ಡಿಸೆಂಬರ್​ ನನಗೆ ಬಹಳ ವಿಶೇಷವಾದ ತಿಂಗಳು...ನಯನಾ ವೆಂಕಟೇಶ್

2 ವರ್ಷಗಳ ಹಿಂದೆ ಡಿಸೆಂಬರ್​​ನಲ್ಲಿ ನಾನು ತಾಯಿ ಆಗುತ್ತಿರುವ ವಿಚಾರ ನನಗೆ ತಿಳಿಯಿತು. ಈ ವಿಷಯವನ್ನು ನಾನು ಬಹಳ ಎಂಜಾಯ್ ಮಾಡಿದ್ದೆ. ಆದ್ದರಿಂದ ಡಿಸೆಂಬರ್ ತಿಂಗಳು ನನಗೆ ಬಹಳ ವಿಶೇಷ ಎಂದು ನಟಿ ನಯನಾ ವೆಂಕಟೇಶ್ ಹೇಳಿಕೊಂಡಿದ್ದಾರೆ.

'ಸತ್ಯಂ ಶಿವಂ ಸುಂದರಂ' ಧಾರಾವಾಹಿಯಲ್ಲಿ ಖಳನಾಯಕಿ ತಾಪ್ಸಿ ಆಗಿ ಅಭಿನಯಿಸುತ್ತಿದ್ದ ನಯನಾ ವೆಂಕಟೇಶ್ ಸದ್ಯ ತಾಯ್ತನದ ಸುಂದರ ಕ್ಷಣಗಳನ್ನು ಸವಿಯುತ್ತಿದ್ದಾರೆ. ಸದ್ಯಕ್ಕೆ ನಟನೆಯಿಂದ ದೂರವಿರುವ ನಯನಾ ವೆಂಕಟೇಶ್ ತನ್ನ ಮುದ್ದು ಮಗ ಪ್ರಯಾನ್ ಭಾರಧ್ವಾಜ್ ಜೊತೆಗೆ ಕಾಲ ಕಳೆಯುತ್ತಿದ್ದಾರೆ. ಮಗನ ಆರೈಕೆಗಾಗಿ ಅವರು ಕಿರುತೆರೆಯಿಂದ ದೂರ ಉಳಿದಿದ್ದಾರೆ.

ಕಿರುತೆರೆ ನಟಿ ನಯನಾ

ಮಗ ಪ್ರಯಾನ್ ಭಾರಧ್ವಾಜ್ ಜೊತೆಗೆ ಕಾಲ ಕಳೆಯುತ್ತಿರುವ ನಯನಾ ವೆಂಕಟೇಶ್ ಇನ್ಸ್ಟಾಗ್ರಾಮ್​​​ನಲ್ಲಿ ಬಹಳ ಆ್ಯಕ್ಟೀವ್ ಆಗಿದ್ದಾರೆ. ಮಗನ ಫೋಟೋಗಳು ಹಾಗೂ ವಿಡಿಯೋಗಳೊಂದಿಗೆ ಒಂದಷ್ಟು ಉಪಯುಕ್ತ ಟಿಪ್ಸ್, ಮಾಹಿತಿಗಳನ್ನು ಕೂಡಾ ನಯನಾ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಾರೆ. ತಾವು ಗರ್ಭಿಣಿಯಾಗಿದ್ದ ದಿನಗಳನ್ನು ನೆನಪಿಸಿಕೊಂಡಿರುವ ನಯನಾ, ವಿಡಿಯೋವೊಂದನ್ನು ಶೇರ್ ಮಾಡಿದ್ದಾರೆ. " ಡಿಸೆಂಬರ್ ನನಗೆ ವಿಶೇಷವಾದ ತಿಂಗಳು. ಎರಡು ವರ್ಷಗಳ ಹಿಂದೆ ಇದೇ ದಿನ ನಾನು ತಾಯಿಯಾಗುವ ವಿಷಯ ತಿಳಿಯಿತು. ನಾನು ದುಬೈಗೆ ತೆರಳಿ ಇದನ್ನು ಸಂಭ್ರಮಿಸಿದ್ದೆ. ಈಗ ಆ ದಿನಗಳನ್ನು ನೆನಪಿಸಿಕೊಳ್ಳುತ್ತಿದ್ದೇನೆ, ಇದು ಎಂದಿಗೂ ವಿಶೇಷ" ಎಂದು ಬರೆದುಕೊಂಡಿದ್ದಾರೆ.

'ಸತ್ಯಂ ಶಿವಂ ಸುಂದರಂ' ಧಾರಾವಾಹಿಯ ತಾಪ್ಸಿ ಖ್ಯಾತಿಯ ನಟಿ

ಇದನ್ನೂ ಓದಿ: ಜೆಕೆ ನಟನೆಯ 'ಐರಾವನ್' ಸಿನಿಮಾಗೆ ಬೆಂಬಲಿಸಿ ಶುಭ ಕೋರಿದ ಸುದೀಪ್

ವೃತ್ತಿಯಲ್ಲಿ ಉಪನ್ಯಾಸಕಿಯಾಗಿದ್ದ ನಯನಾ, ಆಕಸ್ಮಿಕವಾಗಿ ನಟನಾ ಕ್ಷೇತ್ರಕ್ಕೆ ಕಾಲಿಟ್ಟರು.'ಚಿಕ್ಕಮ್ಮ' ಧಾರಾವಾಹಿ ಮೂಲಕ ಕಿರುತೆರೆಗೆ ಕಾಲಿಟ್ಟ ನಯನಾ ನಂತರ ಗಾಳಿಪಟ, ವಸುದೈವ ಕುಟುಂಬಕಂ, ಪುಟ್ಟ ಗೌರಿ ಮದುವೆ, ಕನಕ, ಕರ್ಪೂರದ ಗೊಂಬೆ ಧಾರಾವಾಹಿಯಲ್ಲಿ ಅಭಿನಯಿಸಿದ್ದಾರೆ. ಹೆಚ್ಚಾಗಿ ನೆಗೆಟಿವ್ ಪಾತ್ರಗಳಲ್ಲೇ ನಯನಾ ಕಾಣಿಸಿಕೊಂಡಿದ್ದಾರೆ. ವಾರಸ್ದಾರ, ಮನೆದೇವ್ರು, ಸತ್ಯಂ ಶಿವಂ ಸುಂದರಂ ಧಾರಾವಾಹಿಯಲ್ಲಿ ನಯನಾ ವಿಲನ್ ಆಗಿ ಹೆಸರು ಮಾಡಿದ್ದಾರೆ.

ಪುತ್ರ ಪ್ರಯಾನ್ ಜೊತೆ ನಯನಾ