ದರ್ಶನ್ ಸಿನಿಮಾದ ಹಾಡಿನ ಲೈನ್ ಈಗ ಚಿತ್ರದ ಟೈಟಲ್!!!

ಸ್ಯಾಂಡಲ್​ವುಡ್​ನ ಸರ್ದಾರ, ಚಾಲೆಂಜಿಂಗ್​ ಸ್ಟಾರ್ ದರ್ಶನ್ ಅವರ ಮತ್ತೊಂದು ಸಿನಿಮಾ ಟೈಟಲ್​ ಫಿಕ್ಸ್​ ಆಗಲಿದೆ. ಸದ್ಯ ಟೈಟಲ್ ಯಾವುದಿರಬಹುದು ಅನ್ನೋದು ಸಹ ಬಹಿರಂಗವಾಗಿದ್ದು, ದಚ್ಚು ತನ್ನ ಅಭಿಮಾನಿಗಳಿಗೆ ಸದ್ಯದಲ್ಲೇ ಒಂದು ಸಿಹಿ ಸುದ್ದಿ ಕೊಡಲಿದ್ದಾರೆ.

ಸ್ಯಾಂಡಲ್​ವುಡ್​ನಲ್ಲಿ ಇತ್ತೀಚೆಗೆ ತೆರೆಕಂಡು ಶತದಿನೋತ್ಸವ ಆಚರಿಸಿಕೊಂಡ ಅವರ ನಟನೆಯ ಯಜಮಾನ ಚಿತ್ರದ ಹಾಡೊಂದನ್ನು ಟೈಟಲ್​ ಆಗಿ ಇಡಲಿದ್ದಾರೆ ಎಂಬ ಮಾತುಗಳು ಹರಿದಾಡುತ್ತಿವೆ. ಆದರೆ, ಸದ್ಯ ಇದು ಗಾಳಿ ಸುದ್ದಿ ಅಷ್ಟೇ ಆಗಿದ್ದು ಇನ್ನೂ ಕನ್ಫರ್ಮ್​ ಆಗಿಲ್ಲ.

ಶತದಿನೋತ್ಸವ ಆಚರಿಸಿಕೊಂಡ ಯಜಮಾನ ಚಿತ್ರ (ಸಂಗ್ರಹ ಚಿತ್ರ)

ಯೂಟ್ಯೂಬ್​ನಲ್ಲಿ ಒಂದು ಮಿಲಿಯನ್​ಗೂ ಹೆಚ್ಚು ಜನ ವೀಕ್ಷಣೆ ಮಾಡಿದ ಯಜಮಾನ ಚಿತ್ರದ ಶಿವನಂದಿ... ಎಂಬ ಹಾಡೇ ಇದೀಗ ಟೈಟಲ್​ ಆಗುತ್ತಿದೆ. ದರ್ಶನ್​ ಸಹೋದರ ದಿನಕರ್ ತೂಗುದೀಪ್ ಅಣ್ಣನಿಗಾಗಿ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ಶಿವನಂದಿ ಎಂಬ ಟೈಟಲ್​ನ ರಿಜಿಸ್ಟರ್​ ಮಾಡಿಸಿದ್ದಾರಂತೆ.

ದಿನಕರ್ ತೂಗುದೀಪ್ (ಸಂಗ್ರಹ ಚಿತ್ರ)

ಆದರೆ, ದಿನಕರ್, ದರ್ಶನ್​ ಇಟ್ಟುಕೊಂಡು ಶಿವನಂದಿ ಸಿನಿಮಾವನ್ನು ಮಾಡ್ತಾರಾ ಅನ್ನೋದು ಯಕ್ಷ ಪ್ರಶ್ನೆಯಾಗಿದೆ. ಯಾಕಂದ್ರೆ, ದರ್ಶನ್​ಗಾಗಿ ಸರ್ವಾಂತರ್ಯಾಮಿ ಎಂಬ ಚಿತ್ರ ಅನೌನ್ಸ್​ ಆಗಿದ್ದು ಸಿನಿಮಾ ಆರಂಭವಾಗೋದ್ರಲ್ಲಿದೆ. ಹೀಗಿರ್ಬೇಕಾದ್ರೆ ಶಿವನಂದಿ ಟೈಟಲ್ ದರ್ಶನ್ ಸಿನಿಮಾಗೆ ಇಡ್ತಾರಾ ಅನ್ನೋದು ಗಾಂಧಿನಗರದ ಸಿನಿಮಾ‌ ಪಂಡಿತರ ಪ್ರಶ್ನೆ!!

ಚಾಲೆಂಜಿಂಗ್​ ಸ್ಟಾರ್ ದರ್ಶನ್ (ಸಂಗ್ರಹ ಚಿತ್ರ)