'ಬಾ ಬಾ ನೀ ವೋಟ್ ಹಾಕು ಬಾ' ....ಗೀತೆಗೆ ರಾಜ್ ಮಹಿ ಸಾಹಿತ್ಯ ಬರೆದು ನಿರ್ದೇಶನ ಮಾಡಿದ್ದಾರೆ. ರ‍್ಯಾಪ್ ಶೈಲಿಯ ಈ ಸಾಂಗ್ಗೆಸಂಗೀತ ನಿರ್ದೇಶಕ ಜೇಮ್ಸ್ ಮೈಕಲ್ರಾಗ ಸಂಯೋಜನೆ ಮಾಡಿದ್ದಾರೆ . ಛಾಯಾಗ್ರಹಕ ವಿಜಯ್ ಉತ್ತರ ಕರ್ನಾಟಕದ ಕೆಲವು ಸ್ಥಳಗಳನ್ನು ಸೆರೆ ಹಿಡಿದಿದ್ದಾರೆ. ಈ ಹಾಡಿಗೆ ಬಾಬಾ ರಾಮ್ ದೇವ್, ಅಶೋಕ್ ಹಾರನಹಳ್ಳಿ, ನಟ ಅನಿರುಧ್, ಚಂದ್ರಶೇಖರ್ ಬಂಡಿಯಪ್ಪ, ಅರುಣ ಬಲರಾಜ್, ಸುನೇತ್ರ ಪಂಡಿತ್ ಹಾಗೂ ಇತರರು ಕಾಣಿಸಿಕೊಂಡಿದ್ದಾರೆ.
'ಬಾ ಬಾ ನೀ ವೋಟ್ ಹಾಕು ಬಾ'....ಸದ್ದು ಮಾಡ್ತಿದೆ ಹುಬ್ಬಳ್ಳಿ ಹುಡುಗರ ರ‍್ಯಾಪ್ ಸಾಂಗ್ - ರ‍್ಯಾಪ ಸಾಂಗ್
ಲೋಕಸಭೆ ಚುನಾವಣೆ ಕಾವು ರಂಗೇರಿದೆ. ಎಲೆಕ್ಷನ್ ಸಂಬಂಧಿ ಟ್ರೋಲ್ ವಿಡಿಯೋ, ಪೋಸ್ಟರ್ಗಳು ಸೋಷಿಯಲ್ ಮೀಡಿಯಾದಲ್ಲಿ ಭರ್ಜರಿಯಾಗೇ ಹರಿದಾಡುತ್ತಿವೆ. ಇವುಗಳ ನಡುವೆ ಒಂದು ಜವಾಬ್ದಾರಿಯುತ ವೀಡಿಯೋ ಹಾಡನ್ನು 'ರೆಡ್ ಎಫ್ಎಂ ಹುಬ್ಬಳ್ಳಿ' ಸಿದ್ದಪಡಿಸಿದೆ.
ಬಾ ಬಾ ನೀ ವೋಟ್ ಹಾಕು ಬಾ ಸಾಂಗ್
ಈ ಹಾಡಿನ ಉದ್ದೇಶ ಜನ ಮತಗಟ್ಟೆಗೆ ಬಂದು ತಪ್ಪದೇ ವೋಟ್ ಹಾಕುವುದಾಗಿದೆ. ಕಳೆದ ರಾಜ್ಯ ವಿಧಾನಸಭಾ ಚುನಾವಣೆಗೆ ಯೋಗರಾಜ ಭಟ್ಟರಿಂದ ಚುನಾವಣಾ ಅಧಿಕಾರಿಗಳು ಒಂದು ಹಾಡು ಬರೆಸಿದ್ದರು. ಅದನ್ನು ವೀಡಿಯೋ ಮುಖಾಂತರ ಸಹ ಬಿಡುಗಡೆ ಮಾಡಲಾಗಿತ್ತು. ಈ ಬಾರಿ ಚುನಾವಣಾ ಆಯೋಗ ಯಾವುದೇ ಹಾಡು ಬಿಡುಗಡೆ ಮಾಡಿಲ್ಲ. ಆದ್ದರಿಂದ ವೋಟಿನ ಮಹತ್ವ ಸಾರಲು ‘ಬಾ ಬಾ ನೀ ವೋಟ್ ಹಾಕು ಬಾ' ಸಾಂಗ್ ರೆಡಿಯಾಗಿದೆ.