ತೆಲುಗು ಕಿರುತೆರೆಗೆ ಕಾಲಿಟ್ಟ 'ಇವಳು ಸುಜಾತಾ' ಖ್ಯಾತಿಯ ಮೇಘಶ್ರೀ

'ಇವಳು ಸುಜಾತಾ', 'ಬಿಗ್ ಬಾಸ್' ಖ್ಯಾತಿಯ ಮೇಘಶ್ರೀ ಈಗ ಹೊಸ ಧಾರಾವಾಹಿ ಮೂಲಕ ತೆಲುಗು ಕಿರುತೆರೆ ಪ್ರೇಕ್ಷಕರಿಗೆ ಮನರಂಜನೆ ನೀಡಲು ಸಜ್ಜಾಗುತ್ತಿದ್ದಾರೆ.

'ಇವಳು ಸುಜಾತಾ' ಧಾರಾವಾಹಿಯಲ್ಲಿ ನಾಯಕಿಯಾಗಿ ಅಭಿನಯಿಸಿ ಮೋಡಿ ಮಾಡಿದ್ದ ಮೇಘಶ್ರೀ ಇದೀಗ ತೆಲುಗು ಕಿರುತೆರೆಗೆ ಕಾಲಿಟ್ಟಿದ್ದಾರೆ.

ಮೇಘಶ್ರೀ

ಹೌದು, ಸೂಪರ್ ನ್ಯಾಚುರಲ್ ಧಾರಾವಾಹಿ ನಂದಿನಿ -2 ಮೂಲಕ ತೆಲುಗು ಕಿರುತೆರೆಯಲ್ಲಿ ಮೇಘಶ್ರೀ ಮಿಂಚಲಿದ್ದಾರೆ. ರಾಜ್ ಕಪೂರ್ ನಿರ್ದೇಶನದ ಈ ಧಾರಾವಾಹಿಯಲ್ಲಿ ಜ್ಯೋತಿ ಪಾತ್ರಕ್ಕೆ ಮೇಘಶ್ರೀ ಜೀವ ತುಂಬಲಿದ್ದು ಸದ್ಯದಲ್ಲಿಯೇ ಈ ಧಾರಾವಾಹಿ ಆರಂಭವಾಗಲಿದೆ.

ಮೇಘಶ್ರೀ

ಮೊದಲ ಬಾರಿಗೆ ತೆಲುಗು ಇಂಡಸ್ಟ್ರಿಗೆ ಕಾಲಿಟ್ಟಿರುವ ಮೇಘಶ್ರಿ, ಮೇಕಿಂಗ್, ಕಥೆ ಅಥವಾ ಪ್ರೊಡಕ್ಷನ್ ವಿಷಯಗಳಲ್ಲಿ ಕನ್ನಡ-ತೆಲುಗು ಧಾರಾವಾಹಿಗಳು ಸರಿಸಮವಾಗಿವೆ. ಕಂಟೆಂಟ್ ವಿಷಯದಲ್ಲಿ ಸಹ ವ್ಯತ್ಯಾಸವಿಲ್ಲ ಎಂದಿದ್ದಾರೆ.

ಮೇಘಶ್ರೀ

ತನ್ನ ಪಾತ್ರದ ಕುರಿತು ಮಾತನಾಡಿರುವ ಮೇಘಶ್ರೀ, ನಾನು 'ನಂದಿನಿ -2' ಧಾರಾವಾಹಿಯಲ್ಲಿ ಜ್ಯೋತಿ ಎಂಬ ಅನಾಥೆಯ ಪಾತ್ರ ಮಾಡುತ್ತಿರುವೆ. ಅಪಘಾತದಲ್ಲಿ ತನ್ನ ಪೋಷಕರನ್ನು ಕಳೆದುಕೊಂಡು, ಶ್ರೀಮಂತ ಕುಟುಂಬದಲ್ಲಿ ಜ್ಯೋತಿ ಕೆಲಸ ಮಾಡುತ್ತಿರುತ್ತಾಳೆ.ಈ ಧಾರಾವಾಹಿಯಲ್ಲಿ ಅನೇಕ ತಿರುವುಗಳಿವೆ. ಎಲ್ಲರೂ ವೀಕ್ಷಿಸಿ ಎಂದಿದ್ದಾರೆ.