ಹಿಂದಿಯ ಬಿಗ್‌ ಬಾಸ್ ಸೀಸನ್​-13ರ ಕಿರೀಟ ಸಿದ್ಧಾರ್ಥ್ ಶುಕ್ಲಾ ಮುಡಿಗೆ..

ಹಿಂದಿಯ 'ದಿಲ್​ ಸೆ ದಿಲ್ ತಕ್​' ಧಾರಾವಾಹಿಯಲ್ಲಿ ನಾಯಕನಾಗಿ ನಟಿಸಿ ಪ್ರೇಕ್ಷಕರ ಮನಗೆದ್ದಿದ್ದ ಸಿದ್ಧಾರ್ಥ್ ಶುಕ್ಲಾ ಹಿಂದಿಯ ರಿಯಾಲಿಟಿ ಶೋ ಬಿಗ್​ ಬಾಸ್ ಸೀಸನ್​-13ರ ವಿಜೇತರಾಗಿ ಹೊರಹೊಮ್ಮಿದ್ದಾರೆ.

ಬಾಲಿವುಡ್ ನಟ​ ಸಲ್ಮಾನ್​ ಖಾನ್​ ನಿರೂಪಣೆಯಲ್ಲಿ ಮೂಡಿ ಬರುತ್ತಿದ್ದ ಹಿಂದಿಯ ರಿಯಾಲಿಟಿ ಶೋ ಬಿಗ್​ ಬಾಸ್ ಸೀಸನ್​-13ರ ವಿಜೇತರಾಗಿ ಸಿದ್ಧಾರ್ಥ್ ಶುಕ್ಲಾ ಹೊರಹೊಮ್ಮಿದ್ದಾರೆ.

ಹಿಂದಿಯ 'ದಿಲ್​ ಸೆ ದಿಲ್ ತಕ್​' ಧಾರಾವಾಹಿಯಲ್ಲಿ ನಾಯಕನಾಗಿ ನಟಿಸಿ ಪ್ರೇಕ್ಷಕರ ಮನಗೆದ್ದಿದ್ದ ಸಿದ್ಧಾರ್ಥ್ ಶುಕ್ಲಾ, ಬಿಗ್​ ಬಾಸ್​ನ ಟ್ರೋಫಿ ಹಾಗೂ 40 ಲಕ್ಷ ರೂ. ನಗದನ್ನು ಬಹುಮಾನವಾಗಿ ಪಡೆದಿದ್ದಾರೆ.

ಶನಿವಾರ ನಡೆದ ಗ್ರ್ಯಾಂಡ್ ಫಿನಾಲೆಯಲ್ಲಿ ಬಿಗ್​ ಬಾಸ್ ಮನೆಯ ರಾಮ-ಲಕ್ಷ್ಮಣ ಎಂದು ಕರೆಯಿಸಿಕೊಂಡ ಬಳಿಕ ದೂರವಾಗಿದ್ದ ಸಿದ್ಧಾರ್ಥ್ ಶುಕ್ಲಾ ಹಾಗೂ ಆಸಿಮ್​ ರಿಯಾಜ್​ ನಡುವೆ ಅಂತಿಮ ಪೈಪೋಟಿ ನಡೆದಿತ್ತು. ಅಂತಿಮವಾಗಿ ಸಿದ್ಧಾರ್ಥ್ ಶುಕ್ಲಾ ಗೆಲುವಿನ ನಗೆ ಬೀರಿದ್ದು, ಆಸಿಮ್​ ರಿಯಾಜ್​ ರನ್ನರ್​ ಅಪ್​ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಂಡಿದ್ದಾರೆ.