ಓರಾಯನ್ ಪಿವಿಅರ್ ಸಿನಿಮಾಸ್​ನಲ್ಲಿ ರಾಷ್ಟ್ರಗೀತೆಗೆ ಅಗೌರವ: ನಟಿ ಐಶ್ವರ್ಯ ತಗೊಂಡ್ರು ಫುಲ್ ಕ್ಲಾಸ್

ಪ್ಯಾಟೆ ಮಂದಿ ಖ್ಯಾತಿಯ ನಟಿ ಐಶ್ವರ್ಯ ಒರಾಯನ್ ಮಾಲ್​ನಲ್ಲಿ ಧನುಷ್ಅಭಿನಯದ ಅಸುರನ್ ಸಿನಿಮಾ ನೋಡ್ತಿದ್ದ ವೇಳೆ ರಾಷ್ಟ್ರಗೀತೆ ಆರಂಭವಾದರೂ ಎದ್ದು ನಿಲ್ಲದೆ‌ ಅಗೌರವ ತೋರಿಸಿದ ಹಿಂದಿ ಭಾಷಿಕರಿಗೆ ಸರಿಯಾಗಿ ಕ್ಲಾಸ್ ತೆಗೆದುಕೊಂಡಿದ್ದಾರೆ.

ಬೆಂಗಳೂರು: ಸಿನಿಮಾ ಮಂದಿರದಲ್ಲಿರಾಷ್ಟ್ರಗೀತೆಗೆ ಅಗೌರವ ತೋರಿದ ಕೆಲವರಿಗೆ ನಟ ಅರು‌ಗೌಡ ಹಾಗೂ ಪ್ಯಾಟೆ ಮಂದಿ ಖ್ಯಾತಿಯ ನಟಿ ಐಶ್ವರ್ಯ ಕ್ಲಾಸ್ ತೆಗೆದು ಕೊಂಡಿದ್ದು, ಥಿಯೇಟರ್​​ನಲ್ಲಿದ್ದ ಇತರೆ ವೀಕ್ಷಕರೂ ಕೂಡ ಅವರಿಗೆ ಸಾಥ್​ ನೀಡಿದ್ದಾರೆ.

ಒರಾಯನ್ ಮಾಲ್​ನಲ್ಲಿ ಧನುಷ್ಅಭಿನಯದ ಅಸುರನ್ ಸಿನಿಮಾ ನೋಡುತ್ತಿದ್ದ ವೇಳೆ ರಾಷ್ಟ್ರಗೀತೆ ಆರಂಭವಾದರೂ ಎದ್ದು ನಿಲ್ಲದೆ‌ ಕೆಲವರು ಅಗೌರವ ತೋರಿಸಿದ್ದರು.

ರಾಷ್ಟ್ರಗೀತೆ ಆರಂಭವಾಗಿದೆ ಎದ್ದು ನಿಲ್ಲಿ ಎಂದು ಹೇಳಿದರೂ ಅವರು ಸರಿಯಾಗಿ ಸ್ಪಂದಿಸದೆ ಉಡಾಫೆಯಿಂದ ಉತ್ತರಿಸಿದ್ದಾರೆ ಎಂದು ಹೇಳಲಾಗಿದೆ. ಸಿನಿಮಾ ಮಧ್ಯಂತರ ವೇಳೆಯಲ್ಲಿ ಇತರ ಸಿನಿಮಾ ವೀಕ್ಷಕರು ಐಶ್ವರ್ಯ ಹಾಗೂ ಅರುಗೌಡಗೆ ಸಾಥ್ ನೀಡಿದ್ದಾರೆ.

ರಾಷ್ಟ್ರಗೀತೆಗೆ ಅವಮಾನ ಮಾಡಿದ ಆ ಐದು ಮಂದಿ ಸದ್ಯಕ್ಕೆ ಯಾರೆಂದು ತಿಳಿದುಬಂದಿಲ್ಲ. ಅವರು ಹಿಂದಿ ‌ಮಾತನಾಡುತ್ತಿದ್ದರು. ಬಹುಶಃ ಉತ್ತರ ಭಾರತೀಯರು ಇರಬಹುದು ಎಂದು ಐಶ್ವರ್ಯ ಅವರು ಈಟಿವಿ ಭಾರತ್​ಗೆ ತಿಳಿಸಿದ್ದಾರೆ.