ಮಧ್ಯದ ಬೆರಳು ತೋರಿಸಿದ್ದರ ಅರ್ಥ ಗೊತ್ತಾಗ್ಬೇಕು.. ಚಕ್ರವರ್ತಿಗೆ ಕ್ಲಾಸ್ ತೆಗೆದುಕೊಂಡ ಸುದೀಪ್

ಮಧ್ಯದ ಬೆರಳು ತೋರಿಸಿ ಮನೆಯ ಒಳಗೂ ಹೊರಗೂ ಕೆಂಗಣ್ಣಿಗೆ ಗುರಿಯಾಗಿದ್ದ ಚಕ್ರವರ್ತಿ ಚಂದ್ರಚೂಡ್​ಗೆ ವಾರಾಂತ್ಯದ ಪಂಚಾಯತ್​ನಲ್ಲಿ ಸುದೀಪ್ ಕ್ಲಾಸ್ ತೆಗೆದುಕೊಂಡರು. ಈ ವೇಳೆ ಸುದೀಪ್, ಚಕ್ರವರ್ತಿ ನಡುವೆ ಸಣ್ಣ ಮಟ್ಟದ ವಾಗ್ವಾದ ನಡೆಯಿತು.

ಬಿಗ್​ ಬಾಸ್​ ಮನೆಯಲ್ಲಿ ಪ್ರಿಯಾಂಕಾ ತಿಮ್ಮೇಶ್​ಗೆ ಮಧ್ಯದ ಬೆರಳು ತೋರಿಸಿ ಪ್ರೇಕ್ಷಕರ ಕಂಗೆಣ್ಣಿಗೆ ಗುರಿಯಾಗಿದ್ದ ಚಕ್ರವರ್ತಿ ಚಂದ್ರಚೂಡ್​ಗೆ ಸುದೀಪ್ ಎಕ್ಸ್​​ಟ್ರಾ ಕ್ಲಾಸ್ ತೆಗೆದುಕೊಂಡಿದ್ದಾರೆ.

ಹೆಣ್ಣು ಮಕ್ಕಳಿಗೆ ಗೌರವ ಕೊಡುತ್ತೇನೆ ಎಂದು ಹೇಳುವ ನೀವು, ಟೀಚರ್ ಹೇಳಿಕೊಡದ ಮಧ್ಯದ ಬೆರಳು ತೋರಿಸಿದ್ದರ ಅರ್ಥ ನನಗೆ ಗೊತ್ತಾಗಬೇಕು ಎಂದು ಸುದೀಪ್ ಒತ್ತಾಯಿಸಿದರು. ಆದರೆ, ಚಕ್ರವರ್ತಿ ಅದು ಪಂಚಭೂತಗಳ ಸನ್ನೆ, ಎಲ್ಲವನ್ನೂ ಸಮತೋಲನ ಮಾಡುತ್ತೇನೆ ಎಂಬುದು ಅರ್ಥ ಎಂದು ಸಮರ್ಥಿಸಿಕೊಂಡರು.

ನಂತರ ಸುದೀಪ್ ಮಾತನಾಡಿ, ಪ್ರತಿ ತಾಯಂದಿರು ಬಂದು ಅದರ ಅರ್ಥ ಕೇಳಿದರೆ ಉತ್ತರ ಏನು ಕೊಡಬೇಕು ಎಂದು ಪ್ರಶ್ನಿಸಿದರು. ಅಲ್ಲದೇ, ನಿಮ್ಮ ಪಕ್ಕದ ಮನೆಯ ಹೆಣ್ಣು ಮಗಳಿಗೆ ಈ ರೀತಿ ಮಾಡಿದರೆ ಏನು ಮಾಡುತ್ತೀರಿ ಎಂದು ಮರುಪ್ರಶ್ನಿಸಿದರು? ಆಗ ಚಕ್ರವರ್ತಿ ಕಪಾಳಕ್ಕೆ ಹೊಡೆಯಬೇಕು ಎಂದರು.

ನಂತರ , ನಾನು ಮಾಡಿದ್ದು ತಪ್ಪಾಯಿತು ಎಂದ ಚಕ್ರವರ್ತಿ, ನಿಮ್ಮ ಬಾಯಲ್ಲಿ ಸ್ತ್ರೀ ಪೀಡಕ, ಸ್ತ್ರಿ ನಿಂದಕ, ಪರಮಪಾಪಿ ಆಗಿದ್ದೇನೆ ಎಂದು ಬೇಸರ ವ್ಯಕ್ತಪಡಿಸಿದರು. ಆಗ ಸುದೀಪ್, ಟಾಸ್ಕ್ ವಿಷಯ ಮಾತನಾಡೋಣ, ನೀವು ಈ ವಾರ ಅತ್ಯುತ್ತಮವಾಗಿ ಆಟವಾಡಿದ್ದೀರ ಹಾಗೂ ಮಾತು ಕೂಡ ಕಡಿಮೆ ಮಾಡಿದ್ದೀರಾ ಎಂದರು. ಆಗ ಚಕ್ರವರ್ತಿ, ಅಪರೂಪಕ್ಕೊಮ್ಮೆ ನನ್ನ ಬಗ್ಗೆ ಒಳ್ಳೆಯ ಮಾತುಗಳನ್ನು ಆಡಿದ್ದೀರಾ ಎಂದರು.

ಅದಕ್ಕೆ ಸುದೀಪ್, ನೀವು ಮಾಡಿದ್ದನ್ನು ಬೇಜಾರು ಮಾಡಿಕೊಂಡು ಹೇಳದೆ ತುಪ್ಪ ಸವರಿ ಹೇಳಬೇಕಾ ಎಂದು ಪ್ರಶ್ನಿಸಿದರು. ಹೀಗೆ ಚಕ್ರವರ್ತಿ ಬೆರಳು ತೋರಿಸಿದ್ದು, ದೊಡ್ಮನೆಯಲ್ಲಿ ವಾಗ್ವಾದಕ್ಕೆ ಕಾರಣವಾಯ್ತು.