ಬಿಗ್ ಬಾಸ್ ಮನೆಯಲ್ಲಿ ನಲಿ-ಕಲಿ ಟಾಸ್ಕ್ ಹಾಗೂ ಕೊಳವೆ ಮೂಲಕ ಚೆಂಡನ್ನು ಬಟ್ಟಲಿಗೆ ವರ್ಗಾಯಿಸುವ ಟಾಸ್ಕ್ ಮನರಂಜನೆ ನೀಡಿದವು. ನಲಿ_ಕಲಿ ಟಾಸ್ಕ್ ಪ್ರತಿಭೆ ಅನಾವರಣದ ಟಾಸ್ಕ್ ಆಗಿತ್ತು. ಜೋಡಿಗಳಲ್ಲಿ ಒಬ್ಬರು ಮತ್ತೊಬ್ಬರಿಗೆ ತಮ್ಮಲ್ಲಿರುವ ಪ್ರತಿಭೆಯನ್ನು ಹೇಳಿಕೊಡಬೇಕಿತ್ತು. ವಿಶ್ವನಾಥ್ ಹಾಗೂ ದಿವ್ಯ ಸುರೇಶ್ ಜೋಡಿ ಶಿಶುನಾಳ ಶರೀಫರ ಹಾಡನ್ನು ಹಾಡಿದರು. ವಿಶ್ವ ಈ ಹಾಡನ್ನು ದಿವ್ಯಾ ಅವರಿಗೆ ಹೇಳಿಕೊಟ್ಟಿದ್ದರು.
ಬಿಗ್ ಬಾಸ್ ಮನೆಯಲ್ಲಿ ವೀಕ್ಷಕರನ್ನು ರಂಜಿಸಿದ ಸ್ಪರ್ಧಿಗಳು
ಬಿಗ್ಬಾಸ್ನಲ್ಲಿ ಈ ಬಾರಿ ಸ್ಪರ್ಧಿಗಳು ಉತ್ತಮ ಆಟ ಹಾಗೂ ಕಾರ್ಯಕ್ರಮದ ಮೂಲಕ ಸ್ಪರ್ಧಿಗಳನ್ನು ರಂಜಿಸಿದರು. ಒಬ್ಬರು ಡ್ಯಾನ್ಸ್ ಮಾಡಿದರೆ ಮತ್ತೊಬ್ಬರು ಚಿತ್ರ ಬಿಡಿಸಿದರು. ಒಟ್ಟಿನಲ್ಲಿ ಈ ಬಾರಿ ಸ್ಪರ್ಧಿಗಳು ವೀಕ್ಷಕರನ್ನು ರಂಜಿಸಿದರು.
ಬಿಗ್ ಬಾಸ್ 8
ಇದನ್ನೂ ಓದಿ:'ಮ್ಯಾನ್ ಆಫ್ ದಿ ಮ್ಯಾಚ್' ಆಡಲು ಹೊರಟ ರಾಮಾ ರಾಮಾ ರೇ ನಿರ್ದೇಶಕ...!
ಪ್ರಶಾಂತ್ ಹಾಗೂ ಶುಭಾಪೂಂಜಾ ಜೋಡಿ ಡ್ಯಾನ್ಸ್ ಮೂಲಕ ರಂಜಿಸಿದರು. ಶುಭಾ ಹೇಳಿಕೊಟ್ಟ ನೃತ್ಯವನ್ನು ಮೂರು ಗಂಟೆಯ ಅವಧಿಯಲ್ಲಿ ಪ್ರಶಾಂತ್ ಕಲಿತು 'ಹಲೋ ಮಿಸ್ಟರ್ ವಿಷ್ಣುವರ್ಧನ' ಹಾಡಿಗೆ ಸ್ಟೆಪ್ ಹಾಕಿದರು. ಮಂಜು ಹಾಗೂ ಗೀತಾ ಮಂಕುತಿಮ್ಮನ ಕಗ್ಗ ಹಾಡಿದರು. ಮಂಜು ಇದರಲ್ಲಿ ಹೆಚ್ಚಿನ ಶ್ರಮ ಹಾಕಿರಲಿಲ್ಲ ಎಂಬುದು ತಿಳಿಯಿತು.ದಿವ್ಯ ಉರುಡುಗ ಹಾಗೂ ಅರವಿಂದ್, ಶಿವನ ಚಿತ್ರವನ್ನು ಬಿಡಿಸಿ ಮೆಚ್ಚುಗೆಗೆ ಪಾತ್ರರಾದರು. ಬೈಕ್ ಹಿಡಿಯುವ ಕೈ, ಕ್ರೆಯಾನ್ಸ್ ಹಿಡಿದು ಬಣ್ಣ ಹಚ್ಚಲು ಅರವಿಂದ್ಗೆ ದಿವ್ಯ ಸಹಾಯ ಮಾಡಿದರು. ಕೊನೆಯದಾಗಿ ನಿಧಿ ಹಾಗೂ ಶಮಂತ್ ಜೋಡಿ ಕೊಡವ ಸಾಂಪ್ರದಾಯಿಕ ನೃತ್ಯವನ್ನು ಮಾಡಿದರು. ನಿಧಿ ಹೇಳಿಕೊಟ್ಟಂತೆ ಶಮಂತ್ ಹೆಜ್ಜೆ ಹಾಕಿದ್ದು, ಇತರೆ ಸದಸ್ಯರು ಅವರೊಂದಿಗೆ ಹೆಜ್ಜೆ ಹಾಕಿ ರಂಜಿಸಿದರು. ಬಿಗ್ ಬಾಸ್ ನೀಡಿದ್ದ ಮತ್ತೊಂದು ತಾಸಿನಲ್ಲಿ ಕೆಂಪು ತಂಡ ಜಯಗಳಿಸಿತು ಬಿಗ್ ಬಾಸ್ ನೀಡಿದ 3 ಕೊಳವೆಗಳ ಮೂಲಕ ಚೆಂಡನ್ನು ಗಾಜಿನ ಬೌಲ್ ಗೆ ವರ್ಗಾಯಿಸ ಬೇಕಾಗಿತ್ತು. ಅದರಂತೆ ಹಳದಿ ಹಾಗೂ ಕೆಂಪು ತಂಡ ಒಬ್ಬರಿಂದೊಬ್ಬರಿಗೆ ಕೊಳವೆಗಳನ್ನು ವರ್ಗಾಯಿಸಿ ಆಟವಾಡಿದರು. ಅಂತಿಮವಾಗಿ ಕೆಂಪು ತಂಡ ಮೂರು ಚೆಂಡನ್ನು ವರ್ಗಾಯಿಸಿ ಗೆಲುವು ಸಾಧಿಸಿದರು.