ತೆಲುಗು ಬಿಗ್ ಬಾಸ್ ವೇದಿಕೆಗೆ ಎಂಟ್ರಿ ಕೊಟ್ಟ ಕನ್ನಡದ ಬಿಗ್​ ಬಾಸ್​

ಈ ವಾರದ ವಿಶೇಷವೆಂದರೆ, ಕಿಚ್ಚ ಸುದೀಪ್‌ ಈ ಶೋಗೆ ಈ ವಾರ ಅತಿಥಿಯಾಗಿ ವೇದಿಕೆ ಏರಿದ್ದಾರೆ. ಈ ಬಗ್ಗೆ ಸ್ವತಃ ಸುದೀಪ್ ಮಾಹಿತಿ ನೀಡಿದ್ದು, ನಾಗಾರ್ಜುನ ಜೊತೆಗೆ ಇರುವ ಫೋಟೋವೊಂದನ್ನು ತಮ್ಮ ಟ್ವಿಟರ್​ ಮತ್ತು ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಹೈದರಾಬಾದ್: ತೆಲುಗಿನಲ್ಲಿ ಬಿಗ್ ಬಾಸ್ ಸೀಸನ್ 4 ಆರಂಭಗೊಂಡಿದ್ದು, ಹಿರಿಯ ನಟ ನಾಗಾರ್ಜುನ ಅದರ ನಿರೂಪಣೆ ಮಾಡುತ್ತಿದ್ದಾರೆ. ಈ ವಾರ ತೆಲುಗು ಬಿಗ್​ ಬಾಸ್​​ ವೇದಿಕೆಗೆ ಮತ್ತೊಬ್ಬ ಬಿಗ್​​ ಬಾಸ್​ ಸರಪ್ರೈಸ್​ ಎಂಟ್ರಿ ನೀಡಿದ್ದಾರೆ.

ಈ ವಾರದ ವಿಶೇಷವೆಂದರೆ, ಕಿಚ್ಚ ಸುದೀಪ್‌ ಈ ಶೋಗೆ ವಾರದ ಅತಿಥಿಯಾಗಿ ವೇದಿಕೆ ಏರಿದ್ದಾರೆ. ಈ ಬಗ್ಗೆ ಸ್ವತಃ ಸುದೀಪ್ ಮಾಹಿತಿ ನೀಡಿದ್ದು, ನಾಗಾರ್ಜುನ ಜೊತೆಗೆ ಇರುವ ಫೋಟೋವೊಂದನ್ನು ತಮ್ಮ ಟ್ವಿಟರ್​ ಮತ್ತು ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ 'ಬಿಗ್ ಬಾಸ್' ತೆಲುಗು ಸೀಸನ್ 4ರಲ್ಲಿ ಭಾಗವಹಿಸಿದ್ದರ ಕುರಿತಾಗಿ ಬರೆದುಕೊಂಡಿದ್ದಾರೆ.

'ಬಿಗ್ ಬಾಸ್‌ ಶೋ ನಿರೂಪಣೆ ಮಾಡುವುದು ಯಾವಾಗಲೂ ವಿಶೇಷ ಅನುಭವ. ಇಂದು ತೆಲುಗು ಬಿಗ್ ಬಾಸ್‌ಗೆ ಅತಿಥಿಯಾಗಿ ಹೋಗಿದ್ದು, ಮತ್ತೊಂದು ವಿಶೇಷ ಅನುಭವ ಆಗಿದೆ. ಎಂದೆಂದಿಗೂ ಆಕರ್ಷಕವಾಗಿರುವ ನಾಗಾರ್ಜುನ ಅವರೊಂದಿಗೆ ವೇದಿಕೆ ಹಂಚಿಕೊಂಡಿದ್ದು ಅದ್ಭುತವಾಗಿತ್ತು. ಜೊತೆಗೆ ಮನೆಯೊಳಗೆ ಇರುವ ಸ್ಪರ್ಧಿಗಳೊಂದಿಗೆ ಮಾತನಾಡಿದೆ' ಥ್ಯಾಂಕ್ಯೂ ನಾಗಾರ್ಜುನ ಸರ್' ಎಂದು ಸುದೀಪ್ ಬರೆದುಕೊಂಡಿದ್ದಾರೆ.