ಖ್ಯಾತ ನಿರೂಪಕ ನಿರಂಜನ್ ದೇಶಪಾಂಡೆ ಒಂದು ವರ್ಷದ ಗ್ಯಾಪ್ ನಂತರ ಮತ್ತೆ ನಿರೂಪಣೆಗೆ ಮರಳಿದ್ದಾರೆ. ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಇದೇ ವಾರಾಂತ್ಯದಂದು ಪ್ರಸಾರವಾಗಲಿರುವ 'ಪ್ರೇಮೋತ್ಸವ' ಎಂಬ ವಿಶೇಷ ಕಾರ್ಯಕ್ರಮವನ್ನು ನಿರಂಜನ್ ದೇಶಪಾಂಡೆ ನಿರೂಪಣೆ ಮಾಡಲಿದ್ದಾರೆ.
ಹೊಸ ಕಾರ್ಯಕ್ರಮವನ್ನು ನಿರೂಪಣೆ ಮಾಡುತ್ತಿರುವ ನಿರಂಜನ್ ದೇಶಪಾಂಡೆ - Star Suvarna new Program
ತುತ್ತಾ ಮುತ್ತಾ ಸೀಸನ್ 2 ನಂತರ ನಿರೂಪಕ ನಿರಂಜನ್ ದೇಶಪಾಂಡೆ ಹೊಸ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಿರಲಿಲ್ಲ. ಇದೀಗ ಅವರು ಪ್ರೇಮೋತ್ಸವ ಎಂಬ ಕಾರ್ಯಕ್ರಮ ನಡೆಸಿಕೊಡುತ್ತಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಸೆಲಬ್ರಿಟಿಗಳು ಭಾಗವಹಿಸಲಿದ್ದಾರೆ.
ನಿರಂಜನ್ ದೇಶಪಾಂಡೆ
ಇದನ್ನೂ ಓದಿ:ವಿದ್ಯುಲ್ಲೇಖ ಹೊಸ ಫೋಟೋಗಳನ್ನು ನೋಡಿ ಶಾಕ್ ಆದ ಅಭಿಮಾನಿಗಳು
ಪ್ರೇಮಿಗಳ ದಿನದ ಸಂಭ್ರಮದಂದು ನಿರಂಜನ್ 'ಪ್ರೇಮೋತ್ಸವ' ಕಾರ್ಯಕ್ರಮವನ್ನು ನಡೆಸಿಕೊಡಲಿದ್ದು ಪ್ರೇಮವನ್ನು ಸಂಭ್ರಮ ಪಡುವಂತಹ ಕಾರ್ಯಕ್ರಮ ಇದಾಗಿದೆ. ಕಿರುತೆರೆ, ಹಿರಿತೆರೆ ಸೆಲಬ್ರಿಟಿಗಳು ಈ ಶೋನಲ್ಲಿ ಭಾಗವಹಿಸಲಿದ್ದಾರೆ. ಕಿಶನ್ ಬೆಳಗಲಿ , ನೇಹಾ ಗೌಡ , ಶೈನ್ ಶೆಟ್ಟಿ ,ಅನುಪಮಾ ಗೌಡ , ಶ್ವೇತಾ ಶ್ರೀವಾತ್ಸವ್ ಹಲವರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಇತ್ತೀಚೆಗಷ್ಟೇ ಸೂಪರ್ ಸ್ಟಾರ್, ಬೊಂಬಾಟ್ ಭೋಜನ ಶೋಗಳಲ್ಲಿ ಭಾಗವಹಿಸಿದ್ದ ನಿರಂಜನ್, ಪ್ರೇಮಿಗಳ ದಿನದ ಪ್ರೇಮೋತ್ಸವ ಕಾರ್ಯಕ್ರಮದ ಮೂಲಕ ಮತ್ತೆ ನಿರೂಪಕ ಆಗಿ ಮರಳಿದ್ದಾರೆ. ನಿರಂಜನ್ ಅವರಿಗೆ ಶಾಲಿನಿ ಸಾಥ್ ಕೊಡಲಿದ್ದಾರೆ. ಲಾಕ್ಡೌನ್ಗೂ ಮುನ್ನ ನಿರಂಜನ್ 'ತುತ್ತಾ ಮುತ್ತಾ -2' ಸೀಸನ್ ನಡೆಸಿಕೊಡುತ್ತಿದ್ದರು.ಈ ಕಾರ್ಯಕ್ರಮದಲ್ಲಿ ಸೆಲೆಬ್ರಿಟಿಗಳು ತಮ್ಮ ಜೀವನಸಂಗಾತಿ ಹಾಗೂ ಅಮ್ಮನೊಂದಿಗೆ ಭಾಗವಹಿಸುತ್ತಿದ್ದರು. ಈ ಕಾರ್ಯಕ್ರಮದ ಜೊತೆಗೆ ನಿರಂಜನ್ ಇನ್ನಿತರ ಈವೆಂಟ್ಸ್ ಹಾಗೂ ವಾಹಿನಿಗಳಲ್ಲಿ ವಿಶೇಷ ಸಂಚಿಕೆಗಳನ್ನು ನಿರೂಪಣೆ ಮಾಡಿದ್ದಾರೆ. ಸದ್ಯ ಚಿಕ್ಕಮಗಳೂರಿನಲ್ಲಿರುವ ತಮ್ಮ ರೆಸಾರ್ಟ್ ಕೆಲಸಗಳಲ್ಲಿ ತೊಡಗಿಸಿಕೊಂಡಿರುವ ನಿರಂಜನ್ ಲಾಕ್ಡೌನ್ ದಿನಗಳಲ್ಲಿ ರೆಸಾರ್ಟ್ನಲ್ಲಿ ತಂಗಿದ್ದರು.