ಮಹಿಳಾ ಶಿಕ್ಷಣಕ್ಕೆ ಒತ್ತುಕೊಟ್ಟ ಮೈಸೂರು ಮಹಾರಾಣಿ ನೆನಪಿಸಿದ ರಂಜನಿ ರಾಘವನ್

ವಿಭಿನ್ನವಾಗಿ ಫೋಟೋಶೂಟ್ ಮಾಡಿಸಿಕೊಂಡಿರುವ ರಂಜನಿ ರಾಘವನ್, ಮೈಸೂರು ಮಹಾಸಂಸ್ಥಾನದ ಮಹಾರಾಣಿ ಕೆಂಪನಂಜಮ್ಮಣ್ಣಿ ಅವರ ನೆನಪನ್ನು ಮರುಕಳಿಸಿದ್ದಾರೆ.

ಮೈಸೂರು ಮಹಾಸಂಸ್ಥಾನದಲ್ಲಿ ಆಳಿದ ಮಹಾರಾಜರುಗಳ ಹೆಸರುಗಳ ಜೊತೆಗೆ ಕೇಳಿಬರುವ ಮತ್ತೊಂದು ಹೆಸರು ಮಹಾರಾಣಿ ಕೆಂಪನಂಜಮ್ಮಣ್ಣಿ ವಾಣಿವಿಲಾಸ ಸನ್ನಿಧಾನ. ಹೌದು, ಮೈಸೂರು ರಾಜ್ಯದ ಏಳಿಗೆಗಾಗಿ ಶ್ರಮಿಸಿದ ಮಹನೀಯರುಗಳಲ್ಲಿ ಮಹಾರಾಣಿ ಕೆಂಪನಂಜಮ್ಮಣ್ಣಿ ಅವರು ಕೂಡ ಒಬ್ಬರು.

ಮೈಸೂರು ಮಹಾರಾಣಿಯರ ನೆನಪಿಸಿದ ರಂಜನಿ ರಾಘವನ್

ಪ್ರಪ್ರಥಮ ಬಾರಿಗೆ ಮಹಿಳೆಯರಿಗೂ ಶಿಕ್ಷಣ ನೀಡಬೇಕೆಂಬ ಉದ್ದೇಶದಿಂದ ಮೈಸೂರಿನಲ್ಲಿ ಮಹಾರಾಣಿ ಕಾಲೇಜು ಆರಂಭಿಸಿದರು. ಅಲ್ಲದೇ, ಮೈಸೂರು ರಾಜ್ಯದ ಜನತೆಗೆ ಕುಡಿಯುವ ನೀರು ಒದಗಿಸುವ ಸಲುವಾಗಿ ಕೈಗೊಂಡ ಯೋಜನೆಗಳಿಗೆ ಹಣ ಸಾಕಾಗದೇ ಬಂದ ಸಂದರ್ಭದಲ್ಲಿ ತಮ್ಮ ಒಡವೆಗಳನ್ನು ನೀಡಿ ಯೋಜನೆಯನ್ನು ಪೂರ್ಣಗೊಳಿಸಿದ್ದಾರೆ.

ಇಂತಹ ಮಹನೀಯರನ್ನು ವಿಶೇಷವಾಗಿ ನೆನಪಿಸು ನೆನಪಿಸಿಕೊಳ್ಳುವ ವಿಶೇಷ ಸಂದರ್ಭವನ್ನು ಕನ್ನಡತಿ ಧಾರಾವಾಹಿ ನಾಯಕಿ ರಂಜನಿ ರಾಘವನ್ ಸಾಧ್ಯವಾಗಿಸಿದ್ದಾರೆ. ವಿಭಿನ್ನವಾಗಿ ಫೋಟೋಶೂಟ್ ಮಾಡಿಸಿಕೊಂಡಿರುವ ರಂಜನಿ ರಾಘವನ್ ಅವರು ಇದರ ಹಿನ್ನೆಲೆ ಹಾಗೂ ಇದರ ಉದ್ದೇಶವನ್ನು ಸ್ವತಃ ವಿವರಿಸಿದ್ದಾರೆ.