ಬಿಗ್ ಬಾಸ್ ಕನ್ನಡ ಸೀಸನ್ 8ರ ಎಂಟನೇ ವಾರದ ಮನೆಯ ಕ್ಯಾಪ್ಟನ್ ಆಗಿ ರಘು ಆಯ್ಕೆ ಆಗಿದ್ದಾರೆ. ಈ ವಾರ ಬಿಗ್ ಬಾಸ್ ನೀಡಿದ್ದ ಟಾಸ್ಕ್ ವಿಶೇಷವಾಗಿತ್ತು.
ಗಾರ್ಡನ್ ಏರಿಯಾದಲ್ಲಿ ಹೂವಿನ ಮಳೆ ಆಗುತ್ತದೆ. ಸ್ಪರ್ಧಿಗಳು ಹೂವನ್ನು ಸಂಗ್ರಹಿಸಬೇಕು. ಹೆಚ್ಚು ಹೂವಿದ್ದವರು ಕ್ಯಾಪ್ಟನ್ ಆಗುತ್ತಾರೆ. ಕ್ಯಾಪ್ಟನ್ಸಿ ಟಾಸ್ಕ್ನಲ್ಲಿದ್ದ ಮಂಜು, ರಾಜೀವ್, ರಘು ಗೌಡ ಹಾಗೂ ಪ್ರಶಾಂತ್ ಹೂವನ್ನು ಸಂಗ್ರಹಿಸಲು ಮುಂದಾದರು. ನಂತರ ಇದಕ್ಕೆ ಮನೆಯವರ ಸಹಾಯ ಕೂಡ ಪಡೆಯಬಹುದು ಎನ್ನುವ ಆದೇಶ ಬಂತು. ಆಗ ಅರವಿಂದ್, ವೈಷ್ಣವಿ ಮೊದಲಾದವರು ರಘುಗೆ ಸಹಾಯ ಮಾಡಿದರು. ಕೊನೆಯಲ್ಲಿ ಅಚ್ಚರಿ ಎಂಬಂತೆ ಪ್ರಶಾಂತ್ ತಾವು ಸಂಗ್ರಹಿಸಿದ್ದ ಹೂವನ್ನು ರಘು ಗೌಡಗೆ ನೀಡಿದರು. ಈ ಮೂಲಕ ರಘು ಕ್ಯಾಪ್ಟನ್ ಆಗೋಕೆ ಸಹಾಯ ಮಾಡಿದರು.
ನಂತರ ಮಾತನಾಡಿದ ಪ್ರಶಾಂತ್, ಗುಂಪುಗಾರಿಕೆ ಮಾಡಿಕೊಂಡು ಆಡುವ ಮಂಜು ಹಾಗೂ ರಾಜೀವ್ಗೆ ಒಂದು ಪಾಠ ಕಲಿಸಬೇಕಿತ್ತು. ಆ ಪಾಠವನ್ನು ನಾನು ಕಲಿಸಿದ್ದೇನೆ ಎಂದು ಹೆಮ್ಮೆಯಿಂದ ಹೇಳಿಕೊಂಡರು. ರಾಜೀವ್, ಪ್ರಶಾಂತ್, ರಘು, ಮಂಜು ಆದರೆ ರಾಜೀವ್ ಈ ಬಗ್ಗೆ ಅಪಸ್ವರ ಎತ್ತಿದರು. ಅದಕ್ಕೆ ಪ್ರಶಾಂತ್, ಅರವಿಂದ್ ಬಳಿ ಬಂದು ಮನೆಯ ಯಾವುದೇ ಸದಸ್ಯರು ಸಹಾಯ ಮಾಡಬಹುದು ಎಂಬ ಆದೇಶ ಇರುವುದರಿಂದ ನಾನು ರಘುಗೆ ಸಹಾಯ ಮಾಡಿದ್ದೇನೆ. ಎಲ್ಲರೂ ಕ್ಯಾಪ್ಟನ್ ಆಗಿದ್ದಾರೆ. ರಘು ಒಮ್ಮೆ ಆಗಲಿ, ರಾಜೀವ್ಗೆ ಗೋಲ್ಡನ್ ಪಾಸ್ ಇದೆ ಎಂದು ಹೇಳಿದರು. ಅದಕ್ಕೆ ಅರವಿಂದ್ ಸಮ್ಮತಿ ಸೂಚಿಸಿದರು. ನಂತರ, ರಘು ಕ್ಯಾಪ್ಟನ್ ಆದರು.
ಟಾಸ್ಕ್ ಆಡುತ್ತಿರುವ ಬಿಗ್ ಬಾಸ್ ಸ್ಪರ್ಧಿಗಳು ಕ್ಯಾಪ್ಟನ್ ಆದ ಬಳಿಕ ರಘು ಅವರ ಪತ್ನಿ ಕರೆ ಮಾಡಿ ಸಂತಸ ವ್ಯಕ್ತಪಡಿಸಿದರು. ‘ಚೆನ್ನಾಗಿ ಆಟ ಆಡುತ್ತೀದ್ದೀರಾ. ನಿಮ್ಮನ್ನು ಫಿನಾಲೆಯಲ್ಲಿ ನೋಡಲು ಬಯಸುತ್ತೇನೆ. ನಿಮ್ಮ ಎಲ್ಲ ಮಾತುಗಳನ್ನು ಸ್ಫೋರ್ಟಿವ್ ಆಗಿ ತೆಗೆದುಕೊಳ್ಳುತ್ತಿದ್ದೇನೆ. ಐ ಮಿಸ್ ಯು’ ಎಂದರು. ರಘು ತಮ್ಮ ಮಗನ ವಾಯ್ಸ್ ಬರಲಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು.
