೆ ಪಂಚಿಂಗ್​​ ಪ್ರಶ್ನೆ ಕೇಳಿದಾಗ ಸುದೀಪ್ ಬೆರಗಾಗುವ ಸನ್ನಿವೇಶವನ್ನು ಈ ಪ್ರೋಮೋದಲ್ಲಿ ತೋರಿಸಲಾಗಿದೆ. ಪ್ರೋಮೋವನ್ನು ಕಲರ್ಸ್​ ಕನ್ನಡ ಅಧಿಕೃತ ಇನ್​ಸ್ಟಾಗ್ರಾಂ, ಫೇಸ್​​​ಬುಕ್​​​​​​ ಖಾತೆಯಲ್ಲಿ ಶೇರ್​ ಮಾಡಿಕೊಂಡಿದೆ.