Bigg Boss: ಬಿಗ್ ಬಾಸ್​ ಸೆಕೆಂಡ್​ ಇನ್ನಿಂಗ್ಸ್ ಶುರು..ನಾಳೆ ಸಂಜೆ 6ಕ್ಕೆ ಮೊದಲ ದಿನದ ಮಹಾ ಸಂಚಿಕೆ!

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಬಿಗ್ ಬಾಸ್ ಶೋ ಬಂದ್​ ಆಗಿತ್ತು. ಈ ಬಾರಿಯ ಬಿಗ್ ಬಾಸ್​ನಲ್ಲಿ ಯಾರು ಗೆಲ್ಲುತ್ತಾರೆ ಎಂಬ ಕುತೂಹಲ ಇರುವಾಗಲೇ ಕಾರ್ಯಕ್ರಮ ಅರ್ಧಕ್ಕೆ ಮೊಟಕುಗೊಂಡಿತ್ತು. ಇದೀಗ ಮತ್ತೆ ಆರಂಭವಾಗುವ ಬಗ್ಗೆ ಕಲರ್ಸ್​​ ಕನ್ನಡವು ಟ್ವೀಟ್​ ಮೂಲಕ ದಿನಾಂಕ ಖಚಿತಪಡಿಸಿದೆ.

ಕೊರೊನಾ ಲಾಕ್​ಡೌನ್​ನಿಂದಾಗಿ ಅರ್ಧಕ್ಕೆ ನಿಂತು ಹೋಗಿದ್ದ ಜನಪ್ರಿಯ ರಿಯಾಲಿಟಿ ಶೋ ‘ಬಿಗ್ ಬಾಸ್​ ಸೀಸನ್​ 8’ ಮತ್ತೆ ಶುರುವಾಗುತ್ತಿದೆ. ಜೂನ್ 23ರಿಂದ ಕಾರ್ಯಕ್ರಮ ಮತ್ತೊಮ್ಮೆ ಪ್ರಸಾರವಾಗಲಿದೆ.

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಜನಪ್ರಿಯ ರಿಯಾಲಿಟಿ ಶೋ ಬಂದ್​ ಆಗಿತ್ತು. ಈ ಬಾರಿಯ ಬಿಗ್ ಬಾಸ್​ನಲ್ಲಿ ಯಾರು ಗೆಲ್ಲುತ್ತಾರೆ ಎಂಬ ಕುತೂಹಲ ಇರುವಾಗಲೇ ಕಾರ್ಯಕ್ರಮ ಅರ್ಧಕ್ಕೆ ಮೊಟಕುಗೊಂಡಿತ್ತು. ಇದೀಗ ಮತ್ತೆ ಆರಂಭವಾಗುವ ಬಗ್ಗೆ ಕಲರ್ಸ್​​ ಕನ್ನಡವು ಟ್ವೀಟ್​ ಮೂಲಕ ದಿನಾಂಕ ಖಚಿತಪಡಿಸಿದೆ. ಬಿಗ್ ಬಾಸ್ ಸೆಕೆಂಡ್ ಇನಿಂಗ್ಸ್ ಮೊದಲ ದಿನದ ಸಂಚಿಕೆಯು ಬುಧವಾರ (ಜೂನ್ 23) ಸಂಜೆ ಪ್ರಸಾರವಾಗಲಿದೆ.

ಈ ಬಾರಿ ಹನ್ನೊಂದು ಮಂದಿ ಬದಲು 12 ಮಂದಿ ಪ್ರವೇಶಿಸಲಿದ್ದಾರೆ ಎಂದು ಕಲರ್ಸ್​ ಚಾನಲ್​ನ ಮೂಲಗಳು ತಿಳಿಸಿವೆ. ಸುದೀಪ್ ಅನುಪಸ್ಥಿತಿ ವೇಳೆ ಬಿಗ್​ಬಾಸ್ ಮನೆಯಿಂದ ಹೊರ ಬಂದಿದ್ದ ಸ್ಪರ್ಧಿ ರಾಜೀವ್ ಹುನು ಮತ್ತೆ ಬಿಗ್​ಬಾಸ್ ಮನೆಯೊಳಗೆ ಪ್ರವೇಶಿಸಲಿದ್ದಾರೆ ಎನ್ನಲಾಗುತ್ತಿದೆ. ಸಾಮಾಜಿಕ ಜಾಲತಾಣದಲ್ಲಿ #WeWantKingRajeevBackToBBK8 ಹ್ಯಾಶ್ ಟ್ಯಾಗ್ ಟ್ರೆಂಡ್​ ಆಗಿತ್ತು. ಹೀಗಾಗಿ 12 ಮಂದಿಯಲ್ಲಿ ರಾಜೀವ್ ಕೂಡ ಒಬ್ಬರಾ ಎಂಬ ಪ್ರಶ್ನೆ ಮೂಡಿದ್ದು, ಕೆಲವೇ ದಿನಗಳಲ್ಲಿ ಉತ್ತರ ಸಿಗಲಿದೆ.