'ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್' ಕನ್ನಡ ಕಿರುತೆರೆಯ ವಿಭಿನ್ನ ರಿಯಾಲಿಟಿ ಶೋಗಳಲ್ಲಿ ಒಂದು. ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುವ ಈ ರಿಯಾಲಿಟಿ ಶೋ ಕನ್ನಡಿಗರ ಮೋಸ್ಟ್ ಫೇವರೇಟ್ ಕಾರ್ಯಕ್ರಮ.
ಶೀಘ್ರದಲ್ಲೇ ಆರಂಭವಾಗಲಿದೆ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಸೀಸನ್- 3 - undefined
ನೃತ್ಯ ಪ್ರೇಮಿಗಳಿಗೆ ಮನರಂಜನೆಯ ರಸದೌತಣ ನೀಡುವ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ಸೀಸನ್- 3 ಶೀಘ್ರದಲ್ಲೇ ಪ್ರಸಾರವಾಗಲಿದೆ. ಸದ್ಯಕ್ಕೆ ಕಾರ್ಯಕ್ರಮದ ಪ್ರೋಮೋ ಶೂಟಿಂಗ್ ನಡೆಯುತ್ತಿದ್ದು, ಈ ಬಾರಿಯೂ ರಕ್ಷಿತ, ಅರ್ಜುನ್ ಜನ್ಯ, ವಿಜಯ ರಾಘವೇಂದ್ರ ಜಡ್ಜ್ಗಳಾಗಿ ಬರಲಿದ್ದಾರೆ.
ವಿಜಯ ರಾಘವೇಂದ್ರ, ರಕ್ಷಿತ, ಅರ್ಜುನ್ ಜನ್ಯಾ
ಈ ಬಾರಿಯೂ ಕೂಡಾ ಜಡ್ಜ್ಗಳಾಗಿ ಕ್ರೇಜಿ ಕ್ವೀನ್ ರಕ್ಷಿತಾ, ಖ್ಯಾತ ಸಂಗೀತ ನಿರ್ದೇಶಕ, ಮ್ಯೂಸಿಕ್ ಕಂಪೋಸರ್ ಎಂದೇ ಹೆಸರಾದ ಅರ್ಜುನ್ ಜನ್ಯ ಹಾಗೂ ವಿಜಯ್ ರಾಘವೇಂದ್ರ ಅವರು ಬರಲಿದ್ದಾರೆ. ನಿರೂಪಕಿ ಅನುಶ್ರೀ ಕಾರ್ಯಕ್ರಮದ ನಿರೂಪಣೆ ಹೊಣೆ ಹೊತ್ತಿದ್ದಾರೆ. ಈ ಕಾರ್ಯಕ್ರಮದ ಪ್ರೋಮೋ ಶೂಟ್ ಕೂಡಾ ಈಗಾಗಲೇ ಆರಂಭವಾಗಿದೆ. ರಕ್ಷಿತಾ ಪ್ರೇಮ್ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಪ್ರೋಮೋದ ಫೋಟೋವೊಂದನ್ನು ಶೇರ್ ಮಾಡಿಕೊಂಡಿದ್ದಾರೆ. 'ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್' ಮೂಲಕ ನಾವು ಮತ್ತೆ ಬರುತ್ತಿದ್ದೇವೆ' ಎಂದು ಕ್ಯಾಪ್ಷನ್ ಕೂಡಾ ನೀಡಿದ್ದಾರೆ. ಈ ಶೋಗಾಗಿ ರಾಜ್ಯದ ವಿವಿಧೆಡೆ ಆಡಿಷನ್ ನಡೆಯಲಿದೆ. 2-3 ತಿಂಗಳೊಳಗೆ ಕಾರ್ಯಕ್ರಮ ತೆರೆ ಮೇಲೆ ಬಂದು ವೀಕ್ಷಕರಿಗೆ ಮನರಂಜನೆ ನೀಡಲಿದೆ.