ಇಂಜಿನಿಯರಿಂಗ್ ಓದಿರುವ ಶ್ರುತಿ ರಮೇಶ್ ಮುಂದೆ ಆಗಿದ್ದು ಹಾಸ್ಯ ಕಲಾವಿದೆ. ಕಲರ್ಸ್ ಸೂಪರ್ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಕಾಮಿಡಿ ಧಾರಾವಾಹಿ ಪಾಪಾ ಪಾಂಡುವಿನಲ್ಲಿ ನಿಮ್ಮಿಯಾಗಿ ನಟಿಸಿ ಕಿರುತೆರೆ ಪ್ರಿಯರ ಮನ ಸೆಳೆದಿರುವ ಶ್ರುತಿ ರಮೇಶ್ ಇಂದು ನಟನಾ ಜಗತ್ತಿನಲ್ಲಿ ದೊಡ್ಡ ಹೆಸರು ಗಿಟ್ಟಿಸಿಕೊಂಡಿದ್ದಾರೆ.
ಸತ್ಯಂ ಶಿವಂ ಸುಂದರಂ, ಸುಬ್ಬಲಕ್ಷ್ಮೀ ಸಂಸಾರ, ಶಾಂತಂ ಪಾಪಂ, ಬಿಳಿ ಹೆಂಡ್ತಿ, ಮಾನಸ ಸರೋವರ ಧಾರಾವಾಹಿಗಳಲ್ಲಿ ಸಣ್ಣ ಪುಟ್ಟ ಪಾತ್ರಗಳಲ್ಲಿ ನಟಿಸುವ ಮೂಲಕ ಮನೆ ಮಾತಾಗಿದ್ದ ಶ್ರುತಿ ರಮೇಶ್ ಒಂದಷ್ಟು ಕಿರುಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.