ಬಣ್ಣದ ಲೋಕದ ಸೆಳೆತಕ್ಕೆ ಒಳಗಾಗದವರು ಯಾರೂ ಇಲ್ಲ. ಕೆಲವು ಕಲಾವಿದರು ಅಂದುಕೊಳ್ಳದೆ ಈ ಕ್ಷೇತ್ರಕ್ಕೆ ಬಂದು ಬದುಕು ಕಟ್ಟಿಕೊಳ್ಳುತ್ತಾರೆ. ಅದ್ವಿತಿ ಶೆಟ್ಟಿ ಕೂಡಾ ಇದಕ್ಕೆ ಹೊರತಾಗಿಲ್ಲ. ಆಕಸ್ಮಿಕವಾಗಿ ಬಣ್ಣದ ಲೋಕಕ್ಕೆ ಬಂದ ಅದ್ವಿತಿ ಶೆಟ್ಟಿ ಈಗ ಬಣ್ಣದ ಲೋಕದಲ್ಲಿ ಮಿಂಚುತ್ತಿದ್ದಾರೆ.
ಕಿರುತೆರೆ, ಬೆಳ್ಳಿತೆರೆ ಎರಡರಲ್ಲೂ ಮಿಂಚುತ್ತಿರುವ ಅದ್ವಿತಿ ಶೆಟ್ಟಿ - Eradu Kanasu serial actress Adviti
'ಮಿಸ್ಟರ್ ಅ್ಯಂಡ್ ಮಿಸೆಸ್ ರಾಮಾಚಾರಿ' ಚಿತ್ರದ ಮೂಲಕ ಆ್ಯಕ್ಟಿಂಗ್ ಕರಿಯರ್ ಆರಂಭಿಸಿದ ಅದ್ವಿತಿ ಶೆಟ್ಟಿ ಈಗ ಕಿರುತೆರೆ, ಬೆಳ್ಳಿ ತೆರೆ ಎರಡರಲ್ಲೂ ಮಿಂಚುತ್ತಿದ್ದಾರೆ. ಇವರ ಸಹೋದರಿ ಅಶ್ವಿತಿ ಶೆಟ್ಟಿ ಕೂಡಾ ನಟಿ.
ಅದ್ವಿತಿ ಶೆಟ್ಟಿ
ತಮ್ಮ ಅವಳಿ ಸಹೋದರಿ ಅಶ್ವಿತಿ ಜೊತೆ 'ಮಿಸ್ಟರ್ ಅ್ಯಂಡ್ ಮಿಸೆಸ್ ರಾಮಾಚಾರಿ' ಚಿತ್ರದ ಮೂಲಕ ನಟನಾ ರಂಗಕ್ಕೆ ಕಾಲಿಟ್ಟ ಅದ್ವಿತಿ, ವೀಕ್ಷಕರಿಗೆ ಹತ್ತಿರವಾದುದು ಕಿರುತೆರೆಗೆ ಬಂದ ಬಳಿಕವೇ. ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ 'ಎರಡು ಕನಸು' ಧಾರಾವಾಹಿಯಲ್ಲಿ ಅಭಿನಯಿಸುವ ಮೂಲಕ ಕಿರುತೆರೆಯಲ್ಲೂ ಕಮಾಲ್ ಮಾಡಿದರು ಅದ್ವಿತಿ ಶೆಟ್ಟಿ. ಎರಡು ಕನಸು ಧಾರಾವಾಹಿಯಲ್ಲಿ ಡಾಕ್ಟರ್ ಆಗಿ ಕಾಣಿಸಿಕೊಂಡಿದ್ದ ಅದ್ವಿತಿ ಜನರಿಗೆ ಇನ್ನಷ್ಟು ಹತ್ತಿರವಾದರು.
ಎರಡು ಕನಸು ಧಾರಾವಾಹಿ ಅಂತ್ಯಗೊಂಡ ಬಳಿಕ ಮತ್ತೆ ಬೆಳ್ಳಿತೆರೆಯಲ್ಲಿ ಅವಕಾಶಗಳು ಕೈ ಬೀಸಿ ಕರೆಯಿತು. ಗಿರ್ಗಿಟ್ಲೆ, ಫ್ಯಾನ್ ,ಕಾರ್ಮೋಡ ಸರಿದು , ಸುಳಿ, ಧೀರ ಸಾಮ್ರಾಟ ಸೇರಿದಂತೆ ಒಂದಷ್ಟು ಸಿನಿಮಾಗಳಲ್ಲಿ ಬಣ್ಣ ಹಚ್ಚಿರುವ ಅದ್ವಿತಿಗೆ ಇನ್ನಷ್ಟು ಆಫರ್ಗಳು ಬರುತ್ತಿದೆ. ನಟನೆಯ ಹೊರತಾಗಿ ಸೋಷಿಯಲ್ ಮೀಡಿಯಾಗಳಲ್ಲಿ ಕ್ಯಾಂಪೇನ್ಗಳನ್ನು ಮಾಡುವ ಮೂಲಕ ಕೂಡಾ ಅದ್ವಿತಿ ಸುದ್ದಿಯಲ್ಲಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿರುವ ಈಕೆ ಲಾಕ್ ಡೌನ್ ಸಮಯದಲ್ಲಿ ಕಷ್ಟದಲ್ಲಿರುವವರಿಗೆ ಆಹಾರ ಸೇರಿದಂತೆ ಅಗತ್ಯ ವಸ್ತುಗಳನ್ನು ಹಂಚುವ ಮೂಲಕ ಸಹಾಯ ಮಾಡಿದ್ದಾರೆ.