ಕುಲವಧು ಧಾರಾವಾಹಿಯಲ್ಲಿ ವಿಲನ್ ಕಾಂಚನಾ ಆಗಿ ನಟಿಸಿ ಕಿರುತೆರೆ ಲೋಕದಲ್ಲಿ ಹೊಸ ಹವಾ ಸೃಷ್ಟಿಸಿದ್ದ ಸುಪ್ರೀತಾ ಶೆಟ್ಟಿ ಎಲ್ಲೇ ಹೋದರೂ ಜನ ಅವರನ್ನು ಗುರುತಿಸುವುದು ಕಾಂಚನಾಳಾಗಿ. ವಿಲನ್ ಆಗಿ ಮೋಡಿ ಮಾಡಿದ್ದ ಸುಪ್ರೀತಾ ಶೆಟ್ಟಿ ಕಳೆದ ವರ್ಷ ನವೆಂಬರ್ 20 ರಂದು ಗಂಡು ಮಗುವಿಗೆ ಜನ್ಮ ನೀಡಿದ್ದ ವಿಚಾರ ಎಲ್ಲರಿಗೂ ತಿಳಿದೇ ಇದೆ.
ಇದೀಗ ತಮ್ಮ ಮುದ್ದು ಮಗನಿಗೆ ಏಳು ತಿಂಗಳುಗಳು ತುಂಬಿದ್ದು, ಸುಪ್ರೀತಾ ಇದೇ ಮೊದಲ ಬಾರಿಗೆ ತಮ್ಮ ರಾಜಕುಮಾರನ ಫೋಟೋವನ್ನು ರಿವೀಲ್ ಮಾಡಿದ್ದಾರೆ. ಸುಪ್ರೀತಾ ಶೆಟ್ಟಿ ಮತ್ತು ಪ್ರಮೋದ್ ಶೆಟ್ಟಿ ದಂಪತಿಯ ಮುದ್ದಿನ ಮಗನನ್ನು ಕಂಡು ವೀಕ್ಷಕರು ಫಿದಾ ಆಗುವುದಂತೂ ಗ್ಯಾರಂಟಿ.
ಸುಪ್ರೀತಾ - ಪ್ರಮೋದ್ ಶೆಟ್ಟಿ ಮಗ ಮನ್ವಿತ್ ಈ ಕುರಿತಂತೆ 'ಈಟಿವಿ ಭಾರತ' ಜೊತೆ ಮಾತನಾಡಿದ ಸುಪ್ರೀತಾ ಕೆಲವೊಂದು ವಿಷಯಗಳನ್ನು ಹಂಚಿಕೊಂಡಿದ್ದಾರೆ.
ಹೆಸರಿಟ್ಟಿದ್ದು ಮಗಳು ಇಬ್ಬನಿ!
ಸುಪ್ರೀತಾ ಅವರ ಮಗನ ಹೆಸರು ಮನ್ವಿತ್ ಶೆಟ್ಟಿ. ಅಂದ ಹಾಗೇ ಈ ಹೆಸರನ್ನು ಇಟ್ಟಿದ್ದು ಬೇರಾರೂ ಅಲ್ಲ, ಸುಪ್ರೀತಾ ಅವರ ಹಿರಿ ಮಗಳು ಇಬ್ಬನಿ. ಮನ್ವಿತ್ ಎಂದು ಹೆಸರಿಡೋಣ ಎಂದು ಮಗಳು ಇಬ್ಬನಿ ಹೇಳಿದಾಗ ಹಿಂದು ಮುಂದು ನೋಡದೇ ಅಸ್ತು ಎಂದ ಸುಪ್ರೀತಾ-ಪ್ರಮೋದ್ ದಂಪತಿ ಸದ್ಯ ಮುದ್ದು ಮಕ್ಕಳೊಂದಿಗೆ ಕಾಲ ಕಳೆಯುತ್ತಿದ್ದಾರೆ.
ಸುಪ್ರೀತಾ - ಪ್ರಮೋದ್ ಶೆಟ್ಟಿ ಮಗ ಮನ್ವಿತ್
ಮುದ್ದು ರಾಜಕುಮಾರ ಮನ್ವಿತ್ ನಮ್ಮ ಮನೆಯ ಮುದ್ದಿನ ಮೊಮ್ಮಗ. ಯಾಕೆಂದರೆ ನಮ್ಮ ಮನೆಯಲ್ಲಿರುವ ಆರು ಜನ ಮೊಮ್ಮಕ್ಕಳ ಪೈಕಿ ಐದು ಜನ ಹೆಣ್ಣು ಮೊಮ್ಮಕ್ಕಳು. ಮನ್ವಿತ್ ಮಾತ್ರ ಮೊಮ್ಮಗ. ಆದ ಕಾರಣ ಅವನ ಮೇಲೆ ಎಲ್ಲರಿಗೂ ಒಂದು ರೀತಿಯ ವಿಶೇಷ ಪ್ರೀತಿ ಇದೆ. ಅದರಲ್ಲೂ ನಮ್ಮ ಮಾವನಿಗಂತೂ ಇವನು ಬಹು ಪ್ರೀತಿಯ ಮೊಮ್ಮಗ ಎನ್ನುತ್ತಾರೆ ಸುಪ್ರೀತಾ.
ಸುಪ್ರೀತಾ - ಪ್ರಮೋದ್ ಶೆಟ್ಟಿ ಮಗ ಮನ್ವಿತ್ ಇಬ್ಬನಿ ಅಕ್ಕ ಮಾತ್ರವಲ್ಲ, ಸೆಕೆಂಡ್ ಮದರ್ ಕೂಡ:ತಮ್ಮ ಮನ್ವಿತ್ ಅನ್ನು ಇಬ್ಬನಿ ಬಹಳ ಚೆನ್ನಾಗಿ ನೋಡಿಕೊಳ್ಳುತ್ತಾಳೆ. ತಮ್ಮನಿಗೆ ಏನು ಆಗದಂತೆ ಸದಾ ಕಾಲ ಅವನೊಂದಿಗೆ ಇರುವ ಆಕೆ ಬಹಳ ಪ್ರೀತಿ ಅಕ್ಕರೆಯಿಂದ ನೋಡಿಕೊಳ್ಳುತ್ತಾಳೆ. ಅಷ್ಟೇ ಅಲ್ಲದೇ, ತಮ್ಮ ಸ್ವಲ್ಪ ಅತ್ತರೂ ಕೂಡಾ ಸಹಿಸಲಾರದ ಆಕೆ ಕೂಡಾ ಅವನೊಂದಿಗೆ ಅತ್ತು ಬಿಡುತ್ತಾಳೆ ಎಂದು ಅಕ್ಕ-ತಮ್ಮನ ಬಾಂಧವ್ಯದ ಬಗ್ಗೆ ಸಂತಸದಿಂದ ಹೇಳುತ್ತಾರೆ ಸುಪ್ರೀತಾ. ಸುಪ್ರೀತಾ - ಪ್ರಮೋದ್ ಶೆಟ್ಟಿ ಮಗ ಮನ್ವಿತ್ ಇನ್ನು ಒಂದು ಮುಖ್ಯವಾದ ವಿಚಾರವೆಂದರೆ ನನ್ನ ಇಬ್ಬರು ಮಕ್ಕಳು ಇಂದು ನನ್ನ ಅಮ್ಮನ ಆರೈಕೆಯಲ್ಲಿ ಬೆಳೆಯುತ್ತಿದ್ದಾರೆ. ನಾನು ಮತ್ತು ತಂಗಿ ಅಮ್ಮನ ಆರೈಕೆಯಲ್ಲಿ ಬೆಳೆದಂತೆ ಇಂದು ನನ್ನ ಮಕ್ಕಳು ಕೂಡಾ ಅವರ ಆರೈಕೆಯಲ್ಲಿ ಬೆಳೆಯುತ್ತಿರುವುದು ನನಗೆ ತುಂಬಾ ಖುಷಿ ನೀಡಿದೆ. ನನ್ನ ಮಗಳಿಗೆ ಎಂಟು ತಿಂಗಳಿದ್ದಾಗ ನನಗೆ ಕುಲವಧು ಧಾರಾವಾಹಿಯಲ್ಲಿ ನಟಿಸುವ ಅವಕಾಶ ದೊರಕಿತು. ನಟನೆಯತ್ತ ನಾನು ವಾಲಿದಾಗ ಅಮ್ಮನೇ ಮುಂದೆ ನಿಂತು ಇಬ್ಬನಿಯನ್ನು ನೋಡಿಕೊಂಡು, ಚೆನ್ನಾಗಿ ಬೆಳೆಸಿದರು. ಇದೀಗ ಮಗನ ಸರದಿ. ನನ್ನ ಜೀವನದ ಪ್ರತಿ ಹಂತದಲ್ಲೂ ನನ್ನ ಜೊತೆಗಿರುವ ಅಮ್ಮನಿಗೆ ನಾನು ಅದೆಷ್ಟು ಥ್ಯಾಂಕ್ಸ್ ಹೇಳಿದರೂ ಕಡಿಮೆ ಎನ್ನುತ್ತಾರೆ ಸುಪ್ರೀತಾ ಪ್ರಮೋದ್. ಸುಪ್ರೀತಾ- ಪ್ರಮೋದ್ ಶೆಟ್ಟಿ ಕುಟುಂಬ ಸುಪ್ರೀತಾ- ಪ್ರಮೋದ್ ಶೆಟ್ಟಿ ಕುಟುಂಬ ಸದ್ಯ ನಟನಾ ಪ್ರಪಂಚದಿಂದ ದೂರವಿರುವ ಸುಪ್ರೀತಾ ಅವರು ಕೂಡಾ ಮುದ್ದು ಮಗನ ಲಾಲನೆ ಪಾಲನೆಯಲ್ಲಿ ಬ್ಯುಸಿಯಾಗಿದ್ದಾರೆ.
